"Цахилгаан автобусыг турших хугацаанд ноцтой зөрчил гараагүй” | News.MN

"Цахилгаан автобусыг турших хугацаанд ноцтой зөрчил гараагүй”

"Цахилгаан автобусыг турших хугацаанд ноцтой зөрчил гараагүй”

"Цахилгаан автобусыг турших хугацаанд ноцтой зөрчил гараагүй”

Өглөө орой автобусны буудал “манаж”, товлосон чиглэлдээ амжиж суухаар уралдан гүйлддэг мянга мянган үйлчлүүлэгчийн нэг нь би. Тиймдээ ч нийслэлийн нийтийн тээврийн алдаа, оноог андахгүй. Нийтийн тээврийн үйлчилгээ, хүртээмжийг сайжруулах гэж нийслэлийн удирдлагууд бишгүйдээ л хичээн ажиллаж буй юм. Тухайлбал, цахим картын систем нэвтрүүлсэн. U-money буюу цахим картын системд иргэд дасах гэж тодорхой хугацаа өнгөрч, хүндрэл бэрхшээлтэй тулгарч байсан. Харин одоо нийтийн тээврээр үйлчлүүлдэг ихэнх иргэд бэлэн мөнгө гэхээсээ илүүтэй U-money картаараа зорчоод дасчихжээ. Цахим карт нийтийн тээврийн үйлчилгээнд нэвтэрсэн хэдий ч нийтийн тээврийн үйлчилгээ төдийлөн иргэдийн сэтгэлд нийцэхгүй хэвээр байна. Дуу чимээ ихтэй, хар утаа суунаглаж, бохир, хэзээ мөдгүй салж унах гэж байгаа нь нүдэнд илт харагдах болжээ. 

Нийтийн тээврийн газарт 1200 гаруй автобус бүртгэлтэй байгаагаас өдөр бүр 930-940 автобус их, дунд угсраа буюу троллейбус иргэдэд үйлчилдэг. Харамсалтай нь, 1200 автобусны 80-аас дээш хувь нь наймаас дээш жилийн насжилттай. Өөрөөр хэлбэл, нийтийн тээврийн насжилт нь 12 жил болоход үйлчилгээнээс хасагддаг журамтай. Үүний дагуу одоо үйлчилгээнд явж буй нийтийн тээврүүд 2021 онд үйлчилгээнээс хасагдана гэсэн үг юм. Тиймээс 2020 оныг нийтийн тээврийн салбарыг эрс шинэчлэн, 300 автобусаар парк шинэчлэлт хийж, хүүхдийн 200 автобусыг үйлчилгээнд явуулах, хоёр давхар автобус, зориулалтын стандартад нийцсэн 1000 таксиг үйлчилгээнд нэвтрүүлнэ хэмээн нийслэлийн удирдлагууд ам гарсан удаатай.

Өнгөрсөн нэгдүгээр сарын сүүлээс нийтийн тээвэрт цахилгаан автобусыг үйлчилгээнд гаргахаар төв замаар явуулан туршиж эхэлсэн билээ. Тодруулбал, Америк, Германы хамтарсан технологиор үйлдвэрлэсэн “Yinlong Energy” компанийн цахилгаан автобусыг “Зорчигч тээврийн нэгтгэл” ОНӨААТҮГ инженер техникийн ажилчид туршиж байгаа бөгөөд уг автобус нь дизель хөдөлгүүрт тээврийн хэрэгслээс 60 хувь зардал хэмнэдэг онцлогтой аж. Нийт 36 хүний суудалтай тус цахилгаан автобусыг цэнэглэх зориулалтын хоёр цэгийг байгуулсан байна. Цаашид цахилгаан автобусыг цэнэглэх байршлуудыг нэмэхээр судалгаа гаргаж байгаа бөгөөд үйлдвэрлэгч компанийн зүгээс цахилгаан автобусанд найман жил, батерей буюу цэнэглэгчид 30 жилийн баталгаа өгсөн гэдгийг өмнө нь мэдээлж байсан билээ.

Энэ талаар Нийслэлийн Засаг даргын орлогч, Зам тээврийн асуудал хариуцсан төслүүдийн удирдагч Б.Отгонсүхээс тодрууллаа.


-Цахилгаан автобусыг нийтийн тээврийн үйлчилгээнд ирэх гуравдугаар сарын 2-ны өдрийг хүртэл турших юм байна. Цаашид туршилтыг үргэлжлүүлэх үү, эсхүл нийтийн тээврийн үйлчилгээнд гаргах уу?

