Нийтийн эзэмшлийн зам талбайн аврах гарцуудыг чөлөөлнө | News.MN - Мэдээллийн эх сурвалж

Нийтийн эзэмшлийн зам талбайн аврах гарцуудыг чөлөөлнө

Хуучирсан мэдээ: 2015.11.02-нд нийтлэгдсэн

Нийтийн эзэмшлийн зам талбайн аврах гарцуудыг чөлөөлнө

Нийслэлийн Онцгой байдлын газрын даргын баталсан 2015 оны А/101 тушаал, удирдамжийг хэрэгжүүлэх ажлын хүрээнд нийслэлийн нутаг дэвсгэрийн хэмжээнд барилга байгууламж, гэр хороолол,  авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, гарааш, өргөтгөлийг буулгаж чөлөөлөх нэгдсэн арга хэмжээг 2015 оны 10 дугаар сарын 28-ны өдрөөс эхлэн нутгийн захиргааны болон холбогдох мэргэжлийн байгууллагуудтай хамтран зохион байгуулж байна.

Шалгалтын гол зорилго нь нийслэлийн нутаг дэвсгэрийн хэмжээнд барилга байгууламж, гэр хороолол,  авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, гарааш, өргөтгөлд Монгол Улсын Төрийн хяналт шалгалтын тухай, Гамшгаас хамгаалах тухай, Галын аюулгүй байдлын тухай хууль тогтоомж, барилгын норм ба дүрэм, стандартын хэрэгжилтийн байдалд үнэлгээ дүгнэлт өгч, илэрсэн зөрчлийг арилгуулах, шуурхай албаны автомашин зорчих зам гарцыг чөлөөлөхөд оршино.

Шалгалтыг дүүргийн Засаг даргын Тамгын газар, Онцгой байдлын хэлтэс, Өмч, газрын харилцааны алба, Замын цагдаагийн тасаг, бусад захиргааны байгууллагуудын албан тушаалтан нар хамтран зохион байгуулна.

Шалгалтаар Монгол Улсын Гамшгаас хамгаалах тухай, Галын аюулгүй байдлын тухай хуулиудын хэрэгжилт,  Захиргааны болон олон нийтийн барилга байгууламжийг барихдаа газар олголт, захирамж,  барилга эхлүүлэх зөвшөөрөл, техникийн нөхцлийг мэргэжлийн байгууллагуудаас авсан эсэх, Барилга байгууламжийн авралтын зам гарцыг барилгын зурагт тусган, зургийн дагуу  барилга байгууламжийг барьсан эсэх, Барилга байгууламж барих, өргөтгөх засварлахдаа мэргэжлийн байгуулагуудаас дүгнэлт зөвшөөрөл авсан, авралтын зам гарц, нийтийн эзэмшлийн зам гарц болон гадна орчны тохижолт, зүлэгжүүлэлтийн талбай, холбогдох норм, дүрмийг зөрчсөн эсэх,  зөвшөөрөлгүй барилга байгууламж барьж, захиргааны болон олон нийтийн барилга байгууламж хоорондын зай хэмжээг  алдагдуулсан эсэх, авто зам болон нийтийн эзэмшлийн зам, талбай, авралтын гарцыг хааж  хайс, хашаа, автомашины гарааш барьж, зөөврийн чингэлэг байрлуулсан эсэхэд хяналт тавьж холбогдох хууль, дүрэм норм зөрчсөнийг буулгах, чөлөөлөх ажлыг зохион байгуулах юм.

Мөн гэр хороололд гудамж хоорондын зай хэмжээ алдагдсан эсэх, зөвшөөрөлгүй хашааг сунгаж  гудамжийг  нарийсгасан байдал, зам гарцыг хааж мухар гудамж гаргасан эсэх, өндөрлөг газар, өндөр хүчдэлийн шугам, үерийн аюултай бүсэд байрласан, шуурхай албаны автомашин хүрэлцэн очих боломжтой эсэх, гэр хороолол дахь нийтийн байрны гадна нийтийн эзэмшлийн зам, талбайг хааж зөвшөөрөлгүй хашаа барьсан эсэхийг шалгаж чөлөөлнө.

Нийслэлийн Онцгой байдлын газраас жил бүр энэхүү арга хэмжээг зохион байгуулдаг бөгөөд энэ жил дүүргүүдийн удирдлага, холбогдох албан тушаалтнуудаас дэмжлэг авч, мэргэжлийн байгууллагуудтай хамтран ажиллаж байгааг онцолж байна.      

Нийтийн эзэмшлийн зам талбайн авралтын гарцыг чөлөөлөх арга хэмжээ 14 хоног үргэлжлэх бөгөөд нийслэлийн төвийн 6 дүүргийн нутаг дэвсгэрт зохион байгуулагдаж байгаа.

Иргэний үүргээ биелүүлж барилга байгууламж, гэр хороолол,  авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй хашаа, хаалт, хайс сунгаж, гарааш, өргөтгөл барьсан бол чөлөөлөхийг иргэд, аж ахуй нэгж байгууллагуудад нийслэлийн Онцгой байдлын газраас уриалж байна.

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-02 122.201.22.229

Facebook huudas neechiheech bid bolohgui bgaa gazariin zuragiig ni avaad taviad ugii.tur irgedtei ajillah heregtei ur dun ugnu

Zuv 2015-11-02 150.129.140.254

Er n emneleg dundaa Gemtel shig gazriin ontsgoilon avch zamiig n chuluuluh heregtei

Уб иргэн 2015-11-02 150.129.141.59

Манай терийн байгууллагууд еерсдийн хийх естой ундсэн ажлаа ингэж сар, долоо хоногийн аян гэж хийх юм. Уул нь ургэлж хийж байх естой ажил нь л юм шиг. Цалингаа жилийн туршид авдаг биз дээ

Нийслэл хүү 2015-11-02 103.26.193.78

Хамгийн аймаар юм бол Гэмтлийн эмнэлэг одоо ганц орох нарийхан замтай Сандарч явсан хүнд олж очиход маш хэцүү Дээр нь ухамсаргүй ма лууд гарцыг нь хааж машинаа орихоод алга болдог гээд боддоо Өнөөдөр дарга цэцэг баян ядуу хэнд ч гай зовлон хийсэж ирнэ Хүний амь нэг минут секундээр хэмжигдэж байхад орох гарцгүй ганцхан эмнэлэгтэй эмгэнэллтэй Улаанбаатарчуудаа

зочин 2015-11-02 103.57.94.206

ИЙМ АРГА ХЭМЖЭЭГ АЛЬ ХЭДИЙН АВАХГҮЙ ЯАСИЙН. ОДОО ДАРУЙ ХЭРЭГЖҮҮЛ. МАШ ЗӨВ АРГА ХЭМЖЭЭ БАЙНА. ДЭМЖИЖ БАЙНА

Зочин 2015-11-02 103.26.194.102

наад ажлаа бүтэн жил тасралтгүй үргэлжлүүлээд нэг мөсөн цэгцлээд аваачээ!!!

ИРГЭН 2015-11-02 203.194.114.118

ЁСТОЙ НҮДЭЭ ОЛСОН АЖИЛ ЭХЛҮҮЛСЭН НЬ САЙН БАЙНА.ГЭХДЭЭ 14 ХОНОГТ ЮУ ХИЙЖ АМЖИХ БИЛЭЭ ДЭЭ.БҮХ НИЙТИЙН ТВ РАДИОГООР САЙН СУРТАЛЧЛАХ,ИРГЭДЭЭС МЭДЭЭЛЭЛ ӨГӨХ БОЛОМЖООР ХАНГАХ ГМ АЖЛУУДЫГ ТӨЛӨВЛӨЖ ЯДАЖ 6 САР ТЭМЦЭЖ БАЙЖ ЖААХАН ГАЙГҮЙ БОЛНО ДОО.ИРГЭДЭД АЛДААГАА ЗАСАХ БОЛОМЖ ОЛГООД ДАРАА НЬ ХАТУУ ТОРГУУЛИЙН АРГА ХЭМЖЭЭ АВАХ ХЭРЭГТЭЙ ШҮҮ. ОДООГООР БЗД-ЫН 2-Р ХОРООНД МЭДРЭГДЭХ ЮМ АЛГА.