Дэлхий дахинд дэгдээд байгаа шинэ коронавируст халдвараас ард иргэдээ хамгаалах, урьдчилан сэрийлэх үйлсэд тэргүүн эгнээнд ажиллаж байгаа нийт ажилтан, алба хаагчдад талархал илэрхийлэн “Алдарт эхийн одонтой ээжүүдийн холбоо” ТББ-аас 45 сая төгрөгийн өртөг бүхий бараа материалыг  өнөөдөр Улсын онцгой комисст гардуулан өглөө.

Тус холбоо нь Олон улсын эмэгтэйчүүдийн эрхийг хамгаалах өдрийг тохиолдуулан Монгол Улсын Ерөнхийлөгчийн ивээл дор жил бүр  “Алдарт эхийн одонт 1000 ээж”-ийн чуулга уулзалтыг зохион байгуулдаг.  Харин энэ жил аюулт өвчнөөс урьдчилан сэргийлэх галын голомтод ажиллаж байгаа 1000 төрийн алба хаагчдад сэтгэлийн дэм болгож, баярлуулахаар ээжүүд энэхүү аянд нэгдэж байгаагаа энэ үеэр онцолсон юм.

Мөн эрсдэлд нөхцөл байдлыг даван туулахад эв санаа нэгтэй байгаагаа илэрхийлэн, сэтгэлийн дэм, урам хайрлаж, хандив тусламж үзүүлэхийг бүх шатны боловсролын байгууллагуудыг уриалан, “Монгол Улсын анхны цахим сургууль”-Улсын тэргүүний 84 дүгээр сургуулийн 235 багш, ажилчид нэг өдрийн цалин болох 7,7 сая төгрөгийн хандивыг хүлээлгэн өглөө гэж Онцгой байдлын ерөнхий газраас мэдээллээ.