ОХУ-аас Монголд суугаа Худалдааны Төлөөлөгчийн газрын тэргүүнийг хүлээн авч уулзлаа

Хуучирсан мэдээ: 2020.03.03-нд нийтлэгдсэн

ОХУ-аас Монголд суугаа Худалдааны Төлөөлөгчийн газрын тэргүүнийг хүлээн авч уулзлаа

ОХУ-аас Монголд суугаа Худалдааны Төлөөлөгчийн газрын тэргүүнийг хүлээн авч уулзлаа

Нийслэлийн Шинжлэх ухаан, үйлдвэрлэл, инновацын газрын дарга Б.Мөнх-Оргил өнөөдөр ОХУ-аас Монгол Улсад суугаа Худалдааны Төлөөлөгчийн газрын тэргүүн М.В.Васильевийг хүлээн авч уулзлаа.

Уулзалтаар Улаанбаатар инновацын төв болон инновацын дэд бүтэц болох Баянхошуу, Сэлбэ бизнес инкубатор дэд төвүүд, мөн Үйлдвэр, технологийн паркуудын төлөвлөгөө, ажлын явцыг танилцуулж Монгол-Оросын хамтарсан төв байгуулах талаар санал солилцов.

Түүнчлэн газрын дарга Б.Мөнх-Оргил Улаанбаатар хотод инновацын салбарыг шинжлэх ухаан, үйлдвэрлэлтэй хослуулан хөгжүүлэх, салбарын мэргэжилтнүүдийг туршлага солилцуулах, тусгай мэргэжилтнүүд бэлтгэх, гарааны бизнес, жижиг дунд үйлдвэрлэлийг дэмжих таатай нөхцөлийг бүрдүүлэх зорилгоор ОХУ-ын технологи, инновацын төвүүдтэй харилцаа, хамтын ажиллагаа тогтоох хүсэлтээ илэрхийллээ.

Худалдааны Төлөөлөгчийн газрын тэргүүн Максим Викторович Москва, Новосибирск, Владивосток болон Эрхүү хотуудын томоохон шинжлэх ухаан, үйлдвэрлэл, технологи, инновацын төвүүдийг Улаанбаатар хоттой хамтран ажиллах талаар дэмжлэг үзүүлэхэд бэлэн байгаагаа илэрхийлэв. Мөн тэрбээр нийслэл хотод хэрэгжүүлэх боломжтой “Шинэ диск буюу цахим боловсрол”, “Ухаалаг Улаанбаатар”, “Бага оврын нисэх онгоц” төслүүдийг онцлон санал болголоо.

Талууд хотуудын түвшинд бизнес эрхлэгч, хөрөнгө оруулагчдын түншлэлийг нэмэгдүүлж, цаашид холбогдох төсөл, хөтөлбөрүүдийг хэрэгжүүлэхээр харилцан ярилцсан юм.

НИЙСЛЭЛИЙН ШИНЖЛЭХ УХААН, ҮЙЛДВЭРЛЭЛ, ИННОВАЦЫН ГАЗАР

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж