Долоон улаан мэнгэтэй хүмүүс засал хийлгээрэй

Хүний төрсөн жилийн мэнгэ есөн жил тутамд дахин давтагддаг. Энэхүү давтал буюу төрсөн жилийн мэнгэ огторгуйд дахин ургахыг мэнгэ голлох гэнэ. Хүний мэнгэ билгийн насаар 1, 10, 19, 28, 37, 46, 55, 64, 73, 91 насуудад есөн жилийн давталтаар голлож ирдэг. Хүний бие эхээс төрмөгц байгалийн цоо шинэ нөлөөлөлд орж дасдаг. Харин есөн жилийн дараа тэр орчин дахин давтагдахад хүний хувь заяа, ааш авир, зан төрх, бие бялдарт зохих нөлөө үзүүлдэг учир муу нөлөөлөл болон гай барцадыг зайлуулах учиртай. Үүнийг номын ёсонд мэнгэний засал гэнэ.

Энэ жил Долоон улаан мэнгэ эрхшээсэн “Төмөр хулгана ” жил тул долоон улаан мэнгэтэй хүмүүсийн мэнгэ голлоно. Иймээс мэнгэний засал хийлгээрэй.

Төрсөн он	Төрсөн жил	Билгийн нас	Анхаарах зүйл	Засал
2020	Төмөр хулгана	1	7 улаан мэнгэ голлоход лусын хорлолоос болгоомжилж гүрэм засал хийлгэх.	Жанаггагдог, Нанжид, Доржнамжим уншуулж бурхан сахиусаа тахиж, лам багшийг шүтэж хүндэл.
2011	Төмөр туулай	10
2002	Усан морь	19
1993	Усан тахиа	28
1984	Модон хулгана	37
1975	Модон туулай	46
1966	Гал морь	55
1957	Гал тахиа	64
1948	Шороон хулгана	73
1939	Шороон туулай	82
1930	Төмөр морь	91

ЛОГАР БУЮУ ЦАГААН ЖИЛ

Логар буюу цагаан жил нь өөр хоорондоо үл тохирох хоёр жилийг ийн нэрлэнэ.

Үхэр, бар хоёр тэмцэлдэнэ.
Нохой гахай хэрэлдэнэ.
Морины туурайг тахиа тоншино.
Луу, могой хоёр ороолдоно.
Хонины толгойг бич хуулна.
Хулганыг туулай хөөх мэт хоорондоо үл тохирох хэмээн үздэг. Энэ “Хулгана ” жилд “Туулай ” жилтэнүүдэд логар буюу цагаан жилийн засалтай.
Холбоотой мэдээ
Хулгана жилд зүг мөр гаргах ёс ба суудлын засал
2020-02-21

ЭРХШЭЭСЭН МЭНГЭНИЙ ҮР, ЗАСАЛ

Аливаа хүмүүний төрсөн мэнгэ болон эрхшээсэн мэнгэ харилцан адилгүй гэдгийг анхаарах хэрэгтэй.

Нэг цагаан мэнгэ эрхшээвэл ариун бус болон үхэгсэдийн үйл, бэрийн үйл, толгойн өвчин, өс хонзонгоос сэргийл. Далха тахиул, Алтангэрэл уншуул.
Хоёр хар мэнгэ эрхшээвэл шөнө орой явах хийгээд хар өнгийн эдийг цээрлэ. Дээдэст зэмлэгдэх нигууртай. Хэл амнаас болгоомжил. Ширнэн, Цагаан шүхэрт уншуул
Гурван хөх мэнгэ эрхшээвэл газар ухах, чулуу ховхлох усны үйлийг тэвч. Ширнэн, Чогжүмүгсэл уншуул
Дөрвөн ногоон мэнгэ эрхшээвэл ургаа мод таслах, газар тариалан эрхлэх, найр хуримын идээ ундаа, хэрүүл тэмцэл аливаа ариун бусаас болгоомжил . Лүмбэнгарав уншуул
Таван шар мэнгэ эрхшээвэл ад зэтгэр, өвчин тахалтай газраас болгоомжил. Жамбалцанжод, Цагаан шүхэрт уншуул
Зургаан цагаан мэнгэ эрхшээвэл бэрийн бохир идээ хийгээд ариун бус зүйл, үхээрийн бузар болон хэрүүл тэмцлээс болгоомжил. Сахиусны ганшиг уншуул
Долоон улаан мэнгэ эрхшээвэл уул хаданд авирах, улаан өнгийн эд авах, хануур төөнүүр хийлгэхийг цээрлэ. Хурим найр, улайны газар очихыг цээрлэ. Ширнэн, Чогжүмүнсэл уншуул
Найман цагаан мэнгэ эрхшээвэл өс хонзонгийн түйтгэр, ариун бус зүйлээс болгоомжил. Хүүрийн газар явахыг цээрлэ. Сахиусны ганшиг уншуул. Буяны саданг өргөн хүндэлбээс сайн.
Есөн улаан мэнгэ эрхшээвэл улайг цээрлэ. Хүний хуучин эд, хувцас бүү ав. Оршуулгын газар очихдоо болгоомжил. Норжмаа сүн уншуул