Аюулт коронавирустэй тэмцэж буй ЭГЭЛ БААТРУУДАА хамгаалъя! | News.MN

Аюулт коронавирустэй тэмцэж буй ЭГЭЛ БААТРУУДАА хамгаалъя!

Аюулт коронавирустэй тэмцэж буй ЭГЭЛ БААТРУУДАА хамгаалъя!

2019 оны 12 дугаар сараас эхлэн шинэ коронавирусийн цар тахал дэлхий дахинаа хуурай өвсөнд тавьсан гал мэт тархаж, гурван мянга орчим хүний амь насыг авч одон, олон мянган хүн уг вирусийн халдвар авч, хүн төрөлхтнийг айдас түгшүүрт автуулан,  аюулын харанга дэлдэж байна.  Энэхүү цар тахал цаашид хэрхэн, хэдий хугацаанд үргэлжлэх, урьдчилан сэргийлэх вакцин хэзээ гарах нь тодорхойгүй байгаа нь түгшүүрт нөхцөл байдлыг улам даамжруулж байна.

2020 оны 2 дугаар сарын 28-ны 12:00 цагийн байдлаар дэлхийн 51 улсад (олон улсын 1 усан онгоц) нийт 83.379 тохиолдол бүртгэгдэж, 2858 хүн нас бараад байна.

Манай улсын хувьд, халдвар тархахаас урьдчилан сэргийлэх эрс зоримог арга хэмжээг шийдвэр гаргагчид цаг алдалгүй, оновчтой хэрэгжүүлэн улс орноо, ард иргэдээ хамгаалж буй нь олон улсад үлгэр жишээ болон сайшаагдаж байна.

Иргэд, аж ахуйн нэгж, бизнесийн байгууллагууд төрийн шийдвэрийг хүндэтгэн биелүүлж, аюулт вирустэй фронтын тэргүүн эгнээнд тэмцэж байгаа төрийн жинхэнэ албан хаагчиддаа талархан баярлаж, бахархаж байна.  Халдвар тархаж буй улс орнуудын нөхцөл байдал, статистик мэдээг судлахад, халдварт өртөгсөдтэй шууд нүүр тулан ажиллаж буй эмч, эмнэлгийн ажилтан, онцгой байдлын албан хаагчид уг вирусийн халдвар авах тохиолдол, эрсдэл их байгаа нь харагдаж байна.  Иймд, энэхүү хүнд цаг үед ард иргэдээ хамгаалах чиг үүргийг нэр төртэйгөөр биелүүлж байгаа Улсын онцгой комисс, Эрүүл мэндийн яам, Халдварт өвчин судлалын үндэсний төв, Мэргэжлийн хяналтын ерөнхий газар, Онцгой байдлын ерөнхий газар, Цагдаагийн алба хаагчид, эмч, эмнэлгийн ажилтнууд, мэргэжилтнүүдээ дэмжих, урам зориг өгөх, тэдний амь нас, эрүүл мэнд, аюулгүй байдлыг хамгаалах, хамгаалах хувцас хэрэглэлийг нэмэгдүүлэх, сайжруулахад хувь нэмэр оруулах зорилгоор “Эгэл Баатруудаа хамгаалъя!” цахим хандивын аяныг shoppy.mn санаачилсныг Монголын ард түмэн, компани, байгууллагууд талархан дэмжиж, харамгүй сэтгэлээр хандив өгч эхэллээ.

“Эгэл Баатруудаа хамгаалъя!” цахим хандивын аян shoppy.mn цахим худалдааны платформ дээр суурилан хэрэгжиж байгаа бөгөөд хандивын аян бүхэлдээ шилэн буюу хандив өргөгчийн хандивын дүн, нийт хандивлагчдын тоо, нийт хандивын дүнг нийтэд ил тунгалаг, цахимаар шууд мэдээлж байгаа юм.

Цахим хандивын аяныг Монголын тэргүүлэгч компаниуд дэмжин оролцох бөгөөд хандив өргөх хэсгийг технологийн компаниуд өөрийн аппликейшнд байршуулах, сошиал хуудсаараа болон бусад сувгаар ард иргэд, төр, хувийн хэвшлийн байгууллагуудад уриалах, хандив өргөх зэргээр дэмжин ажиллах юм.

