Оросын Давос хэмээн нэрлэгддэг Санкт-Петербургийн олон улсын эдийн засгийн форумын зохион байгуулах хорооноос коронавирусийн тархалттай холбоотойгоор энэ жил тус арга хэмжээг цуцалж байгаагаа мэдэгдлээ. Тус форум нь зургадугаар сарын 3-6-ны хооронд зохион байгуулагдах ёстой байв.

Дэлхийд эдийн засгийн барометр болдог хамгийн чухал форумд тооцогддог Санкт-Петербургийн олон улсын эдийн засгийн форумд өнгөрсөн жил дэлхийн 145 гаруй орны 19 мянган улс төр болон бизнесийн төлөөлөгчид оролцож, 3 их наяд рублийн үнэ бүхий 650 гаруй хэлэлцээр байгуулагдсан юм.

А.АНИР

Эх сурвалж: FORBES