Эрүүл мэндийн зарим бүтээгдэхүүн, тэр дунаа амны хаалтыг хилээр гаргахыг түр хугацаанд хориглосон шийдвэрийг гуравдугаар сарын 3-нд гаргалаа. Энэ хоригт хүмүүнлэгийн зорилгоор болон иргэдийн хувийн хэрэглээндээ ашиглах цөөн тооны бүтээгдэхүүн хамаарахгүй ажээ.

Амны хаалтаас гадна хөвөн, самбай, боолт, халдвараас сэргийлсэн нэг удаагийн болон олон удаагийн өмсгөл, гутал, ариутгах бодисууд, халдвараас сэргийлэх тусгай зориулалтын нүдний шил, вирус устгах үйлчилгээтэй бодисууд хоригт багтав.

Дэлхийн олон оронд тархаад байгаа коронавирусийн халдвараас сэргийлэх зорилгоор энэ арга хэмжээг авсан бөгөөд хориг 2020 оны зургадугаар сарын 1 хүртэл үргэлжлэх юм.

Коронавирусийн халдварын гурван тохиолдол ОХУ-д илэрсэн, нас баралт бүртгэгдээгүй байна.