“Эгэл Баатруудаа хамгаалъя!” цахим хандивын аян 2020 оны 02 дугаар сарын 28-ны өдрөөс 03 дугаар сарын 09-ний өдөр хүртэл үргэлжлэх бөгөөд цугласан хандивыг Улсын онцгой комисст гардуулан өгөх болно.

Монгол түмний эв нэгдэл, итгэл сэтгэл, нягтралыг өөрсдөдөө болон дэлхийн бусад улсуудад нотлон харуулах, аюулт өвчнийг хазаарлан зогсоож болдгийг тунхаглах чухал ноцтой цаг мөчид бид тулаад байна.  Энэ хүнд сорилтыг бид Монгол хүний саруул ухаан, өгөөмөр харамгүй сэтгэлээр, гар гараасаа барин, халуун зүрхээр, дэм дэмэндээ даван туулахыг уриалж байна!  Энэ үйлсэд та ч гэсэн нэгдэн, дэмжинэ гэдэгт бид итгэж байна.

Сайн үйлс дэлгэрэх болтугай!  Аюулт цар тахалтай тэргүүн фронтод тулалдаж буй эгэл баатрууд минь энх тунх, эрүүл саруул байх болтугай!  Тэнгэр тэтгэж, муу бүхэн холуур өнгөрөг!

Хандив өргөх холбоос: https://shoppy.mn/products/frontheroes

Энэ мэдээнд өгөх таны сэтгэгдэл?
7
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-06 64.119.27.209

Оорсдоо ганц шоно ч бусдын толоо нойргуй хонож чадахгуй чацганууд байж юу гэж хуцаад бна вэ. Тэгэхэд энэ эгэл мортлоо жинхэнэ баатрууд ар гэртээ ч орох боломжгуй тор засгийн шийдвэрийг хэрэгжуулж, ард иргэдийнхээ толоо зутгэж бгаа юм шуу. Амиа бодож довол шарлуулж бдаг гахайнууд ми

Avatar

Иргэн 2020-03-06 139.5.217.210

УОК зөв шиидвэр гаргаач дээ! энэ олон хүнснээс бусад дэлгүүрийг хаа ! түрээслэгч нар баларлаа!!! Жирийн олон албан хаагч зам дээр зогсоож хөдөлгөөн хорих тэнэг шиидвэр! хилээ хаачих бол монголд бхгүй өвчинг бүрэн хамгаалнаа!!! жирийн иргэд сурагч оюутан худалдаачид л буруу шиидвэрээс илүү хохирол амсаж бна!!!

Avatar

Зочин 2020-03-06 61.102.135.60

Иргэдийн хариуцлагыг л чангатгах хэрэгтэйшдээ. Хеделгеен хааж, онгоц зогсоож, иргэдээ гадуурхаж их л юм болж бн!!! Тусгаарлах гэдэг ажлаа зааг ялгаатай байлгая. Евчин гарах уед яах бэ гэдэг бэлтгэлээ сайн хангахаас эруул хумуусийг евчтен шиг харьцахаа больмоор бна.

Avatar

Хол 2020-03-06 203.91.115.48

ШУУД ТУЛЖ АЖИЛЛАЖ БАЙГАА ЭМЧ СУВИЛАГЧ ЦАГДААГАА ХАМГААЛЬЯ. ОНЦГОЙН ДАРГА НАР БОЛ МӨНГӨ ШААХАА Л БОДНО ТЭД МЭРГЭЖИЛИЙН БИШ ЦҮНХ БАРИГЧ б**с ДОЛООГЧ НАР ШҮҮ ХАМААГҮЙ ХАНДИВ ӨГВӨЛ ОДОО АТГ ААС ЯЛЛАГДАГЧААР ТАТАГДААД БАЙГАА ОБЁГ ДАРГА БАДРАЛ ДЭД ДАРГА АРИУНБУЯН НАР МӨНГӨ ХАРЖ ЧАДДАГГЗЙ ХЖЛГАЙЧИД ЯЛАА ЭДЭЛБЭЛ ТААРНА ДАА.ИЙМ ХҮМҮҮС ТӨРД БАЙГАА Л БАЙХ ЮМ ЯЛТАН БОЛОХ ХҮМҮҮС ШҮҮ ДЭЭ СОНИН ЮМ ДАА ШУДРАГА ЁС ГЭЖ ИХ Л ЯРИХ ЮМ ЭНЭ МАН ЫН АМТАЙ БОЛГОН Л ЯРИХ ЮМ ХЭРЭГЖҮҮЛЖ БАЙГАА АУИЛ ОГТ АЛГА

