Шүүгч нарт холбогдох хэргийн хэлэлцүүлэг үргэлжилж байна | News.MN

Шүүгч нарт холбогдох хэргийн хэлэлцүүлэг үргэлжилж байна

Шүүгч нарт холбогдох хэргийн хэлэлцүүлэг үргэлжилж байна

Шүүгч нарт холбогдох хэргийн хэлэлцүүлэг үргэлжилж байна

НЭМЭЛТ: 15:30 ЦАГ 

Салхитын мөнгөний ордын хэргийн оролцогчдоос хахууль авсан гэх шүүгч нарт холбогдох хэргийн урьдчилсан хэлэлцүүлэг үргэлжилж байна. Хан-Уул дүүргийн Эрүүгийн хэргийн анхан шатны шүүхэд өглөөний 09:00 цагт эхэлсэн тус хурал түр завсарлаад байсан билээ.

САЛХИТЫН ОРДЫН ХЭРЭГТ ХОЛБОГДСОН ШҮҮГЧ НАРЫГ ШҮҮЖ БАЙНА

Хан-Уул дүүргийн Эрүүгийн хэргийн анхан шатны шүүхэд өнөөдөр /2020.03.09/ Салхитын мөнгөний ордын хэргийн оролцогчдоос хахууль авсан гэх хэргийн урьдчилсан хэлэлцүүлэг болж байна.

Дээрх ордын тусгай зөвшөөрлийг эзэмшигчдийн маргааныг шийдвэрлэхдээ Улсын дээд шүүхийн Иргэний хэргийн танхимын шүүгч Г.Цагаанцоож, Ц.Амарсайхан, Д.Цолмон, Захиргааны хэргийн давж заалдах шатны шүүхийн шүүгч Э.Халиунбаяр, Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Цолмонбаатар, Чингэлтэй дүүргийн Иргэний хэргийн анхан шатны шүүхийн ерөнхий шүүгч Б.Сайханцэцэгийг хээл хахууль авсан гэх үйлдэлд буруутган шалгасан байдаг.

Харин хахууль өгсөн үйлдэлд Б.Мөнгөншагай, Г.Жаргалан, зуучилсан үйлдэлд Хан-Уул дүүргийн Цагдаагийн I хэлтсийн Мөрдөн байцаах тасгийн даргаар ажиллаж байсан, хошууч Г.Алтан-Очир зэрэг хүнийг буруутган Нийслэлийн прокурорын газраас Эрүүгийн хуулийн 22.4, 22.5-д зааснаар яллах дүгнэлт үйлдэж, тус шүүхэд шилжүүлжээ.

Өнгөрсөн оны 11 дүгээр сард Авлигатай тэмцэх газрын Олон нийттэй харилцах ахлах ажилтан, ахлах комиссар Т.Баярхүү мэдээлэхдээ “Салхитын мөнгөний ордын асуудалтай холбогдуулан нэр бүхий зургаан шүүгчид холбогдох хэргийн мөрдөн шалгах ажиллагаа дуусч, хэргийг шүүхэд шилжүүлэх саналтайгаар прокурорын байгууллагад хүргүүлсэн. Зөвхөн Салхитын мөнгөний ордтой холбоотой 17 шүүгчийн асуудал яригдаагүй. Бусад шүүгчид өөр төрлийн гэмт хэрэгт холбогдон шалгагдаж байна” хэмээн мэдээлсэн билээ.

Б.ЖАРГАЛ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2020-03-09 202.21.126.30

ЦАГААНЦООЖ АНХАН ШАТНЫ ШҮҮХЭЭС ШУУД ЭБЭ-ГИЙН ТАТААСНААР ДЭЭД ШҮҮХЭД ИРСЭН, ЦОЛМОН УГ НЬ ДЭЭД СУРГУУЛИЙН БАГШ ОЛОН ЖИЛ ХИЙСЭН ЁС ЗҮЙГ МЭДЭХ Л ХУУЛЬЧ ДАА. ЮУ Л БОЛСОН ЮМ БОЛ, ЮУ Л БОЛДОГ ЮМ БОЛ…

Avatar

Bayduud 2020-03-09 66.181.161.11

Turiiin ner barisan IIM luiwarchinguud has saigui bga shde . Halhuud uulaasaa urwagch shde Manai bayd,durwuduud arai l gaigui de

Avatar

Зочин 2020-03-09 103.57.95.243

Дээд шүүхийн шүүгч байсан Цолмон , Цагаанцоож хоёр аюултай хүмүүс дээ. Ухвал энэ битгий хэл юм гарна.

NewsMN Гар утасны хувилбар Татах
NEWS.mn

Мэдээллийн эх сурвалж