Мартын 8-ны өмнөх өдрүүдэд спортын барааны борлуулалт Орост нэмэгдлээ хэмээн санхүүгийн дүн шинжилгээний “Платформа ОФД” мэдээллээ.

“Платформа ОФД”-гийн судалгаагаар гуравдугаар сарын 1-нээс 3-ны хооронд спортын бараа худалдан авсан гүйлгээ нэмэгджээ. Өнгөрсөн оны мөн үетэй харьцуулахад спортын барааны гүйлгээний тоо гурван хувиар нэмэгдсэн байна. “Платформа ОФД” нь Орос орон даяар 900 мянга гаруй кассын гүйлгээнд үндэслэн энэхүү судалгаагаа хийжээ.

Спортын бараа, фитнесийн төхөөрөмжүүдээс гадна цэцгийн баглаа, гоо сайхны бараа, хувцас, гал тогооны сав суулга, электрон бараа, ухаалаг төхөөрөмжүүдийн борлуулалт нэмэгджээ.