Хосни Мубарак таалал төгсөж, Египетэд гашуудал зарлав | News.MN

Хосни Мубарак таалал төгсөж, Египетэд гашуудал зарлав

Хосни Мубарак таалал төгсөж, Египетэд гашуудал зарлав

Хосни Мубарак таалал төгсөж, Египетэд гашуудал зарлав

Египет улсын Ерөнхийлөгч асан Хосни Мубарак 91 насандаа таалал төгссөн талаар тус улсын үндэсний телевизээр мэдээлжээ. Түүний үхлийн шалтгааны талаар тодорхой мэдээлэл байхгүй ч орон нутгийн хэвлэлүүдэд мэдээлснээр тэрбээр сүүлийн жилүүдэд маш хүндээр өвдөж, удаан хугацааны турш эмчлүүлж байсан аж.

Хосни Мубарак 1928 оны тавдугаар сарын 4-нд төржээ. Тэрбээр сургуулиа төгсөөд, цэргийн коллежид элсэж, 1950-иад оны сүүлээр Зөвлөлт Холбоот Улсад дадлага хийхээр очсон байна. Дараа нь Хосни Мубарак ЗСБНХУ-д дахин очиж, орос хэл шамдан сурчээ.

Мубарак 1981 онд Египетийн дөрөв дэх Ерөнхийлөгчөөр сонгогдож, тус улсыг 30 жилийн турш удирдсан бөгөөд энэ хугацаанд түүний бүрэн эрхийн хугацааг бүх нийтийн санал асуулгаар гурван удаа сунгажээ.

2011 онд "Арабын хавар" хувьсгалт тэмцлийн улмаас тэрбээр огцорсон байна. Дараа нь Каир дахь Тахрирын талбайд жагсагчид амиа алдсан хэрэгт Ерөнхийлөгч асан Хосни Мубаракийн оролцоо байж болзошгүй хэмээн буруутган шалгаж эхэлжээ. Улмаар түүний гэм буруутай болохыг тогтоон, шүүхээс Мубаракт бүх насаар нь хорих ял оноосон ч 2014 онд цагаатгажээ.

Египетийн эрх баригчид Ерөнхийлөгч асан Хосни Мубарак таалал төгссөнтэй холбогдуулан хоёрдугаар сарын 26-ны Лхагва гаригаас эхлэн гурван өдрийн гашуудал зарлалаа гэж “Egypt Today” мэдээлсэн байна.

Эх сурвалж: RT

Энэ мэдээнд өгөх таны сэтгэгдэл?
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

О 2020-02-26 66.181.161.117

Цэргийн нисгэгч байсан

Avatar

Зочин 2020-02-26 103.57.94.247

Um sain boltugai

Avatar

Зочин 2020-02-26 207.6.112.23

Saikhan ondor nasalj, gehdee hund ovchtei udaan amid yavah hezuu bsan baih.

Avatar

Зочин 2020-02-26 202.9.46.230

Иншоо Аллах! Ард түмэндээ хязгааргүй их хайртай, их сайн хүн байсан юм сан. Архи ууж, тамхи татдаггүй, авгай хүүхэн эргүүлдэггүй, ажлаа хийгээд л сууж байдаг номын хүн байж билээ.

Avatar

Зочин 2020-02-26 124.158.113.47

ertnii tanil chini umuu.naiziigaa aldsand haramsaltai bna

NewsMN Гар утасны хувилбар Татах
NEWS.mn

Мэдээллийн эх сурвалж