Парламентын сэтгүүлчид Монгол Улсын Их Хурлын болон бусад хуулиудын талаарх цуврал сургалтад хамрагдав | News.MN

Парламентын сэтгүүлчид Монгол Улсын Их Хурлын болон бусад хуулиудын талаарх цуврал сургалтад хамрагдав

Хуучирсан мэдээ: 2015.11.09-нд нийтлэгдсэн

Парламентын сэтгүүлчид Монгол Улсын Их Хурлын болон бусад хуулиудын талаарх цуврал сургалтад хамрагдав

Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс Хууль зүйн болон Төрийн байгуулалтын байнгын хороотой хамтран Парламентын сэтгүүлчдэд зориулж, Монгол Улсын Их Хурлын тухай, Монгол Улсын Их Хурлын чуулганы хуралдааны дэгийн тухай, Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай хуулиудын талаарх сургалтыг өнөөдөр /2015.11.09/ Төрийн ордонд зохион байгууллаа.

“Мэдлэгт суурилсан мэдээлэл бэлтгэх” сэдэвт сургалт 2015 оны 10 дугаар сарын 05-ны өдрөөс эхэлсэн бөгөөд  Улсын Их Хурлын үйл ажиллагааг сурвалжлах эрх бүхий телевиз, өдөр тутмын сонин, мэдээллийн сайтын нийт 100 гаруй сэтгүүлч хамрагдсан байна.

Сургалтыг Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсийн дарга О.Батханд, Хууль зүйн байнгын хорооны Ахлах зөвлөх Б.Баасандорж, референт Б.Хонгорзул, Төрийн байгуулалтын байнгын хорооны Ахлах зөвлөх Ч.Ариунхур нар удирдан явуулсан юм. Энэхүү сургалтаар Монгол Улсын Их Хурлын бүрэн эрх, түүний зохион байгуулалтын бүтэц, бүрэлдэхүүн, Хууль, Улсын Их Хурлын бусад шийдвэрийн төсөл хэлэлцэх журам болон Улсын Их Хурлын чуулганы хуралдааны дэгийн талаар дэлгэрэнгүй мэдээлэл өгч, Парламентын сэтгүүлчдийн сонирхсон асуултад хариулт өгөв.

Түүнчлэн сургалтын үеэр Улсын Их Хурлын үйл ажиллагааг сурвалжлах, мэдээлэх журмыг өдөр тутмын үйл ажиллагаандаа хэрэгжүүлэх талаар хэвлэл мэдээллийн ажилтнуудад мэдээлэл өгсөн юм.

УИХ-ын Тамгын газраас зохион байгуулж буй Парламентын сэтгүүлчдэд зориулсан дараагийн сургалтаар /2015.11.16/ "Төрийн ёслолын журам"-д заасан дипломат ёслолын арга хэмжээний талаар сэтгүүлчдэд мэдээлэл өгнө.

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-09 122.201.21.117

aimshgiin yumaa orkuud hugshin tugtsuguud

Зочин 2015-11-09 203.194.118.61

2002 оны 2,5 мотортой мост хүндрүүлэгчтэй зөв рультэй х-трал яаралтай хямд зарна. 5 сая Шаргал өнгөтэй 2002 ондоо орж ирсэн мотор нь өнгөрсөн наймдугаар сард 2004 оны шинэ мотор тавьсан. Мотор хроп асуудалгүй.Утас 8887-9184

батбаяр 2015-11-09 122.201.22.99

Н.Батбаяр иргэний үнэмлэх олсон хүн холбоо барина уу, шагналтай... 9167-7022

NewsMN Гар утасны хувилбар Татах
NEWS.mn

Мэдээллийн эх сурвалж