Хойд Америкийн үндэсний сагсанбөмбөгийн холбоо буюу NBA-ийн зүгээс дэлхий нийтийг айдаст автуулаад буй шинэ коронавирусийн эсрэг арга хэмжээ авлаа. Энэхүү арга хэмжээний хүрээнд NBA-ийн 30-н багт шинэ коронавирусийн эсрэг бэлтгэлтэй, бэлэн байх үүрэг өгч, тамирчдыг хөгжөөн дэмжигчидтэй гар барих, гар цохихоос зайлсхийж, "fist pump" буюу атгасан нударгаараа цохилцох мөн тамирчид хоорондоо өмсгөл, бөмбөг гэх мэтийн зүйлс солилцохоос зайлсхийх, NBA-ийн драфтын өмнөх бэлтгэлийн бааз болон олон улсын бэлтгэлүүдийг хязгаарлах эсвэл цуцлах зэрэг багтжээ.

Өнөөдрийн байдлаар АНУ-д нийт зургаан хүн шинэ коронавирусийн халдварын улмаас амиа алдаад байна.