Д.Сумъяабазар: Эхний ээлжинд 300-350 машин нүүрс тээвэрлэнэ | News.MN

Д.Сумъяабазар: Эхний ээлжинд 300-350 машин нүүрс тээвэрлэнэ

Д.Сумъяабазар: Эхний ээлжинд 300-350 машин нүүрс тээвэрлэнэ

Д.Сумъяабазар: Эхний ээлжинд 300-350 машин нүүрс тээвэрлэнэ

Улсын онцгой комиссын уул уурхайн бүтээгдэхүүний экспортын тээвэрлэлтийг онцгой нөхцөлд зохион байгуулах бэлтгэл ажлыг 2020 гуравдугаар сарын 15-ны дотор бүрэн хангах арга хэмжээ авах, 7.2-т нүүрс болон газрын тосны тээвэрлэлтийг сэргээх бэлтгэх ажлын хүрээнд Уул уурхай, хүнд үйлдвэрийн /УУХҮ/-ийн сайд Д.Сумъяабазар /2020.03.06-07/ Өмнөговь аймаг, Гашуунсухайт боомтод ажиллалаа. Тус ажлын хэсэгт Зам тээврийн хөгжлийн /ЗТХ/-ийн дэд сайд Л.Халтар, МХЕГ-ын дэд дарга Д.Энхсайхан болон бусад холбогдох мэргэжилтнүүд багтсан байна.


Улсын онцгой комиссын гишүүд гааль, тээврийн жолооч нарын төлөөлөл болсон ТББ-ууд болон бусад албаныхан хэрхэн хилийн тээврийг аюулгүй хийх талаар хуралдсан юм. Мөн хилийн ойролцоо 50 хүртэлх хүний багтаамжтай тусгаарлах байр бэлтгээд байгаа бөгөөд хятадын нутагт хил гарч ирэлгүй хоносон тохиолдол жолоочийг шууд тус байранд тусгаарлах юм байна.

УУХҮ-ИЙН САЙД Д.СУМЪЯАБАЗАР:

-Гуравдугаар сарын 15-аас хилийн тээвэр эхэлнэ. Үүний өмнө бэлтгэл ажлаа маш сайн хангах хэрэгтэй. Экспорт эхлэхээр жолооч нар Хятад улс руу үдээс өмнө хил гараад үдээс хойш тус улсад хонолгүйгээр орж ирэх, бүгд нэг удаагийн хамгаалалтын хувцас хэрэглэлтэй гараад Монгол Улсын нутагт орж ирээд устган, машинаа бүрэн ариутгалт оруулах зэргээр аюулгүй байдал талаас нь авах арга хэмжээг чанд мөрдөх хэрэгтэй. Ер нь боломжийн хэмжээнд эхнээсээ бэлтгэлээ хангаад явж байна. Эхний ээлжинд 300-350 хүртэлх тээврийн машин хилээр нэвтрүүлнэ. Гуравдугаар сарын 30-наас хойш тодорхой хугацаагаар гарч байгаа тээврийн хэрэгслийг нэмэгдүүлэх бас зайлшгүй тохиолдолд хонох хэрэгтэй бол тэр үед нь хуралдаж байгаад зохицуулалт хийсэн нь дээр гэж бодож байна.0

Мөн онцгой горимд шилжиж хөл хорио тогтоосон энэ үед иргэдийн эрүүл аюулгүй байдал хамгийн чухал гэдгийг сайд онцоллоо. Энэ сарын 15-ны өдөр экспорт эхлэхтэй холбоотойгоор сайд Д.Сумъяабазар УОК-д энэхүү томилолтынхоо талаар танилцуулга хийн холбогдох шийдвэрүүдийг гаргуулах юм байна. Уулзалтын үеэр “Цагаан хад хөгжлийн гарц” ТББ-ын гүйцэтгэх захирал Н.Адъяацэрэн “Цагаан хад орчмыг 4 сарын нэгэн хүртэл ч юм уу байдал намжтал онцгой бүс болгож өгөөч ээ гэж хүсч байна. Тодорхой тооны хүмүүс нэвтрүүлдэг, дурын хүмүүс энд зорчоод, өөрсдөө ирээд машин тэргээр орох гээд эсвэл энэ хавиар янз бүрийн ажил хийх гээд сэлгүйцээд байх нөхцөлийг бүрдүүлэхгүй онцгой бүс байгуулах хэрэгтэй байна. Яг тээвэр хийх зөвшөөрөгдсөн компанийн зөвшөөрөгдсөн жолооч нарыг нэвтрүүлнэ гэвэл энд 10-20 мянгаараа хүн цуглахгүй байх гэж бодож байна” гэв.

Мөн хилийн боомтоор нэвтрэх жолооч нар нэг удаагийн хамгаалах хувцас хэрэглэлээ өөрсдөө худалдаж авна гэж яриа гараад байгааг холбоодын гишүүд асууж байлаа. Энэ тал дээр МХЕГ-ын дэд дарга Д.Энхсайхан тодруулга өглөө. Тэрбээр “Журам дээр нарийн зааж өгсөн тухайн компани  өөрсдийнхөө харьяаллын жолооч нараа хамгаалах хувцас хэрэглэлээр бүрэн хангах ёстой. Жолооч өөрөө авахгүй. Жолооч бүр ямар нэгэн компанид харьяалагдаж байгаа.  Тийм учраас харьяалагдаж байгаа компани тусгаарлах байр, хамгаалах хэрэгсэл, хоол бие засах газар гэх зэргээр кэмпийг бүгдийг зохион байгуулах бүр эрхийг олгосон байгаа” гэлээ.

