Долларын эсрэг бодлогоо гарга | News.MN - Мэдээллийн эх сурвалж

Долларын эсрэг бодлогоо гарга

Хуучирсан мэдээ: 2015.11.02-нд нийтлэгдсэн

Долларын эсрэг бодлогоо гарга

Ердөө гурван жилийн өмнө Монгол дэлхийд шинэ тоглогчоор тодорч байлаа. Далайд гарцгүй, эрдэс баялгийн нөөц ихтэй Монголын эдийн засагт гарч ирсэн үсрэнгүй өсөлтиг дэлхий амаа ангайлган хүлээж авсан юм. Гэвч, энэхүү азтай, одтой байдал удаан үргэлжилсэнгүй. Гадаад зах зээл дэх эрдэс баялгийн үнийн уналт нөгөө талдаа Монголын улстөр дэх толхилцоон, хууль эрх зүйн тогтворгүй байдал, дээр нь Хятадын эдийн засгийн саармагжилт гээд энэ бүхэн Монголд муугаар нөлөөлөв.

Ямар сайндаа л төсвийн 80 хувийг бүрдүүлж, манай улсын экспортын бүтээгдэхүүний үнийг ердөө хоёрхон жилийн дотор 2.3 дахин нэмэгдүүлж байсан уул уурхайн супер цикл унах мөчлөгтөө орсноор бидний амьдрал ч дагаад уруудав. Статистик судалгааг харахад эрдэс баялгийн экспортын үнэ сүүлийн жилүүдэд хоёр дахин уналаа. Энэ нь хөгжиж буй орнуудаас хөрөнгийн урсгал гадагшилсан сүүлийн гурван жилийн өрнөл юм. Ялангуяа уул уурхайн хамааралтай хөгжиж буй орнуудын, тэр тусмаа нүүрс, нефть давамгайлсан экспортын бүтэцтэй эдийн засагт цочрол үүсгэж, макро эдийн засгийн бодлогод нь хүнд сорилт нүүрлэж байна. Гэхдээ хөгжиж яваа орнууд дотроо монгол харин ч “танагтай” байгаа бололтой. Эдийн засгийн бүтэц нь эрдэс баялгийнхаа экспортод суурилсан, байгалийн баялаг ихтэй, Хятадын том зас зээлээс хамааралтай арван орны харьцуулалтыг харахад төгрөгийн ам.доллартай харьцах ханшийн дундаж өөрчлөлт нь цочрол өгөхөөр шинэ зүйл биш гэдгийг албаны хүмүүс онцолж байгаа юм.

Ам.доллартай харьцах ханшийн дундаж өөрчлөлт

Дөрвөн жилийн дотор 11 тэрбум долларын хөрөнгө оруулалтыг татаж, мөнгөөр гулгиж явсан Монголын эдийн засаг шокийн байдалтай байна. Өөрөөр хэлбэл, манай улсын хувьд гадаадын шууд хөрөнгө оруулалтын шок бусад орнуудтай харьцуулахад хамгийн өндөр, сөрөг өөрчлөлтийн далайц хамгийн их байгаа ч ханш суларсан үзүүлэлтээр дундаж түвшинд бичигдэж байна. Харин төлбөрийн тэнцлийн хямралын үед ханшаа барих гэж оролдох бус, эдийн засгийн суурь нөхцөлтэй нь нийцүүлж суллахыг түрүүлж зөвшөөрснөөрөө санхүү, эдийн засгийн тогтвортой байдлаа хадгалж чадсан байдаг. Гэхдээ энэ бол тайвшрах зүйл биш. Бид бодлогын том өөрчлөлт хийж байж эдийн засгийн шокноос гарч чадна. Тэр нь юу вэ гэвэл гадаадын шууд хөрөнгө оруулалтыг төрөлжүүлэх, улмаар уул уурхайн бус салбарын гадаадын шууд хөрөнгө оруулалтыг нэмэгдүүлэн, хөдөө аж ахуйн боловсруулах үйлдвэрлэлийн экспортыг нийт экспортын гуравны нэгд хүргэснээр долларын хаанчлалыг зогсоож чадна. Өөрөөр хэлбэл, уул уурхайг дагаж орж ирдэг долларын сувгийг нэмэгдүүлэх, зөвхөн уул уурхай биш барилга, хөдөө аж ахуй, аялал жуучлал, эрүүл мэнд гээд бүх л салбарт хөрөнгө оруулалтыг нэмэгдүүлэх ёстой.

