Хог хаягдлын менежментийг шинэ журмаар зохицуулна | News.MN

Хог хаягдлын менежментийг шинэ журмаар зохицуулна

Хог хаягдлын менежментийг шинэ журмаар зохицуулна

Хог хаягдлын менежментийг шинэ журмаар зохицуулна
Нийслэлийн ИТХ-ын ээлжит XXXII хуралдаанаар “Энгийн хог хаягдлыг цэвэрлэх, ангилах, цуглуулах, тээвэрлэх, дахин боловсруулах, сэргээн ашиглах, устгах, булшлах журам”-ын төслийг хэлэлцэж, батлав. Улаанбаатар хотод хог хаягдлыг ачиж, тээвэрлэх үйл ажиллагааг нийслэлийн ИТХ-ын 2015 оны 86 дугаар тогтоолоор баталсан журмаар зохицуулж байв.
Хог хаягдлын тухай хуулийг УИХ-аас 2017 онд шинэчлэн найруулсантай холбогдуулан дээрх журмын төслийг боловсруулсан гэдгийг төсөл боловсруулагчид онцлов. Уг журмын төслийг нийсэлэлийн ИТХ-ын ээлжит XXXI  хуралдаанаар хэлэлцэж, төслийг илүү сайжруулж, боловсруулах үүрэг өгөн буцаагаад байсан. Улмаар Ажлын хэсэг байгуулан ажиллаж дахин ИТХ-аар хэлэлцэн баталсан юм. Ажлын  хэсгийн зүгээс журмын анхны төсөлд байсан хог хаягдлын үйлчилгээнд ажиллах хүч, машин техникийн тоо хэмжээг заасан хэт нарийвчилсан заалтууд, хөдөлмөрийн аюулгүй ажиллагаатай  холбоотой зарим заалт, Улаанбаатар хотын ерөнхий менежер ТҮК-уудтай гэрээ байгуулах, сонгон шалгаруулах зэрэг Хог хаягдлын тухай  хуультай зөрчилдсөн хэд хэдэн заалтуудыг хасаж, нийслэл, дүүрэг, хороо, иргэн аж ахуй нэгжийн чиг үүргийг тодорхой зохицуулсан заалтуудыг нэмж оруулан найман бүлэг 293 заалттай байсан журмын төслийг шинэчлэн найруулж, 10 бүлэг 512 заалттай байхаар  боловсруулжээ.
Ингэснээр нийслэлд хог хаягдлын нэгдсэн менежментийн журам хэрэгжүүлэхээр болсон юм. Өнөөдрийн байдлаар хог хаягдлыг дахин боловсруулах 29 үйлдвэр нийслэлд үйл ажиллагаа явуулж байна. Эдгээр үйлдвэр жилд дунджаар 300 мянга гаруй тонн хог, хаягдал цуглуулж дахин боловсруулах замаар эргэлтэд оруулж буй. Гэвч хог хаягдал цэвэрлэх, цуглуулах, тээвэрлэх чиглэлээр дүүргүүдийн тохижилт, үйлчилгээний компаниудтай байгуулсан гэрээний гүйцэтгэл хангалтгүй, хяналт сул байгааг Улаанбаатар хотын Ерөнхий менежер Т.Гантөмөр онцолсон. Мөн нийслэлийн хэмжээнд хог тээвэрлэж буй 306 машины олонх нь эвдрэл ихтэй байдаг. Тэгвэл журам батлагдсанаар арван төрлийн үйл ажиллагааг зохицуулж, хог хаягдлыг ачиж, цуглуулах тээвэрлэх үйл ажиллагааг нэгдсэн стандартад оруулж удирдлага зохион байгуулалтыг нь сайжруулж, үйлчилгээний нэгдсэн хяналт удирдлагын тогтолцоонд орж байгаа юм.
Эх сурвалж: Нийслэлийн ИТХ-ын ХМОНХТ
Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-02-21 202.126.88.232

Хог ачилтын ажлыг хувийн хэвшилд өгчихөөч, аж ахуйн нэгжүүд хогоо ачуулах гэж байнга ТҮК-н араас утасдаж гуйж бөөн юм болдог. Машин нь эвдэрнэ, эсвэл ямар нэгэн шалтаг хэлдэг. Мөнгөө төлж л байвал хогийг заавал долоо хоногт 1 удаа ачина гэж туйлшрахаа болимоор бгаа юм. Шинэ менежмент шинэ зохион байгуулалт, эрч хүчтэй ажилсаг хүмүүсээр хийлгэмээр бна. Бахь байдгаараа явдгаа болимоор бна.

Avatar

Зочин 2020-02-21 182.160.33.26

бзд-н 20 хороо улиастайн амуудад байгаа айлуудын хогийг бүтэн жил ачаагүй байж токны мөнгөтэй цуг хүчээр авч байгаа асуудлаа зогсоож хогоо ачих эсхүл иргэдийн мөнгийг буцааж өгвөл таарна хотын төвөөс алслагдсан дүүргүүдэд анхаарлаа хандуулмаар байна

NewsMN Гар утасны хувилбар Татах
NEWS.mn

Мэдээллийн эх сурвалж