Английн премьер лигийн 11 дүгээр тойргийн сүүлчийн тоглолт өнгөрсөн шөнө боллоо. Энэ тойргийг хааж “Тоттенхэм” талбайдаа хүснэгтийн ёроолд яваа “Астон Вилла” клубыг хүлээж авч, 3:1-ээр буулгаж авлаа.

Ингэснээр “Тоттенхэм” 20 оноотой болж, тавдугаар байрт бичигдэж эхэлсэн юм. Харин “Астон Вилла” 4 оноотой хэвээр үлдэж, 20 дугаар байрт бичигдэж байна.

Тоглолтын 3 дахь минутад Дембеле тооны харьцааг нээсэн бол Деле Алли нэгийг нэмсэн. Харин 79 дэх минутад Айю тооны харьцааг ойртуулсан ч Харри Кейн 90+3 дахь минутад эцсийн цэгийг нь тавьж, багтаа гурван оноо авчирчээ.  Ийнхүү улирлыг тааруу эхлүүлүүлсэн Харри Кейн хоёр тоглолт дараалан гоолдлоо.

Эх сурвалж: www.mminfo.mn