Эдийн засгийн хямралтай үед эерэгээр ажиглагдаж байгаа нэг зүйл нь өрхийн бодит орлогын түвшинг хадгалах зорилтын хүрээнд нийлүүлэлтийн гаралтай инфляцийн нөлөөллийг 35 хувиас тэг хувьд хүргэж, эрэлтийн гаралтай инфляцийн дарамтыг өрхийн хуримтлал, төгрөгийн өгөөжийг нэмэгдүүлснээр инфляци зорилтот түвшиндээ хүрч буурсан чадсан гэж эдийн засагчид онцолж байна.

Ж.ЭРХЭС

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

eku 2015-11-02 202.179.20.120

бид үл хөдлөх хөрөнгө,газраа баялаг болгож чадсан үед л доллар бууж өгнө

Зочин 2015-11-02 202.180.220.77

Их хурал гэдэг хэрүүлийн газрыг болиуулаад нэг намаа шүтэж амьдрах хэрэг гарна. Улсын бодлогыг эсэргүүцсэн хэн бүхнийг "АНУ Японы тагнуул" гээд шоронд хий. Харин манайхыг сайн дураараа тэжээх ЗХУ байхгүй болсон, хэн тэжээх болдоо.

Зочин 2015-11-02 202.180.220.77

Эсвэл социализм руугаа эргээд ор. Бүх арилцааны банкуудаа хаа. Иргэдээ гадаад явуулах эрхийг нь цуцал. Зөвхөн төрийн яамдуудад гадаад худалдаа хийх эрхийг нь өг. Долларын ханшийг нэг түвшинд тогтоогоод хуульчил. Валют сольдог бүх чэнжүүдийг шоронд хий. Ийм арга хэрэглэвэл доллар өсөлтөө зогсооно. Мэдээж бид зах зээл, ардчилалаас ухрах хэрэг гарна. Зөвхөн нэг улсыг бараадаэ амьдрах хэрэгтэй болно. Тэр нь харин Орос уу, Хятад уу, сайн мэдэхгүй байна.

Зочин 2015-11-02 202.180.220.77

Америкийг харааж болноо, гэхдээ гадаадад бид доллар, еврогоор л наймаа хийнэ. Төгрөгийг хэн ч авахгүй. Доллар уг нь буруугүй юм бгаа юм шүү дээ. Доллар байдгаараа л байж бн. Манай төгрөг унаж байна, бүх том валютын эсрэг. Долларыг хорчих юм бол сайхан амьдрана гэж бодоогүй биз дэ?

ӨВГӨНХҮҮ 2015-11-02 119.40.100.222

ханш хар захын зарчмаараа явж байна гээд сууж байдаг төртэй байх гутамшиг юм даа. Монгол түмний бүтээсэн баялагыг үнэгүйдүүлээд зүгээр харж суугаа Золжаргал шившиг юм даа. Ийм хүн, ийм Монголбанкыг энэ хэвээр нь байлгаад байдаг УИХ ч бас ичгивтэр юм даа.

Зочин 2015-11-02 202.9.43.57

Mongolbanknii medeelel baina, suuliin 2 jild togrogiin hansh 35 huviar unasan baina, ene bol aimar uzuulelt, hyatadiin 10 jiliin oorchlolt 1-2 huvi baina shu de. Mon, niiluulted hamaarsan inflation yu yu gene ve,.....

$ 2015-11-02 103.229.122.95

Ugaasaa $ -iin hadgalamjtai baihiig zuvshuurnu gedeg chini undesniihee mungun temdegtiig uneguiduuleh ehnii alham shuu dee. Europa-d $ -iin hadgalamj neeh n baitugai $-r guilgee ch hiihgui.

Зочин 2015-11-02 103.9.90.66

ДОЛЛАРЫН ХАНШИЙГ БУУРУУЛЪЯ ГЭВЭЛ ДОЛЛАР Л ОЛЖ ИР