Ээлжит бус чуулганыг "хүлээж буй" хуулиуд | News.MN

Ээлжит бус чуулганыг "хүлээж буй" хуулиуд

Ээлжит бус чуулганыг "хүлээж буй" хуулиуд

Ээлжит бус чуулганыг "хүлээж буй" хуулиуд

УИХ-ын ээлжит бус чуулганы сураг гарсан ч өнөөдрийг хүртэл хуралдах эсэх нь тодорхойгүй “дуншсаар” байна. Учир нь ээлжит бус чуулган хуралдах эсэх нь УИХ-ын дарга Г.Занданшатарын АНУ-д хийх айлчлалаас шалтгаалах юм. Хэрэв УИХ-ын дарга АНУ-д айлчлахаар бол айлчлалаас ирээд 14 хоног тусгаарлагдах хэрэг гарна. Тиймээс ээлжит бус чуулган худлаа болно гэсэн үг.

Шинэ төрлийн коронавирусийн халдварын тархалт нэмэгдэж, дэлхийн олон улс оронд тархсан бөгөөд ялангуяа АНУ-д 100 гаруй хүн коронавирусийн халдвар авч, 10 хүн нас бараад байгаа юм. Тиймээс АНУ-ын талаас УИХ-ын даргын айлчлалыг цуцлахгүй бол тэрбээр энэ сарын 10, 11-ний өдрүүдэд тус улсад айлчлах юм. Ингэхдээ цомхон бүрэлдэхүүнтэйгээр явах гэнэ. УИХ-ын дарга хорионд орвол ээлжит бус чуулган зарлагдах боломжгүй болно гэсэн үг.

Шинэ коронавирусийн халдвараас сэргийлж, хорио цээрийн дэглэмтэй байгаа энэ үед Засгийн газраас хэд хэдэн хуулийн төслүүдийг УИХ-д өргөн мэдүүлэхээр бэлтгээд байгаа юм. Шинэ төрлийн коронавирусийн халдварын эрсдэлтэй үед хорио цээр тогтоосон учраас аж ахуйн нэгж, байгууллага руу чиглэсэн хууль эрх зүйн өөрчлөлт хийх шаардлагатай байгаа юм. Монгол Улсын Ерөнхийлөгч Х.Баттулга ч гэсэн шаардлагатай бол хууль эрх зүйд өөрчлөлт оруулж, чуулганыг хуралдуулахыг ч сануулаад буй. Гэвч УИХ-ын намрын чуулган завсарласан, гишүүд тойргоо “услаад” зав муутай яваагаас гадна УИХ-ын даргын айлчлал давхцсан учраас ээлжит бус чуулган хуралдахгүй л болов уу.

Угтаа бол ээлжит бус чуулганы хүлээж буй хэд хэдэн хуулийн өөрчлөлтүүд бий. Засгийн газраас эдгээр төслийг боловсруулахаар болсон. Хамгийн гол нь эдгээр хуулийн төслүүд нь хорио цээрийн дэглэмтэй энэ өдрүүдэд шаардлагатай юм.

  •  Хүнсний улаанбуудай, бүх төрлийн будааг  татвараас чөлөөлөх хуулийн төсөл. Хүнсний болон үрийн улаанбуудай, бүх төрлийн будаа /цагаан, гурвалжин, шар болон бусад/, элсэн чихэр, ургамлын тосыг Гаалийн болон Нэмэгдсэн өртгийн албан татвараас чөлөөлөх хуулийн төслийг УИХ-д өргөн мэдүүлнэ. Энэ нь хүнсний гол нэрийн бүтээгдэхүүний үнэ, хангамж, нийлүүлэлтийг тогтвортой байлгах зорилготой юм. УИХ-ын чуулганаар төслийг хэлэлцэн баталвал татварыг 2020 оны гуравдугаар сарын 1-ээс 2020 оны зургадугаар сарын 30-ны өдрийг хүртэл хугацаанд чөлөөлнө гэж тооцоолж буй. Өнгөрсөн жил хавартаа хүйтэн сэрүүн, хүчтэй салхитай, зундаа хэт халсан зэргээс болж улсын хэмжээнд 30 орчим мянган га талбайн ургацыг хураан авч чадаагүй юм. 2020 оны хэрэгцээт гурилаа дотооддоо үйлдвэрлэх, нөөц бүрдүүлэхэд 60 мянган тонн, хаврын тариалалтад 15 мянган тонн буудай дутагдаж байна. Мөн COVID-19 халдвараас сэргийлж өндөржүүлсэн бэлэн байдалд шилжсэнтэй холбоотойгоор иргэд тодорхой хэмжээгээр хүнсний бараа, бүтээгдэхүүн нөөцлөх болсон нь хомсдол үүсгэж болзошгүй гэж үзжээ.
  • Монгол Улсын УИХ  зургаан сая хүртэлх тэтгэврийн зээлтэй иргэдийн тэтгэврийг нэг удаа тэглэсэн. Тэтгэвэр барьцаалсан зээл аваагүй болон нэг сая төгрөгөөс доош дүнтэй зээлийн үлдэгдэлтэй иргэнд үнэт цаас эзэмшүүлэх ажлыг зохион байгуулах ажлыг “Эрдэнэс Монгол” компани хийж буй. Арилжааны банкны худалдаж авсан үнэт цаасны хүүгийн орлого, “Эрдэнэс силвер ресурс” компанийг Аж ахуйн нэгжийн орлогын албан татварын хөнгөлөлт, чөлөөлөлтөд хамруулах тухай хуулийн төслийг УИХ-д өргөн мэдүүлнэ.
  • Мөн Засгийн газраас төвлөрсөн зах, худалдааны төв, үйлчилгээний газарт худалдаа, үйлчилгээний чиглэлээр түрээслүүлсэн татвар төлөгчийн түрээсийн орлогод ногдуулсан татварыг ч нэг удаа чөлөөлөх төсөл боловсруулж, УИХ-д өргөн мэдүүлнэ. Гэхдээ энэ нь бэлэн байдлын зэрэгт шилжүүлсэн хугацаанд түрээсийнхээ төлбөрийг бууруулсан түрээслүүлэгчид л хамаарах юм. Үүнтэй холбоотойгоор томоохон зах худалдааны төвүүд 30-100 хувь түрээсийн төлбөрөө хөнгөлөөд байгаа юм.
  • Бэлэн байдлын зэрэгт шилжүүлсэн хугацаанд Нийгмийн даатгалын шимтгэл, татвараа тайлагнасан боловч хугацаандаа төлөөгүй тохиолдолд алданги, торгуулийг нэг удаа чөлөөлөх хуулийн төсөл боловсруулж, УИХ-д өргөн мэдүүлэх юм.

