Бодлогын хүүг бууруулснаар зээлийн хүү буурах уу? | News.MN

Бодлогын хүүг бууруулснаар зээлийн хүү буурах уу?

Хуучирсан мэдээ: 2020.03.01-нд нийтлэгдсэн

Бодлогын хүүг бууруулснаар зээлийн хүү буурах уу?

Бодлогын хүүг бууруулснаар зээлийн хүү буурах уу?

Гуравдугаар сарын сүүлээр Мөнгөний бодлогын хороо хуралдах тов зарлаад байв. Гэвч Монголбанкны Ерөнхийлөгч Б.Лхагвасүрэн тус хорооны хурлын товыг урагшлуулж, энэ сарын эхээр хийх болсон талаар мэдээлсэн билээ. Энэ удаагийн хурлаар одоо 11 хувь байгаа Мөнгөний бодлогын хүүг бууруулах санал оруулахаар төлөвлөжээ.

Өнгөрсөн оны арванхоёрдугаар сард Монголбанк бодлогын хүүг 0.5 нэгж хувиар бууруулах санал оруулсан ч Мөнгөний бодлогын хороо хэвээр үлдээсэн юм. Төв банк мөнгөний бодлогын хүүг бууруулснаар зээлийн хүү буурч, эдийн засгийг дэмжинэ гэж үзжээ.

Монголбанкны Мөнгөний бодлогын хорооны 2019 оны 12 дугаар сарын 20-ны өдрийн ээлжит хурлаар бодлогын хүүг 11 хувьд, банкны төгрөгийн заавал байлгах нөөцийн хувь хэмжээг 10.5 хувьд хэвээр хадгалах, гадаад валютын заавал байлгах нөөцийн хувь хэмжээг 3 нэгж хувиар нэмэгдүүлж, 15 хувиар тогтоох шийдвэр гаргасан билээ.

Эдийн засагчдын үзэж буйгаар мөнгөний бодлогын хүүг бууруулснаар инфляци зорилтот төвшинд хадгалагдана гэсэн төсөөлөл байгаа аж. Мөн банкны салбарын эх үүсвэрийн өртөг буурч, түүнийг дагаад банкны салбараас гарах зээлийн хүү буурна гэсэн үр дүнг хүлээж буй. Зарим эх сурвалжийн мэдээлж буйгаар, Мөнгөний бодлогын хороо мөнгөний бодлогын хүүг нэг хувиар бууруулах таамаглал байгаа ажээ.

Монгол Улсын эдийн засгийн өсөлтийн эрч өнгөрсөн 2019 онд суларч, 5.1 хувь руу буурч, инфляц сүүлийн саруудад төв банкны зорилтот түвшнээс 3 орчим нэгж хувиар доогуур байгаа юм.

Шинэ коронавирусийн эрсдэлээс үүдэн нүүрс, газрын тос зэрэг уул уурхайн бүтээгдэхүүний экспорт зогссон. Тухайлбал, өнгөрсөн оны мөн үед 4 сая тонн нүүрс гаргасан бол одоогоор 2.7 сая тонн гаргаад буй юм. Засгийн газар энэ сарын 15-наас эхлэн нүүрс, газрын тосны экспортыг сэргээхээр шийдсэн билээ. Энэ хүрээнд халдвар, ариутгал зэрэгт анхаарч, хорио цээрийн дэглэмийн дагуу ажиллах юм байна.

Эдийн засагчдын дийлэнх нь төсөвт яаралтай тодотгол хийхийг шаардаж буй. Гэвч Сангийн сайд Ч.Хүрэлбаатар төсөвт тодотгол хийхгүйгээр зохицуулах боломжтой. Төсвийн хөрөнгө оруулалтыг царцаахгүй, хөрөнгө оруулалтаар эдийн засгаа дэмжинэ гэж мэдэгдсэн. Мөн тэрбээр Засгийн газрын хуралдаанаар өндөржүүлсэн бэлэн байдлын үед төлж чадаагүй татвар, нийгмийн даатгалын шимтгэлд алданги, торгууль тооцохгүй байх хуулийн төсөл боловсруулж, УИХ-аар хэлэлцэн шийдүүлнэ. Өндөржүүлсэн бэлэн байдлын зэрэг хэрэгжсэн хугацаанд түрээсийн орлогод ногдуулах татварыг нэг удаа чөлөөлөх хуулийн төслийг УИХ-д өргөн мэдүүлнэ. Гэхдээ түрээсийн төлбөрөө буулгасан түрээслэгчдэд хуулийн заалт үйлчилнэ гэж мэдэгдсэн билээ.

