Иргэдээс асуу, дараа нь дэмжье | News.MN - Мэдээллийн эх сурвалж

Иргэдээс асуу, дараа нь дэмжье

Хуучирсан мэдээ: 2015.11.09-нд нийтлэгдсэн

Иргэдээс асуу, дараа нь дэмжье

Иргэдийн саналыг тусгаагүй тогтоолыг Улсын их хурал цуцлахаас нааш, "Халх гол" чөлөөт бүс байгуулах төслийг эсэргүүцэж, тэмцэнэ. Хэрэв Халх гол чөлөөт бүс байгуулах 75-р тогтоолыг цуцлаад, дахин нутгийн иргэдийн саналыг тусгасан чөлөөт бүс байгуулах хуулийн төслийг оруулж ирвэл, асуудлыг эргэн харъя гэж өнөөдөр Халх гол сумын Засаг дарга В.Мөнхтайван мэдэгдлээ. Мөн тэрбээр "Халх гол сумын удирдлагууд эрх мэдлээ урвуулан ашиглаж, хууль бусаар атар газрыг эзэмших эрхийг гадны хөрөнгө оруулалттай компанид олгосон гэж хардсан Р.Бурмаа сайдын тайлбар огт үндэслэлгүй. Гэхдээ Авлигатай тэмцэх газарт шалгуулахад бэлэн" гэлээ. Халх гол сум нь нийт хоёр сая 800 мянган га газартай. Үүнээс тариалалтын чиглэлд 49 мянга га талбайг нь 10 аж ахуйн нэгжид эзэмших, 113 мянга га газарт хадлан хадах зориулалтаар ашиглах зөвшөөрлийг тус тус өгчээ. Одоогоор 113 мянга газарт хадлан хадахаас 20 гаруй мянга га талбайд хадлан хадсан байна. Газар ашиглах, эзэмших зөвшөөрлийг авсан компаниуд бүгд Монголынх аж.

Мөн Халх голын удирдлага сумынхаа хил орчимд БНХАУ-ын компанид жуулчлалын чиглэлээр үйлчилгээ эрхлэх зөвшөөрөл өгч, гэр  баазыг байгуулсан гэж Р.Бурмаа сайд мэдээлж байсан. Өнөөдөр энэ асуудалд Засаг дарга В.Мөнхтайван тайлбар хийлээ. Түүний хэлснээр нутагтаа аялал жуулчлалыг хөгжүүлэх зорилгоор дотоодын аж ахуйн нэгжид жуулчны бааз барих газрыг дуудлага худалдаагаар олгожээ.

"Халх гол" чөлөөт бүс байгуулах тухай тооцоололтой, бодитой, тодорхой мэдээллийг нутгийн иргэдэд өгөх шаардлагатай. Ирээдүйтэй, нарийн тооцоололтой, нутаг орны эрх ашигт нийцсэн бүтээн байгуулалт, үйл ажиллагаа хийгдвэл нутгийн иргэд дэмжихэд бэлэн гэд тэд үзэж байна. Товчхондоо Р.Бурмаа сайд чөлөөт бүс байгуулах төсөлдөө нутгийн иргэдийн саналыг тусгах ёстой гэдгийг хэллээ.

Өнгөрсөн долдугаар сард Улсын их хурлаар батлагдсан "Халх гол" чөлөөт бүс байгуулах 75-р тогтоол ийн олон талын маргааныг дагуулсаар байна. Цаашид ч Халх голчууд төслийг дэмжихгүй, эсэргүүцэж, Үндсэн хуулийн цэц, Үндэсний аюулгүй байдлын зөвлөлд хандахаар болжээ. Мөн Ерөнхийлөгч Ц.Элбэгдоржид хүсэлт гаргаж, УИХ-ын 75-р тогтоолыг хүчингүй болгох саналыг дэвшүүлэх юм байна.

Д.УЛАМБАЯР

Зураглаач Н.БАТМӨНХ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

иргэн 2015-11-09 202.9.40.10

Бурмаа сайд, сумын засг дарга хоёрын ярьж хэлж байгаагаас ойлголт авахад хэцүү байна. Монгол компаний нэрээр Хятадууд ажиллаж байгаа нь үнэн л юм шиг. Хадлангийн талбайд Хятадууд хадлан хадсан гэдэг бас л ортой байж мэдэх. Ер нь энэ засаг даргад но байж болхоор байна шүү. харин орон нутгийн ард иргэдийн санал авч байж төр шийдвэр гаргана гэдэг маш зөв. Тэд энэ нутаг орны эзэд. Тэдний газар нутагт төрийн шүийдвэрээр үйл ажиллагаа явуулах тохиолдолд заавал саналыг нь сонсож, зөвшилцөх ёстой. Тийм учраас том толгойлсон УИХ-ын гишүүдийн баталсан 76-р ч бил үү тогтоолыг хүчингүй болго. Эхлээд ирэгдээ хүндэлж, сураг энэ их хурал.

irgen 2015-11-09 202.9.40.191

ganbaatar populistuudiin duu nar haa saigui bh yumda Dornodiinhond zovlohod hii hooson populistuudiig dagaj daldganhaar said ni ochij bhad yadaj yu hiij gej bgan ged asuuj todruulad heleltsuuleg hiiged ashigtai bol demjeed yavah baisiimda ugan tanai aimagt gerelt ireedui bolhoor tosol bgamda

hi 2015-11-09 59.153.87.63

TURTEIGEE NIILEED SUMAA HOGJUULEE. NAAD HUTGAN UIMUULSEN NOBSH NAR CHIN HUND TANIGDAH ULS TURUU L HIIJ BGAA. NAADUULAASAA SALAACHEE

n 2015-11-09 59.153.87.63

Naad adgiin zarga chin mun ih udna daa. Neg yumiig 2 talaas ni yariad bn. Sumiig ni hugjuulj ugnu geed baihad eserge yabaad baidag

Зочин 2015-11-09 202.55.191.34

ЧИ МӨН ЦЭВЭРХЭН БАЙГАА БАЙХ ДАА...... БИТГИЙ Л ЭХ ОРНОО ХӨГЖҮҮЛЭХ ГЭЖ ДАРГА БОЛСОН ЮМ ГЭЖ ТЭНЭГТЭЭРЭЙ......... АДИЛХАН ТӨРИЙН ХУЛГАЙЧ БАЙЖ ТААРАА