Хойд Америкийн үндэсний сагсан бөмбөгийн холбоо буюу NBA-ийн Лос-Анжелес Лэйкерс баг чөлөөт агентын зах зээлээс хамгаалан тоглогч Дион Уэйторсыг нэгтгэлээ. Эх сурвалжуудын мэдээлж буйгаар Дион Уэйторс улирал дуустал Лос-Анжелес Лэйкерс багтай гэрээ хийжээ.

2012 оны NBA-ийн драфтын нэгдүгээр тойргийн дөрөвдэх сонголтоор лигт элссэн тэрбээр лигт найман улирлыг өнгөрүүлэхдээ нийт 120 тоглолтод оролцсон байна. Энэ улирлыг Майами Хит багтай эхлүүлж, ердөө гуравхан тоглолтод оролцсоны дараа хар тамхи, мансууруулах бодисын хэрэгт холбогдож багаасаа хасагдсан.

Дион Уэйторс лигт өнгөрүүлсэн улиралд бүртээ 10+ оноо дунджилж өөрийгөө сайн оноо түүгч гэдгээ баталсан. Мөн түүний агент Рич Пол нь Леброн Жэймс болон Энтони Дэвис зэрэг тоглогчдын агент бөгөөд ахин нэг үйлчлүүлэгчээ Лэйкерс багт оруулж чадлаа.