Гашуунсухайт боомт дээр нүүрс тээвэр явахтай холбоотой нэн шаардлагатай ариутгал халдваргүйжүүлэлтийн бодис болон хамгаалах хувцас хэрэгсэл 6 хоногийн нөөцтэй байгааг хэллээ боомтын удирдлагууд хэллээ. Мөн нэг сарын нөөц бүрдүүлэхэд 105,3 сая төгрөгийн төсөв хэрэгтэй байгааг танилцуулж шийдвэрлэж өгөхийг  сайдаас хүссэн юм. Мөн Гашуунсухайт боомтоор нүүрс тээврийн хэрэгслийг шалган нэвтрүүлэхтэй холбогдуулан гаалийн байгууллага эхний ээлжинд орох гарах чиглэлийг хоёр, хоёр замаар шалган нэвтрүүлнэ гэлээ.

Тавантолгойн уурхай, Цагаанхад дахь гаалийн хяналтын бүс, Гашуунсухайт боомтод жолооч, тээврийн хэрэгслийн халдвараас хамгаалах эрүүл ахуй, халдваргүйжүүлэлтийг хэрэгжүүлэх, тээвэрлэлтийг зохион байгуулалтад оруулах арга хэмжээг бүрэн авч чадсан нөхцөлд нүүрсний экспортыг эхлүүлэх боломжтой гэдгийг сайд Д.Сумъяабазар онцгойлон анхааруулж байлаа.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-09 183.177.101.122

Нүүрс зөөх гэж юундаа ингэж их улайрдын бээ. Төмөр замаа тависны дараа л зөөнө биз. Эд чинь жинхэнэ вирус тээж ирнэ дээ

Avatar

Үнэн 2020-03-09 103.136.254.8

Угаасаа энэ чиглэлд барихаас өөр гарц байхгүй. OT гарах бүтээгдэхүүнийг Хятад авах нь ойлгомжтой. OT г гэсэн нэг бол China нэг бол RIO Tinto энэ балай Rio Tinto taigaa yaj tohiroltsoh be l gedeg asuudal. Хэлэлцээр хийж байгаа хүмүүсийг нь нэг эргүй юмнууд тавичихаар мэдээж хахууль аваад л улс эх оронд чинь ашиггүй зүйл л хийнэ ш дээ

Avatar

Төмөр зам 2020-03-09 103.136.254.8

Тэр төмөр замын дэр бетоны лиценз авах бичиг баримтуудыг бэлтгэсэн хүнийг ёстой муухай хэлмэгдүүлсэн дээ. Тэр компани нь ядаж уучлалт гуйх хэрэгтэй ш дээ. Манай Монголчууд эмэгтэйчууд даа аймаар дэрэлхэх дуртай юм аа. Худлаа баахан сонгуулийн шоу хийсэн. Тийм ухамсартай хүмүүс чинь хэнээс ч хэзээ ч мөнгө нэхэхгүй зүгээр л уучлал гүйгаасай гэж хүсэж байгаа.

Avatar

Зочин 2020-03-09 66.181.161.64

Hэг жилд бариад дуусгах төмөр замыг Cумьяабазар махан толгой өнгөрсөн 3 жил бариагүй.Oдоо энэ жил барьж дуусгаад ирэх жил 50 сая тонныг гаргана.машинаар 20сая тонныг зөөнө гэж хуцаж байна. женко хятадад очоогүй бол эхний хагас жилээр экспорт , улсын төсөв 50% тасарч женко хүүк сумья булчингууд маань улсын дайсан болж түүхийн хог дээр хаягдах байлаа.

Avatar

зочин 2020-03-09 103.80.211.37

Оросын Азизов гэж элчин сайд мухар төмөр зам гэж байдаггүй юм, бариулахгүй гэж шууд ТВ-ээр шаасан ш дээ. Женко тэргүүтэй манай гөлөгнүүд нам болсон ш дээ.

Avatar

ялна 2020-03-09 202.131.245.6

Төмөр замтай бол ингэж үйлээ үзэхгүйл дээ, Женко гэж гай юмаав

Avatar

Зочин 2020-03-09 66.181.177.32

Манайх шиг нүүрсээ машинаар зөөдөг өөр улс байдаг болов уу.Төмөр зам барьчих сонирхол даанч байхгүй юм даа Нүүрс тээврийн хэдэн компани ард улс төрчид байдаг болов уу Уг нь улсын эрх ашиг дээгүүрт баймаар юм.Мотортой л болохоос яг тэмээн жингийн цуваа.

Avatar

Зочин 2020-03-09 64.119.18.130

Оюу толгой тээврээ зогсоогоогүй,халдвар ч гараагүй улсын ажил хэт удаан байна шүү ѳдѳр болгон шинэ нѳхцѳл гаргаж тавиад байхаар хувийн тээврийн компаниуд тэрийг нь гүйцэхгүй байна маргааш ямар шаардлага тавихыг нь мэдэхгүй хэцүү байгаа.МХГ,Гааль,Хилийн цэрэг,УУХҮЯ дор дороо хэрэггүй юмнууд яриад бүгд нѳлѳѳтэй хяндаг,зѳвшѳѳрѳл ѳгдѳг,торгодог,гуйлагдаг авилга авдаг болох гээд ажил явуулахгүй юм даа

NewsMN Гар утасны хувилбар Татах
NEWS.mn

Мэдээллийн эх сурвалж