Хэвлэлийн эрх чөлөөний хуулийн Ажлын хэсгээс чөлөөлөгдөх хүсэлтээ "Глоб Интернэшнл"өгчээ | News.MN

Хэвлэлийн эрх чөлөөний хуулийн Ажлын хэсгээс чөлөөлөгдөх хүсэлтээ "Глоб Интернэшнл"өгчээ

Хэвлэлийн эрх чөлөөний хуулийн Ажлын хэсгээс чөлөөлөгдөх хүсэлтээ "Глоб Интернэшнл"өгчээ

Хэвлэлийн эрх чөлөөний хуулийн Ажлын хэсгээс чөлөөлөгдөх хүсэлтээ "Глоб Интернэшнл"өгчээ

Хэвлэл мэдээллийн эрх чөлөөний тухай хуулийг шинэчлэн найруулах Ажлын хэсгээс чөлөөлөгдөх саналаа "Глоб Интернэшнл төв" Хууль зүй, дотоод хэргийн сайд Ц.Нямдоржид 2020 оны хоёрдугаар сарын 19-ний өдөр хүргүүллээ. Учир нь, Ажлын хэсгийн боловсруулсан хуулийн төслийн одоогийн хувилбар нь дэвшилтэт зарим зүйл агуулсан боловч нарийвчилсан зохицуулалт үгүй, мөн олон улсын эрх зүйн хэм хэмжээ, зарчмуудтай зөрчилдөж буй бөгөөд ойлголтын зөрүүтэй асуудлууд байна хэмээн үзэж байгаа ажээ.

"Манай байгууллага Ажлын хэсгээс гарах саналаа ХЗДХЯ-нд хүргүүлсэн ч цаашид хуульч, шинжээчдийн хараат бус баг бүрдүүлж, 2020 оны хоёрдугаар сарын 18-нд хүлээн авсан хуулийн төслийн сүүлчийн хувилбар, эсвэл Ажлын хэсгийн эцэслэж, Хууль тогтоомжийн тухай хуулийн дагуу олон нийтийн санал авахаар цахим хуудаст нийтэлсэн хувилбар дээр албан ёсны санал дүгнэлтээ өгөх болно. Ингэхдээ өнгөрсөн 20 жилийн туршлага мөн өмнө боловсруулсан төслүүдэд ЕАБХАБ (OSCE) болон олон улсын бусад байгууллагын өгсөн зөвлөмжүүдийг үндэслэн санал дүгнэлт өгөх болно.

"Глоб Интернэшнл төв" нь Монгол Улсын Үндсэн хууль, Монгол улсын нэгдэн орсон гэрээ конвенцид нийцсэн, ардчиллын зарчмаас ухрахгүй байхад анхаарна гэсэн зарчмыг баримталж ажилладаг.

Хуулийн төсөл боловсруулах, эцэслэх үйл явц ямар нэг хувь хүн, бүлэг, байгууллагын эрх ашгаас ангид, Монголд ёс зүйт, хариуцлагатай, эгэх хариуцлага бүхий хэвлэл мэдээлэл, сэтгүүл зүйг хөхиүлэн дэмжих зөв санаа зорилгод түшсэн, иргэдийнхээ үнэн мэдээлэлтэй байх эрх ашигт нийцсэн байх ёстой.

Өнгөрсөн хугацаанд бид Олон нийтийн радио, телевизийн тухай хууль, Мэдээллийн ил тод байдал, мэдээлэл авах эрхийн тухай хуулийн төсөл боловсруулах болон үндэсний зарим бодлого, хөтөлбөр, үйл ажилагааны төлөвлөгөө хэрэгжүүлэхэд ХЗДХЯ-тай нягт хамтран ажиллаж ирсэн.

ХЗДХЯ-аар ахлуулсан Хэвлэл мэдээллийн эрх чөлөөний тухай хуулийг шинэчлэн найруулах Ажлын хэсэг 2018 оны арванхоёрдугаар сарын 19-ний өдрийн А/203 тоот тушаалаар байгуулагдаж хэвлэл мэдээллийн салбарын хэд хэдэн төрийн бус байгууллагууд багтан ажиллаж байгаа юм" хэмээн ХЗДХЯ-нд хүргүүлсэн саналдаа дурджээ.

Энэ мэдээнд өгөх таны сэтгэгдэл?
4
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж