АТГ-аас сайд нарт зөвлөмж хүргүүлэв | News.MN

АТГ-аас сайд нарт зөвлөмж хүргүүлэв

АТГ-аас сайд нарт зөвлөмж хүргүүлэв

АТГ-аас сайд нарт зөвлөмж хүргүүлэв

Төрийн байгууллагуудын үйл ажиллагаа, хүний нөөц, төсөв, санхүү, төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны ил тод байдал хангалтгүй байгаа нь авлигын эрсдэлийн нэг хүчин зүйл болж байгааг Авлигатай тэмцэх газраас мэдээлэв. Энэ нь тус газраас жил бүр явуулдаг Төрийн байгууллагын шударга байдлын үнэлгээ, Авлигын эрсдэлийн үнэлгээний үр дүнгээс харагджээ. Тиймээс АТГ-аас сайд нарт зөвлөмж хүргүүлсэн байна.

Авлигатай тэмцэх газрын Судалгаа шинжилгээний албанаас Монгол Улсын 2020 оны Төсвийн тухай хуулийн 2 дугаар хавсралтаар баталсан “Монгол Улсын төсвийн хөрөнгөөр 2020 онд санхүүжүүлэх хөрөнгө оруулалтын төсөл, арга хэмжээ, барилга байгууламжийн жагсаалт”-д дүн шинжилгээ хийжээ.

Зам, тээврийн хөгжлийн сайдын эрхлэх асуудлын хүрээнд 140 авто зам, барилга байгууламж, гүүр, их завсарын ажлыг санхүүжүүлэхээр 310.9 тэрбум төгрөгийг тусган төсөвлөсөн байгаа нь улсын төсвийн хөрөнгөөр санхүүжүүлэх төсөл, арга хэмжээ, барилга байгууламжийн нийт дүнгийн 17 хувь, Боловсрол, соёл, шинжлэх ухаан, спортын сайдын эрхлэх асуудлын хүрээнд 614 барилга байгууламж, их завсар, тоног төхөөрөмж, зураг төсвийн ажлыг санхүүжүүлэхээр 662.4 тэрбум төгрөгийг тусган төсөвлөсөн байна.

Энэ нь улсын төсвийн хөрөнгөөр санхүүжүүлэх төсөл, арга хэмжээ, барилга байгууламжийн нийт дүнгийн 36.2 хувь, Барилга, хот байгуулалтын сайдын эрхлэх асуудлын хүрээнд 241 барилга байгууламж, их завсар, тоног төхөөрөмж гэх мэт ажлыг санхүүжүүлэхээр 250.9 тэрбум төгрөгийг тусган төсөвлөсөн байгаа нь улсын төсвийн хөрөнгөөр санхүүжүүлэх төсөл, арга хэмжээ, барилга байгууламжийн нийт дүнгийн 13.7 хувийг эзэлж байна.

Иймд Авлигатай тэмцэх газраас улсын төсвийн хөрөнгө оруулалтаар хийгдэх төсөл, арга хэмжээний тендер шалгаруулалтыг мэргэжлийн байгууллагаар гүйцэтгүүлэх, шалгаруулалтын үйл ажиллагаанд ил тод байдлыг хангах, улмаар гүйцэтгэлд нь захиалагчийн өдөр тутмын хяналтыг тавьж холбогдох хууль тогтоомжийг чанд мөрдөн ажиллаж, авлига, ашиг сонирхлын зөрчил, авлигын гэмт хэргээс урьдчилан сэргийлэх зөвлөмжийг Боловсрол, соёл, шинжлэх ухаан, спортын сайд, Зам, тээврийн хөгжлийн сайд, Барилга, хот байгуулалтын сайд нарт хүргүүлЖЭЭ.

Д.ТУЯА

Энэ мэдээнд өгөх таны сэтгэгдэл?
4
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

nnnn 2020-03-05 202.179.27.183

Энд тэнд тендер зуучлаад 10 хувь гэж ярьсан мулакууд их явж байна лээ.Эх сурвалжууд нь тэгээд ир гэж явуулдаг нь хэнд ч тодорхой.Нөгөөдүүл нь сонгуулийн өмнө тендерийн 10 хувь хувааж идэх гэсэн мулакууд сууж байгаа нь хэнд ч ойлгомжтой. АТГ нь сайн ажиллаадахаарай. Одоо л наадуул чинь жинхэнэ шааж өгнө шүү дээ.

Avatar

Зочин 2020-03-05 202.21.108.204

Е/сайддаа хүргүүлсэн юмуу, Сумьбазарт бүүр анхааруул.

Avatar

Зочин 2020-03-05 43.228.131.45

тендерийг Мэргэжлийн хүмүүс оролцуулж шалгаруулж байгаач ээ?? ажлыг мэргэжлийн байгууллагад өгөөч ээ?? яамны төрийн нарийн бичгийн даргыг яаралтай шалгаач ээ

Avatar

Иргэн 2020-03-05 202.179.8.4

Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуульд зааснаар 10 сая төгрөгнөөс дээш бүх худалдан авалт сонгон шалгаруулалтаар явагдах ёстой. Гэтэл хурган дарга нар бүх нийлүүлэлтийг өөрийн хамаарал бүхий компаниараа хэт өндөр үнэлж нийлүүлж байна. АТГ энэ асуудал дээр хатуу хандах ёстой. Зөвлөмж өгөөд өнгөрдөг зүйл бишээ

NewsMN Гар утасны хувилбар Татах
NEWS.mn

Мэдээллийн эх сурвалж