-Нийтийн тээврийн салбарт 2009 оноос хойш парк шинэчлэлт хийгдээгүй. Тиймээс 2020 онд парк шинэчлэлт хийхээс гадна олон хувилбарт нийтийн тээврийн систем нэвтрүүлэхээр ажиллаж байна. Тэдгээрийн нэгээхэн хэсэг нь одоо туршиж байгаа цахилгаан автобус юм. Бид арав гаруй улс орны автобусуудыг туршиж үзээд, олон улсын чанар стандартад нийцсэн, улмаар Монгол орны эрс тэс цаг агаарт тохирох “Yinlong Energy” компанийн цахилгаан автобусыг оруулж ирсэн. 

Газар дээр нь очиж иргэд, зорчигч нартай уулзахад автобусны шил нь цантахгүй, буудлаа зарлахаас гадна давхар мэдээллийн самбараар мэдээлж байна, автобус дулаахан байна гэх эерэг зүйлс ярьж байсан. Үүнээс харахад иргэд цахилгаан автобусанд ам сайтай байх шиг байна. Туршилтын хугацаа дуусахаар цахилгаан автобусыг нийтийн тээврийн үйлчилгээнд гаргах төлөвлөгөөтэй байгаа аж.

Энэ жилийн хувьд харьцангуй дулаахан өвөл боллоо. Дараа жил цаг агаар эрс хүйтэрлээ гэж бодоход дээрх цахилгаан автобусууд эдэлгээ даах уу?

-“Туршилтын хугацаанд Монголын өвлийн улиралд ямар өөрчлөлт гарч байгааг нь үзэхээр гадаа хонуулсан.  Туршилтын хугацаанд одоогоор ноцтой зөрчил гараагүй” гэж “Зорчигч тээврийн нэгтгэл”-ийн газраас мэдээлсэн. Идэр есийн хүйтнийг даваад гарсан учраас цаашид нийтийн тээврийн салбарт ашиглах бүрэн боломжтой гэсэн шийдэлд хүрсэн. Ер нь дэлхийн өндөр хөгжилтэй улс орнууд цахилгаан автобус болон дизель түлшний автобусыг хослуулаад явж байна. Тухайлбал, тог цахилгаан тасрахад цахилгаан автобус хөдөлгөөнд оролцох боломжгүй. Харин энэ эрсдэлийг дизель түлшний автобус нөхөөд явж байна. Цаашид бид ч энэхүү жишгээр явна.

Цаашид цахилгаан автобус нэмж авах нь ээ?

-Тийм ээ. Цахилгаан автобус нь эдийн засгаа бодсон ч тэр илүү хэмнэлттэй. 100 төгрөгөөр зардал гаргаад явж байгаа дизель автобус цахилгаанд шилжих юм бол 40 төгрөгийг зардал гаргаж 60 төгрөг хэмнэнэ. Тэгэхээр тэр хэмжээгээр төсөв мөнгө хэмнэгдэнэ гэсэн үг. Үүнээс гадна энэ онд хийгдэх нийтийн тээврийн парк шинэчлэлийн хүрээнд нэмж хүүхдийн 200 автобустай болох төлөвлөгөөтэй байна.

Ерөнхий боловсролын сургууль түр хаагдахаас өмнө нийт 29 сургуулийн 3000 орчим хүүхдийг хоёр ээлжээр 33 чиглэлд 40 автобусаар зөөж байсан. Хүүхдийн 40 автобус хөдөлгөөнд оролцоход л түгжрэл гурван хувиар буурсан үзүүлэлтэй гарсан. Тиймээс хүүхдийн автобусны тоог нэмсээр түгжрэл буурч, нөгөө талдаа хүүхдүүдийн аюулгүй байдал бүрэн хангагдах юм.

Энэ онд нийтийн тээвэрт хийгдэх парк шинэчлэлтийг бүхэлд нь аваад үзвэл цахилгаан соронзон галт тэрэг, агаарын замын зорчигч тээвэр /агаарын такси/, тусгай замын автобус, цахилгаан автобус, эко такси зэрэг нийтийн тээврийн төрлүүдийг шинээр нэвтрүүлнэ. Мөн автобус, таксины парк шинэчлэлийг иргэн, аж ахуйн нэгжүүдийн оролцоотойгоор шат дараалалтайгаар хийх, нийтийн тээврийн нэгдсэн удирдлагын системийг шинэчлэн нэвтрүүлэх тооцоо судалгаа хийж, цогц шийдлүүдийг хэрэгжүүлэхээр төлөвлөөд байна. Энэ шийдлүүдийг хэрэгжүүлсний үр дүнд Улаанбаатар хотын замын хөдөлгөөний түгжрэлийг 2025 он гэхэд 50 хүртэл хувиар бууруулж, нийтийн тээврийн салбарын хөгжлийг олон улсын түвшинд хүргэх зорилт тавин ажиллаж байна.

