Малайзын ерөнхий сайд огцрох өргөдлөө хаандаа өргөн барьлаа

Малайзын ерөнхий сайд Махатхир Мохамад өнөөдөр /2020.02.24/ огцрох өргөдлөө өөрийн хаанд өргөн барьсан тухай ойрын эх сурвалжууд байна. Өдгөө 94 настай тэрбээр өнгөрөгч 2018 оны тавдугаар сард ерөнхий сайдын албан тушаалд хоёрдох удаагаа сонгогдоод байсан юм. Ерөнхий сайдын албаны хэвлэлийн төлөөлөгчийн хэлж буйгаар удахгүй албан ёсны мэдэгдэл гарна хэмээжээ. Орон нутгийн хэвлэлийнхний үзэж буйгаар Махатхир Мохамад нь сөрөг хүчний намуудтай тохиролцон шинэ засийн газар байгуулах санаатай байгаа ажээ.

Махатхир Мохамад нь 1981-2003 онуудын хооронд анх ерөнхий сайдын албан тушаалд томилогдсон бөгөөд 2018 онд хоёрдох удаагаа энэхүү албан тушаалд ирээд байсан юм.