Коронавирусийн халдвар өндөртэй байгаа Итали, Иран, Өмнөд Солонгос руу аялахгүй байхыг ОХУ-ын Засгийн газраас анхааруулсан. Эдгээр улс руу аялахаар захиалга өгсөн вирусийн улмаас аяллаа цуцалсан иргэдийг хохироохгүй хэмээн Оросын Туроператоруудын ассоциацийн захирал Наталия Осипова хэллээ.

Захиалгаа цуцалж мөнгөө бүрэн хэмжээгээр буцаан авах, аяллын хугацаагаа хойшлуулах, эсвэл өөр чиглэлд шинэ захиалга өгөх хувилбараас сонгож болно хэмээн тэр хэллээ.

"Гэхдээ ихэнх захиалгыг зуны улиралд төлөвлөсөн учраас ихэнх жуулчин байдлыг харзнах бодолтой байгаагаа хэлсэн. Одоогоор захиалгаа шууд цуцалсан нь цөөн байна” гэж Наталия Осипова хэлсэн байна.