Нийгмийн ардчилал Монголын эмэгтэйчүүдийн холбооноос /НАМЭХ/ Эрүүл мэндийн яаманд 30 мянган ширхэг амны хаалт хандивлалаа. Тус холбооны 100 мянга гаруй гишүүд нэгдэн, шинэ коронавирусийн халдвараас урьдчилан сэргийлэх зорилгоор ариутгаж, стандартын шаардлага хангасан материалаар угааж дахин ашиглаж болох 30 мянган ширхэг амны хаалтыг урлан Эрүүл мэндийн яаманд хандивлаж байгаа юм.

НАМЭХ-ны удирдах зөвлөл 13 мянган амны хаалтыг ЭМЯ-нд хүлээлгэж өгсөн бөгөөд бусад 19 мянган амны хаалтыг нь орон нутгийн эмнэлгүүдэд тараах юм байна.

Одоогоор дэлхийн 76 оронд Covid-19-ийн халдвар бүртгэгдэж, 93 мянга гаруй хүн өвчлөөд байгаа бөгөөд амны хаалтын хомсдол үүсээд байгаа юм. Түүнчлэн ДЭМБ-ын тооцооллоор дэлхий дахинд сард 76 сая бээлий, 98 сая амны хаалт, 1.6 сая нүдний шил шаардлагатай аж.

Р.ДУЛАМ