Бохир ус ашиглан эрчим хүч үйлдвэрлэнэ | News.MN - Мэдээллийн эх сурвалж

Бохир ус ашиглан эрчим хүч үйлдвэрлэнэ

Хуучирсан мэдээ: 2015.11.05-нд нийтлэгдсэн

Бохир ус ашиглан эрчим хүч үйлдвэрлэнэ

АНУ-ын нийслэл Вашингтон Ди-Си хотын иргэд байгаль орчинд хоргүй, нөхөн сэргээгдэх эрчим хүч үйлдвэрлэхэд хувь нэмрээ оруулж эхэллээ. Тус хотын ус түгээх, цэвэрлэх компани саяхан иргэдийн ашигласан бохир усыг цахилгаан үйлдвэрлэх, тариалангийн хөрс бэлтгэхэд эргүүлэн ашиглах  шинэ систем бий болгожээ.

Энэ систем нь үйлдвэрлэлийн хорт хаягдал, түүнчлэн ахуйн хаягдал усыг цэвэрлэх дулааны гидролизын аргад үндэслэсэн юм байна. Хаягдлыг халаах, задлах гэсэн хоёр үе шатаас тус систем бүрдэнэ. Хаягдал усыг халаасны дараа хоёр дахь дамжлагад нянгууд органик хаягдлыг задлах үеэр метан хий ялгарч, харин энэ метан хийг ашиглан турбинууд 13 мегаваттын цахилгаан эрчим хүч үйлдвэрлэдэг байна.

Энэхүү шинэ системийн тусламжтай хотын эрчим хүчний нийт хэрэглээний гуравны нэгийг үйлдвэрлэх боломжтойгоос гадна ус цэвэрлэсний дараа үлдэх хаягдлын хэмжээг бууруулна гэж үзэж байгаа юм. Түүнчлэн хог хаягдлаас эрчим хүч гарган авсны дараа гарсан үлдэгдлийг ариутган, бусад хольц нэмж, хөрс болгон ашиглах гэнэ.

НҮБ-аас өчигдөр гаргасан тайланд мэдээлснээр бүх улс орны хаягдал усыг энэ аргаар боловсруулах тохиолдолд 9,5 тэрбум америк долларын өртөг бүхий байгалийн хий гарган авч, наад зах нь 138 сая айл өрхийг эрчим хүчээр хангах боломж бий болох юм байна.

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-05 104.131.206.9

Манай цэвэрлэх байгууламж чинь тэгвэл энергийн эх үүсвэр болчих боломжтой байх нь байна ш дээ!

Зочин 2015-11-05 59.153.114.68

АНУ технологи Франци технологоос дордохгүй, үнэ хямд байгаа

Зочин 2015-11-05 103.229.122.35

Manai tsewerlehiin otgon chin howor erdene yum bn geed bosoo hewtee mongolchuud ni yum hiilgehguiee odoo

Зочин 2015-11-05 49.0.161.229

amerikchuud francaas muu tehnologitoi baina gej hezeech baihgui

шо 2015-11-05 59.153.113.14

Батүүлээ нэг мөсөн бохир усаараа эрчим хүч гаргах чинь харин зүгээр юм бишүү Аягүй бол францын 320 саяаас хямдхан байгаадаа Бага зэрэг үнэтэй байсан ч илүү үр дүнтэй юм бишүү

ыбм 2015-11-05 59.153.113.14

Үнээн чи Француудад 320 н сая долларын цэвэрлэх байгууламж шахаж байхаар Энэ Вашингтоны ситемииг судлаач Улаан хятадын улаан авилгачаа