БНСУ-д  ажиллаж хугацаа нь дуусч  буй E9, E10 визтэй гадаад улсын иргэдийн гэрээт хугацааг 50 хүртэл хоногоор сунгахаар болсныг БНСУ-ын Хууль зүйн яам болон Хөдөлмөрийн яам, Далайн асуудал хариуцсан яам мэдэгджээ.

Дэлхий даяар хурдацтай тархаж буй "COVID-19" халдварын улмаас БНСУ-д ирэх гадаад ажилчдын тоо буурч, жижиг, дунд үйлдвэр, загасчлалын үйлдвэрлэл зэрэг газарт ажиллах хүчний хомсдол үүсээд байгаа аж. Тус улсын Хөдөлмөрийн яам дөрвөн жил 10 сарын хугацаа нь дуусч  нутаг буцаж буй гэрээт ажилтныг тус улсад үргэлжлүүлэн ажиллах боломж олгохоор болжээ.

Б.ЦЭЦЭГ