Монголд 1200 автобус үйлдвэрлэх чадалтай машин, автобус үйлдвэрлэдэг таван компани бий. Тэд хүчээ нэгтгээд жилд 650 автобус, хоёр жилийн хугацаанд 1200 автобус үйлдвэрлэж, парк шинэчлэлтийг 100 хувь дотооддоо хийх боломжтой гэж мэдээлж байсан удаатай. Нийслэлийн удирдлагууд дотоодын үйлдвэрлэгч нараа дэмжихгүй БНХАУ-аас л автобус аваад байна хэмээн яригдаад байгаа шүү дээ. Ер нь өөрсдийнхөө хийсэн автобусыг туршиж үзсэн үү?

-Мэдээж туршиж үзэлгүй яах вэ. Туршиж үзэхэд тус цахилгаан автобус нь бүрэн цэнэгтэй үедээ 70 километр явахаас гадна цэнэглэлт хоорондын хугацаа нь хэтэрхий удаан 4-5 цаг байсан. Харин БНХАУ-аас оруулж ирсэн дээрх арван автобус бүрэн цэнэгтэй үедээ 200 километр явдаг. Автобусыг зориулалтын цэгт 15-20 минутад бүрэн цэнэглэх боломжтой.

Мөн -50+ 50 градуст ажиллах чадвартай, баттерей нь нано технологиор үйлдвэрлэгдсэн, 12 м урттай 15-20 минутад бүрэн цэнэгээ авдаг давуу талтай. Түүнчлэн автобусны цонхууд хоёр давхар шилтэй вакум учир өвлийн улиралд цантахгүй. Хэрэв чанарын шаардлага хангаж байвал аль болох дотоодын үйлдвэрлэлээ дэмжье гэсэн бодолтой байна. Одоогоор монгол инженерүүдийн бүтээсэн цахилгаан автобусыг “Автобус-3” дээр туршиж байна. 

Э.БУРАМ

Энэ мэдээнд өгөх таны сэтгэгдэл?
17
ЗөвЗөв
2
БурууБуруу
1
ХөөрхөнХөөрхөн
1
ХарамсалтайХарамсалтай
1
ТэнэглэлТэнэглэл
0
ХахаХаха
0
ГайхмаарГайхмаар
Баярлалаа!

34 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-20 66.181.183.169

Эстони улс нийтийн тээврээ үнэгүй болгож түгжрэлийг бууруулах туршилт хийж байна

Avatar

ZOCHIN 2020-02-20 180.150.82.77

MONGOLDOO AVTOBUS UILDVERLEH N MASH ZOV.ZASCH ZALRUULAAD L SAIJRUULAAD L BH HEREGTEI.YDAHDAA ORON NUTAGTAA YVUULAHGUI YU.MONGOL HUNDEE AJLIIN BAIR ORLOGO TATVAR BUGD MONGOLDOO ULDEH UCHIR HEZEE CH ZOGSOOJ TENEGTEJ BOLOHGUI.

Avatar

Зочин 2020-02-20 202.21.109.76

mongolchuud naad avtobus uildverlene gexee bolio. ternii orond aris shiree bolovsruulaad gadaad exportiin uuldveree nee. xyadadaas bux yimaa avaad ugsaaad xyatadaas 5 daxin uneteigeer ulsad zarna gedgee odoo bolix xeregtei

Avatar

Zochin 2020-02-20 192.82.93.3

yag zow ene bol zvgeer hen neg hulgaichiin hiij baigaa mash tom bulhai oorsdoo ydaj hadaasaa uildwerledeg bolwchihwol hen ch yuch helehgui hytadiin tomor ugsaraad teriigee nugalj zarna gedeg bol zvgeer l hen negnii bizness ym!!! ATG bolon Shudraga orsoldoonii gazar shalgah heregtei

Avatar

Зочин 2020-02-20 202.55.191.130

Америк Германы юмуу Хятад юмуу ?

Avatar

зочин 2020-02-20 202.9.46.219

30 жилийн баталгаа гэж байхгүй дэ … худлаа шаалааа да.. Ингээл шаагаааал эхэлхээр нь шал дургүй хүрчихэж байгаам шд .

Avatar

Зочин 2020-02-20 182.160.1.231

Хятадад үйлдвэрлэсэн гэдгийг бичихээс зайлсхийгээд Yinlog energi компанийн гээд л бичээд байнаа даа.30 жилийн баталгаатай батарей дэлхийн ямарч улсын ямар ч компани одоогоор үйлдвэрлээгүй байгаа шүү.Жаахан баримжаатай бураарай.