Ш.ЧИМЭГ

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Батуш 2020-03-05 150.129.140.121

Энэ балай юун айлчлал вэ? Мөнгө үрж өвчин чирч ирэх вий, ямарч шаардлаггүй гадаад томилолт төлөвлөж тэрийгээ айлчлал гэх юм, ер нь ө***г, Австралын Казино тийм л байгаа шүү дээ, Одоо боль шалавхан хугацаагаа дуусгаад гэртээ амарцгаа .

Avatar

ЧД иргэн 2020-03-05 202.179.25.180

Юун айлчлал вэ. Чуулганаа яаралтай хуралдуулаач ээ. Шийдэх асуудал зөндөө байна. Жишээ нь, санхүү, эдийн засаг, ялангуяа жижиг, дунд бизнес эрхлэгчдийн татвар, тзрээсийн асуудлыг яаралтай шийдээчэээ. Бусад улс оронд энэ алаар маш түргэн шуурхай арга хэсжээ авч байна. БНСУ ЖДҮ бизнес эрхлэгчдийн түрээсийг 6 сарын хугацаанд 50 хувиар бууруудах шийдвэр гаргасан байна. Ийм үед гадаадад доншуучлах дон туссан энэ хэдэн дарга нарйг олоо яах вэ….Цаанадаж цаад орныгаа бодооч. ичмээр юм..

Avatar

Зочин 2020-03-05 103.212.119.71

Нэг их ээлжит бус чуулган хуралдуулах асуудал байхгүй л байна даа.

Avatar

Равдан 2020-03-05 66.181.181.25

Чөлөөлөх

Avatar

Равдан 2020-03-05 66.181.181.25

Засгийн газар, Онцгой комисс хэтэрхий сүржин зөвхөн хаах хорих зогсоох шийтгэх гэсэн арга барилаар ажиллаж улс орон ард иргэдийнхээ ажил амьдралыг сүйрүүлэх тал руугаа яваад байна Тиймээс мэргэжлийн бус сайд Сарангэрэл, зөнөсөн арга барил нь хоцрогдсон Ө.Энхтүвшин нарыг Их хурал чөлөөллөх хэрэгтэй юм

Avatar

ТӨР 2020-03-05 103.212.117.212

ЭНД АЖЛАА ХИЙ, ВИРУС ГАРСАН УЛС ОРОНД АЛЬ БОЛОХ ЗОРЧИХГҮЙ БАЙХЫГ ИРГЭДДЭ ЭАНХААРУУЛААД БАЙЖ АЖЛАА ХАЯАД ЯВАХГҮЙ БАЙЛГҮЙ ДЭЭ. ЯВЛАА ГЭЭЭД ЮУ Ч БҮТЭЭЖ ЧАДАХГҮЙ. ХУДЛАА Л ЗУГААЛГА БОЛНО.

Avatar

zr70 2020-03-05 192.82.78.65

Naadahaa bolio zasgiin ajilliig zugeer hiileg …ajilliin sadaa

NewsMN Гар утасны хувилбар Татах
NEWS.mn

Мэдээллийн эх сурвалж