Avatar

Иргэн 2020-03-06 64.119.24.39

ад гарч байсан. Төв ТВ харуулаагүй. Харин НТВ-гээр гарсан.

Avatar

Иргэн 2020-03-06 64.119.24.39

МАН арай ч дээ. Ард түмнийхээ хандиваар цугласан мөнгийг өөр зүйлд зарцуулжээ. Төр нь төсвөөрөө авах ёстой зүрхний аппаратыг ард түмнийхээ вирустэй тэмцэхэд хандивласан мөнгөөр авсан гэж байна. Энхтүвшин, Сарангэрэл 2 нь ичих ч үгүй инээгээд зогсч байгаа юм даа. Тэгсэн хирнээ сайн малчин гэсэн сонгуулийн шоундаа ЗГ-ын нөөц хөрөнгөөс гаргана гэж байна. Энэ чинь юу вэ? Ингэж ард түмнийхээ сайхан сэтгэл рүү ус цацаж байдаг…. Хэлэх ч үг алга. Оюун-Эрдэнэ /ЗГХЭГ дарга/ сэтгүүлчийн асуултаас зугта

Avatar

Зочин 2020-03-06 95.174.65.20

Эргээд санацгаая. Бид хэнийг хэзээ хэрхэн юу гэж хэлж муулж байсан бэ.Мэдээж Төрийн албан хаагч нар нөгөө 76,Засгийн газар ,орно. Түүний дотор Эмнэлэг,Цагдаа,Мэргэжлийн Хяналт,Онцгойхон. Одоо энэ их гай гамшигийн , урд хаалт болж, биднийг хамгаалж хэн зогсож амь насаа өрж байна. Цагдаа,эмч,хорио цээр хяналт,онцгой байдлынхан. Аливаад бид нар бодитой,сэтгэл зөвтэй хандая.

Avatar

Зочин 2020-03-06 192.82.65.76

Энхийн манаанд зогсож буй баатрууддаа амжилтыг хүсье. Төрийн албан хаагчийн тангарагтаа үнэнч байж эх орон ард түмнийхөө төлөө хүлээсэн үүргээ нэр төртэй биелүүлээрэй.

Avatar

Зочин 2020-03-06 122.201.21.221

…bi naad ajild chin orood naad ajiliig chin hiihed belen b.a . Harin namaig ajild avch ugnu uu.

Avatar

зочин 2020-03-06 203.91.116.118

Эмч нар болон дээрхи эдгээр хүмүүс маск нь хүрэлцэхгүй өвчлөлд өртөх магадлалтай байхад ХАНДИВын мөнгийг УОК өөр зүйлд зарцуулсан гэнэ ээ, энэ малнуудын толгой яаж ажиллад байна аа

Avatar

Цогоо 2020-03-06 202.126.88.152

Тэдний ажил нь шдээ. Хүнийг баатар маатар гүтгээд бгаан

Avatar

Зочин 2020-03-06 203.91.115.55

ТИЙМ БИШ ЭЭ ЖИНХЭНЭ БААТРУУД ШҮҮ. ХАРИН ТА ХАРИУЦСАН АЖЛАА САЙН ХИЙЖ ЧАДДАГ ЮМ УУ ДАА.

Avatar

Зочин 2020-03-06 192.82.68.223

ажлаа л хийж байна.

NewsMN Гар утасны хувилбар Татах
NEWS.mn

Мэдээллийн эх сурвалж