Эх сурвалжийн мэдээлснээр, шинэ төрлийн коронавирусийн хорио цээртэй холбоотойгоор гуравдугаар сард ирэхээр төлөвлөж байсан ОУВС-ийн ажлын хэсэг ирж амжихгүй болжээ. ОУВС-гийн хөтөлбөрийн үр дүнд Монголын гадаад валютын нөөц түүхэн дээд хэмжээнд хүрсэн зэрэг сайн үр дүн гарсан. ОУВС зургадугаар шатны үнэлгээг хийж байж дараагийн санхүүжилтээ олгоно.

Сангийн яам энэ онд Өргөтгөсөн санхүүжилтийн хөтөлбөрийн хүрээнд Монгол руу 1.3 их наяд орчим төгрөг орж ирнэ гэсэн тооцооллыг төсөвт тусгасан. Харин тавдугаар сард хөтөлбөр дуусвал үлдсэн санхүүжилт буюу урт хугацаатай, хүү багатай мөнгөний цуваа Монголд орж ирэлгүй ОУВС-гийн хөтөлбөр санхүүжилт бүрэн биелэлгүй өндөрлөж болзошгүйг эдийн засагчид өгүүлж байна.

Д.ТУЯА

Энэ мэдээнд өгөх таны сэтгэгдэл?
3
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-01 66.181.181.174

Ийм хятадын бизнесийг дэмжсэн хүмүүс ахиж бүү дэмж. Хятадыг дэлхий даяараа жигшиж байна.

Avatar

zochin 2020-03-01 66.181.179.129

Yu gej buurah ve dee.

Avatar

Иргэн 2020-03-01 202.21.124.130

Бодлогын хүү бишээ Хадгаламжийн хүүг бууруулж байж Зээлийн хүү буурна!!!
Хадгаламжийн хэмжээ ба бүтцийг хараарай!
Энэ хэдхэн хувийн банк хэт “баяжсан” цөөнхийг хадгаламжийн хүүгээр мөнгийг нь өсгөөд, өөрсдөө мөнгө “хүүлдэг” ийм л бизнес!
Хуримтлал бий болгох гэж чармайж байгаа Дундаж давхаргаа өөр зүйлээр жишээ нь Татвар санхүүгийн цогц бодлогоор дэмж!

Avatar

Зочин 2020-03-01 43.242.243.105

yuch yariad bgambde

Avatar

Ediin zasagch 2020-03-01 192.82.73.31

Esregeeree bodlogiin huug usguj busee changalah bodlogo barih heregtei. Tusvuu tanah heregtei

Avatar

Ediin zasagch 2020-03-01 192.82.73.31

Ugui zeellin huu buurahgui. Dollarin hansh usnu. Ediin zasag ulam hund baidald orno. Mongol bank ajlaa hiij bodlogoo todorhoilj chadahgui bna. Dollarrin hansh songuuliin umnu 500 tugruguur nemegdej valutiin nuutsgui bolno.

Avatar

зочин 2020-03-01 66.181.180.100

Энэ нөхдүүдэд ур чадвар мэдлэг дутаад байна уу эсхүл сэтгэл дутаад байна уу эсхүл хувийн сонирхол нь

Avatar

Зочин 2020-03-01 66.181.189.224

Мөнгөө доллар болгийдоо

Avatar

Зочин 2020-03-01 66.181.178.122

tubden renbuchi gedeg tuba lamiig delhiin eruul mendiin baiguulga tusgaarlah heregtei. Tubden tuba lam zalan manaimongol oros japan surguulid COVID 50 virus haldaasan. 50 surguuliin 12 mingan huuhed ene virus obchilson doo. gar hol hamag biy tatdag virus shuu.

Avatar

ХУД-ийн иргэн Ш.Раднаа 2020-03-01 150.129.142.162

Төсвийн тодотгол нь хийх нь эдийн засгийн асуудлаас гадна сонгуультай холбоотой асуудал болоод байна..МАН-аас бусад намуутд, судлаач, эдийн засагч нэртэй аль нэг намын нөхдүүд нэг амаар төсвийн тодотгол хийлгэх гээд яриад байгаа нь ХО-ыг хасуулж, МАН-ын амлалтыг бага ч гэсэн хэрэгжүүлэхгүй байх сонирхол нь юм. МАН-д ХО-оо зогсоолгүй сонгууль угтах бодол бий.Ерөнхийлөгч Хятадад айлчилж нүүрс, газрын тосоо гаргах болсон нь бидэнд амьсгаа авах боломж олголоо.ҮАБЗ энэ удаа зөв шийдвэр гаргалаа шүү.

NewsMN Гар утасны хувилбар Татах
NEWS.mn

Мэдээллийн эх сурвалж