“Халхгол” ХАА-н бүс байгуулах тухай УИХ-ын тогтоолын төслийг өргөн барив | News.MN - Мэдээллийн эх сурвалж

“Халхгол” ХАА-н бүс байгуулах тухай УИХ-ын тогтоолын төслийг өргөн барив

Хуучирсан мэдээ: 2015.11.06-нд нийтлэгдсэн

“Халхгол” ХАА-н бүс байгуулах тухай УИХ-ын тогтоолын төслийг өргөн барив

Монгол Улсын Их Хурлын дарга Зандаахүүгийн Энхболдод өнөөдөр /2015.11.06/ Улсын Их Хурлын гишүүн Х.Болорчулуун Органик бүтээгдэхүүн үйлдвэрлэлийн “Халх гол” хөдөө аж ахуйн бүс байгуулан тухай УИХ-ын тогтоолын төслийг өргөн барив.

Төрөөс хүнс, хөдөө аж ахуйн талаар баримтлах бодлогын үзэл баримтлалд дурдсаны дагуу 2015 оны 07 дугаар сарын 09-ний өдөр Дорнод аймгийн Халх гол сумын нутагт хорио цээр, технологийн дэглэм бүхий хөдөө аж ахуйн “Халх гол” чөлөөт бүсийг байгуулах тухай УИХ-ын 75 тоот тогтоол батлан, 500 мянган га талбайтай байхаар тогтоосон билээ. Гэвч нутгийн гүн дэх их хэмжээний газар нутагт хөдөө аж ахуйн бүтээгдэхүүн боловсруулж, гадаад зах зээлд экспортлох үйл ажиллагааг Чөлөөт бүсийн хуулиар зохицуулан онцгой дэглэм тогтоох боломжгүй бөгөөд харин Органик бүтээгдэхүүн үйлдвэрлэлийн хөдөө аж ахуйн бүс байгуулах нь зүйтэй хэмээн үзсэн болохоо Улсын Их Хурлын гишүүн Х.Болорчулуун танилцууллаа.

Уг тогтоолын төсөл батлагдсанаар Монгол Улсын Үндэсний аюулгүй байдал, газар нутгийн бүрэн бүтэн байдлын эрх ашиг хангагдаж, улмаар гадаад худалдааны алдагдлыг бууруулж, хөдөө аж ахуй, хүнсний салбарын зах зээлд өрсөлдөх чадварыг сайжруулах эдийн засгийн бодлогын агуулгад нийцэх ач холбогдолтой. Түүнчлэн Дорнод аймгийн Халх гол сумын иргэд болон тус сумын нутагт газар эзэмших зөвшөөрөлтэй аж ахуйн нэгжүүд Газрын тухай хуулийн дагуу нутагтаа газар өмчлөх, эзэмших, чөлөөтэй зорчих үндсэн эрх нь баталгаажих юм байна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

BI 2015-11-06 103.57.95.65

sain bodokh l asuudal organic buteegdekhuuniig jinkhene utgaar ni gargaj chadakh uu Ene ikh bus nutagt buren khemjeegeer organic khunsnii standartiin shaardlaga khangasan buteegdekhuun gargana gesen ug Yer ni endees garakh buteegdekhuun zuvkhun organic baina gesen ug biz de Es tegvees (zarim kheseg ni organic zarim ni jiriin ) busad bus nutgaas yalgarakh zuil gui buyu ooroor khelbel bas nes biyelekhgui togtool garna gesen ug bus uu Uunees uudeed organic gazar tarialan bolon MAA-n uildverleliin technology 100% nevtruulekh asuudal garnaa daa

Зочин 2015-11-06 203.91.117.4

Муу ***** чинь 75 дугаар тогтоолыг гар өргөж батлачихаад хүмүүс эсэргүүцээд эхлэхээр нь дүрээ хувиргадаг байна шт ийм л 2 нүүртэй шаар даа

Дорнод аймаг одоохондоо элдэв төсөл хэрэггүй. 2015-11-06 49.173.8.35

Дорнод аймаг одоохондоо элдэв төсөл хэрэггүй. Газрын тос, гэх мэт нэгэнт хэрэгжээд эхэлсэн төслүүдээ байгаль орчинд хал балгүй цэгцэлсний дараа 5, 10 магадгүй түүнээс дээш жилийн дараа л энэ сауудлыг сөхөх хэрэгтэй.

hjkjmnb 2015-11-06 202.179.10.150

Зүйтэй,балай авгайн балай тогтоолыг балайгүй тогтоолоор солих инь балайгүй ажлын эхлэл мөн