Хороодын хэсгийн ахлагч нарын урамшууллыг нэмлээ | News.MN - Мэдээллийн эх сурвалж

Хороодын хэсгийн ахлагч нарын урамшууллыг нэмлээ

Хуучирсан мэдээ: 2015.11.03-нд нийтлэгдсэн

Хороодын хэсгийн ахлагч нарын урамшууллыг нэмлээ

Нийслэлийн ИТХ-ын ээлжит 30 дугаар хуралдаанаар “Хорооны хэсгийн ахлагч нарын ажиллах журам”-ыг хэлэлцэн баталсан. Өнөөдрийн байдлаар нийслэлийн 150 гаруй хороонд 1300 орчим хэсгийн ахлагч ажиллаж байна. 2015 оны эхний хагас жилийн тайлангаас үзвэл нэг хэсгийн ахлагч холбогдох албан тушаалтнаас сар бүр 7-10 чиглэлээр үүрэг авч ажилладаг гэсэн байна.  Тиймээс цаашид хорооны ажлын албаны уялдаа холбоог сайжруулах, хэсгийн ахлагчийн ажил үүргийг тодорхой болгох, цалин урамшуулал, нийгмийн хамгаалалыг зохицуулсан нэгдсэн журмын төслийг боловсруулжээ. Энэхүү журам нь  төр засгийн бодлого шийдвэрийг айл өрх, иргэн бүрт шуурхай хүргэж, иргэдийн оролцоог нэмэгдүүлэх, нийслэл, дүүрэг, иргэд, байгууллага, аж ахуйн нэгжийн хамтын ажиллагааг бэхжүүлэх, хэсгийн ахлагчийн гүйцэтгэх ажил үүргийг тодорхойлон тэдний ажлын үр дүнг дээшлүүлэх зорилготой гэж үзэж байна. Мөн хэсгийн ахлагчийн гүйцэтгэх үндсэн чиг үүргийг журмаар тодорхой болгожээ. Түүнчлэн хэсгийн ахлагчаар ажиллах иргэнд тавигдах шаардлага, хэсгийн ахлагчийг сонгон шалгаруулах, нэг хэсгийн ахлагчийн хариуцан ажиллах өрхийн тоо, үйл ажиллагааны ерөнхий зарчим зэргийг нарийвчлан тусгаснаас гадна хэсгийн ахлагч нарын ажлыг дүгнэх аргачлал, урамшууллыг тодорхой зааж өгсөн байна. НИТХ-аас энэхүү журмыг баталснаар хэсгийн ахлагч нар хорооны гэрээт ажилтан байж, хөдөлмөрийн хөлсний доод хэмжээг 1,5 дахин нэмэгдүүлсэнтэй тэнцэх цалинтай болов. Журам энэ сарын нэгнээс эхлэн хэрэгжиж байна.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

mash zov 2015-11-03 202.126.91.100

Иргэд төр 2ыг хооронд нь холбодог хамгийн бага нэгж чинь л хорооны хэсгийн ахлагчид байдаг хийж байгаа ажил нь хүнд хэрнээ авах цалин нь цалингын доод хэмжээ авдаг .Зарим хорооодын хэсгийн ахлагчид ажил төрлөө хийж чаддаггүйн тэрэл юм бгаз, тэгвэл өглөөнөөс орой хүртэл судалгаа бариад айл амьтан хэсч ажилдаг тэр хүмүүсийг юу гэхгээв ЯЛАНГУЯА ГЭР ХОРООЛЛЫН айлууд нохой архичид гээд тэр болгонтой нь нүүр тулан ажилдаг Үүнийг ч мэдэхгүй байж тархинийхаа хэмжээгээр сэтгэж ,амныхаа зоргоор бурж явдаг хүмүүс өөрсдөөсөө ич !!!!!!!

999 2015-11-03 202.131.238.115

Маш зөв шийдвэр. Ер нь хороон дээр дээр ажилладаг төрийн албан хаагчдын цалинг бас нэмэх хэрэгтэй л байгаа юм. Тэд маш их ачаалалтай ажилладаг шүү.

иргэн1 2015-11-03 202.131.7.199

Зөв шийдвэр байна. Нийгмийн даатгалыг төлдөг юм уу. НЗДТГ-ын түвшний ангиллаар ижил цалин хөлс, урамшууллатай болох ёстой. Хүмүүстэй нүүр тулж ид амьдрал дунд ажилладаг хүмүүс шүү дээ.

naran 2015-11-03 64.78.233.198

МАН намын сурталчилгааны ажилтныг төсвөөс цалинжуулах юмуу тээ? Даварцан юм бэ. Манай СБ дүүргийн 6-р хорооны хэсгийн ахлагч гэж гартаа улаан даавуу уяцан МАН-ы сурталчилгааны материал тараагаад манай намд саналаа өгөхгүй бол бүртгэлийг чинь хийхгүй гэцэн явж байдаг хөгшин авгай л байдаг шд.

иргэн 2015-11-03 59.153.113.18

Юу ч хийдэггүй эдгээр мануухайнуудад яахаараа урамшуулал нэмдэг байнаа. Ялангуяа БЗД-ийн 19-р хорооны хэсгийн байцаагч юу ч хийдэггүй ш дээ . Би л лав 2011 оноос хойш 1 удаа айлуудаар орж дүүргээс хийгдэж байгаа ажлын талаар болон улс орон даяар өрнөж буй үйл явдлын талаар танилцуулж байгаатай таараагүй. Тэр бүү хэл хэсгийнхээ альгудамжинд ямар айл байгааг мэдэхгүй сууж байдаг юм байна лээ ш дээ. Байнга өөрчлөгдөнө. Ер нь бол хороон даргын ах дүү хамаатан,найз нөхөд нь төсвийн мөнгөөр тэтгэлэг авч байдаг юм бишүү.

хххххх 2015-11-03 202.21.105.23

хаанаасаа хаалгач... гэгчээр хамгийн их амбицтай нөхдүүддээ. яагаад сард 50000 авдаг ч гэсэн хэсгийн ахлагч болох гээд "үхэлдээд" байдаг гэж бодном...

Зочин 2015-11-03 203.91.112.198

маш зөв болжээ ман намын үед эдгээр хүмүүс сард 50000 төг авч байлаа

зочин 2015-11-03 124.158.74.185

зөв шийдвэр байна. Ер нь хэсгийн ахлагч нарыг хорооны ажлын албаны ажилтан болгох хэрэгтэй. хороо, дүүрэг, нийслэлийн ажилтнууд нэг ангилал буюу НЗДТГ-ын түвшний ангиллаар ижил цалин хөлс, урамшууллатай болох ёстой. хүмүүстэй нүүр тулж ид амьдрал дунд ажилладаг хороо, дүүрэг их ажилтай шүү.нийслэл хотын төрийн албан хаагчдын тоог нилээд нэмэх хэрэгтэй.