Монгол Улсын Засгийн газрын Хэрэг эрхлэх газрын дарга, Монгол Улсын сайд Л.Оюун-Эрдэнэ өнөөдөр Монгол Улсын Засгийн газраас боловсруулж, УИХ-д өргөн мэдүүлээд буй “Алсын хараа-2050: Монгол Улсын урт хугацааны хөгжлийн үзэл баримтлал” баримт бичгийг Монголбанкны Ерөнхийлөгч Б.Лхагвасүрэнд гардууллаа. Уг баримт бичиг нь Монгол Улсыг 2050 он хүртэл хөгжүүлэх бодлогын цогц алхмуудыг тусгасан, стратегийн баримт бичиг юм.
Хөгжлийн урт хугацааны бодлогыг хэрэгжүүлэхэд Засгийн газар Төв банк болон бусад мэргэжлийн байгууллагууд, улс төрийн намуудтай нягт хамтран ажиллах хэрэгтэй. Нөгөөтэйгүүр төв банкны мөнгөний бодлого болон Засгийн газрын хөрөнгө оруулалтын бодлогууд харилцан уялдаа холбоотой, нэгдсэн чиг баримжаатайгаар хэрэгжих нь зүйтэй гэж үзсэнээр уг баримт бичгийг Монголбанкинд хүлээлгэн өгч буйгаа сайд Л.Оюун-Эрдэнэ онцолсон юм.
Баримт бичгийг хүлээн авсны дараа Монголбанкны Ерөнхийлөгч Б.Лхагвасүрэн Монголбанкнаас сүүлийн жилүүдэд баримталж буй банкны салбарын шинэчлэлийн бодлого, мөнгөний болон макро зохистой бодлогуудын үр дүн, эдийн засгийн нөхцөл байдал, цаашдын төлөв байдлын талаар товч мэдээлэл өгөв. Мөн улсын хэмжээнд Коронавирусын эрсдэлтэй холбоотойгоор өндөржүүлсэн бэлэн байдал зарлаж, эдийн засагт сөргөөр нөлөөлж болзошгүй байгаа энэ үед төв банк ямар арга хэмжээ авч хэрэгжүүлэх, ЗГ, УИХ-тай хэрхэн хамтран ажиллах талаар санал солилцлоо.
ЭХ СУРВАЛЖ: МОНГОЛБАНК
Зочин 2020-03-04 103.212.119.37
засаг төрд ээлжлэн ирдэг улс төрч нэртэй нөхдүүд хавтас сугавчилж ирээд түүнтэйгээ буцаад гардаг тийм л улс төр эдийн засгийн тогтолцоо хэрэгтэй шүү дээ. Төрийн байгууллагууд тэднээс хамааралгүй ажлаа гүйцэтгээд л явдаг тий тогтолцоо гэсэн үг
Зочин 2020-03-04 103.212.119.37
наадах чинь сонгуулийн маргааш хогийн саванд дүү минь . засгийн газрын хогийн савыг сайн ух их юм гарна
Delger 2020-03-04 205.185.123.166
Хүрэлсүх ЕСайдад сануулахад:
4.1.7. … сэдлээ үг хэлээр, биеэр буюу өөр хэлбэрээр илэрхийлсэн,
11.4. Ажил олгогч ажлын байранд бэлгийн дарамт гарахаас урьдчилан сэргийлэх….
Зочин 2020-03-04 103.212.119.163
2050 on ch yaahve 2020 onii 2-r hagast corona-d suhurchihgui bol tee. Yaadiin songuuli bolj l baival tee kk