Индонезийн зүүн эрэгт хүчтэй газар хөдөлжээ | News.MN - Мэдээллийн эх сурвалж

Индонезийн зүүн эрэгт хүчтэй газар хөдөлжээ

Хуучирсан мэдээ: 2015.11.04-нд нийтлэгдсэн

Индонезийн зүүн эрэгт хүчтэй газар хөдөлжээ

 

Индонезийн зүүн эрэгт 6.3 магнитудын хүчтэй газар хөдлөлт өнөөдөр /XI.4/ болсон байна. Газар хөдлөлтийн голомт зүүн хэсгийн бүлэг арлын нэг Алороос зүүн хойд зүгт 28 км зайтай, 14 км-ийн гүнд байжээ. Газар хөдлөлтийн чичиргээ 11 минутын турш үргэлжилж, арлын оршин суугчид айж сандралдан гэрээсээ гарч зогсцгоосон гэнэ.

 

Алслагдмал нутагт харилцаа холбоо муу хөгжсөнөөс газар хөдлөлтийн хохирлын мэдээллийг цаг тухайд нь авч чадахгүй байгааг албаныхан мэдээлжээ. Харин Индонезийн цаг уур болон геофизикийн агентлагаас газар хөдлөлтийн улмаас цунами үүсгэхгүй гэж мэдээлжээ. Одоогоор газар хөдлөлтийн хохирлын мэдээлэл гараагүй байна.

 

Өмнө нь 2004 оны арванхоёрдугаар сард Индонезийн Суматра арлын эрэгт хүчтэй газар хөдөлснөөс цунами үүсч, олон улсад 230 мянга гаруй хүн амь үрэгджээ. Энэ үед Индонезийн алс баруун хязгаарын Асех мужид 160 мянган хүн амь үрэгдсэн байв.

 

Б.АНХТУЯА

ЭХ СУРВАЛЖ: ASSOCIATED PRESS

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

ochirkhuu 2015-11-04 103.26.192.178

монгол болон гадаад компани захирал,менежер ажилтануудад. манайх олон улсын цахим бизнест бага хөрөнгө оруулалт хийж, зээл төлж мөнгөтөй болох боломжын олгож байна. Уг ажил нь сүлжээ бус харин олон улсын найдвартай мөнгө олох ажил бөгөөд монголд өргөн цар хүрээгээр ажиллаж байна. харилцах утас: 96960943