Avatar

Иргэн 2020-02-20 202.126.88.58

Түлш хулгай шаааж амьдралаа залгуулдаг жолооч нарын эрх ашгийг хамгаалах холбоо гарч ирэх байх

Avatar

Самрахаа боль Монгол Инженерүүдээ 2020-02-20 192.82.66.136

Тэгээд л гэнэт инженер гэдгээ санадаг юмуу? хүн гаднаас автобус авна гэхээр л болсон болоогүй юм дундуур нь ярьж орж ирдийн. Хэдийгээр хийх гэж байгаа үйлдэл нь зөв ч төгс төгөлдөр юмтай хүнд орж ярьж дэмжлэг хүсч болно ш дээ.

Avatar

Зочин 2020-02-20 202.179.27.50

Mongol avtobus gej HUTSAH aa hezee bolih ve

Avatar

Монгол хүү 2020-02-20 103.206.194.6

ЭНЭ АВТОБУСАНД НИЛЭЭН ХҮЙТЭН ҮЕД НЭГ УДАА СУУЖ ҮЗСЭН БИЛЭЭ. ИНГЭЭД СЭТГЭГДЭЛ МААНЬ НИЙТИЙН ТЭЭВРИЙН ҮЙЛЧИЛГЭЭГ БҮРЭН ДҮҮРЭН АВЧ ИЙМ Л АВТОБУСНУУДТАЙ БОЛЧИХВОЛ Ч АЯТАЙХАН ЮМ БАЙНА ДАА ГЭЖ БОДОЖ БАЙСНАА НУУЛГҮЙ, ИЛЭН ДАЛАНГҮЙ БИЧЛЭЭ. БАЯРЛАЛАА. ОДОО ҮЕД АШИГ ОЛЖ БАЙГАА ХҮМҮҮС, АВТОБУС БААЗУУД БУСДЫН АЯ ТУХЫГ ХАНГАХ ТАЛААСАА, ТЭДЭНД ХҮНДЭТГЭЛТЭЙ ҮЙЛЧИЛЭХ ТАЛААСАА АНХААРЧ АЖИЛЛААСАЙ ДАА…

Avatar

sdf 2020-02-20 66.181.161.61

ter Jargalsaihan gegch hyatadiin hamgiin hyamd hogoor yum ugsarchaad Mongold uildverelsen gej hudlaa yarihaa bolix xeregtei. Yamar ch standard hangaagui hogoo shahah geed undesnii uildverlel gej hudlaa yarihaa bolix heregtei

Avatar

danzan 2020-02-20 64.119.20.191

30 жилийн баталгаатай батарей гэж юу байхав дэ МАЛАА! !

Avatar

Зочин 2020-02-20 202.126.89.199

Өнгө үзэмж сайн цонх нь цантахгүй дуу чимээ байхгүй тохь тухтай сайхан цахилгаан автобус бна лээ Жаргалсайханы монголд үйлдвэрлэсэн гэх шаардлага хангахгүй юм бна лээ

Avatar

Зочин 2020-02-20 192.82.74.204

Yum bolgoniig muulj eserguutsej baidag yadag orkuud ve. Delhii niiteer tsahilgaan mashin ruu shiljij baina. Une ch jil ireh tusam hyamdarsaar baina. Turshihgui shuud yavuulsan ch bolno. Mongolchuud avtobus hiine gej yu baih ve. Haana baina ter knowhow, turshlaga, engineeruud. Laboratory baitugai turshiltiin zam ch baihgui baij. Avtobus hiine gedeg usnii trreg hiihtei adilgui. Ayulgui baidal, edelgee geed zunduu yum bii

Avatar

1 2020-02-20 202.131.228.20

Ингээд ажлаа мэдэхгүй хурган дарга нар нь худлаа мэдээлэл тараагаад үнэн хэцүү шүү. Цахилгаан автобус түлш бараг хэрэглэхгүй ч анх авах үнэ нь бараг 3 дахин үнэтэй. Тиймээс эдийн засгийн хэмнэлт гарахгүй харин ч хөрөнгө оруулалтын зардал нэмэгдэж төсвийн дарамт ихэснэ. Билетийн үнэ бараг нэмэгдэж таарах байх. Гэхдээ цахилгаан автобус нэвтрүүлснээр хотын иргэд угаартаж үхчилгүйгээр гудамжаар тайван алхдаг болно. Эрүүл мэнд, байгаль орчны давуу талтай. Тэрийг нь таниулж нэвтрүүлэх хэрэгтэй.

Avatar

Зочин 2020-02-20 202.131.228.20

Ингээд ажлаа мэдэхгүй хурган дарга нар нь худлаа мэдээлэл тараагаад үнэн хэцүү шүү. Цахилгаан автобус түлш бараг хэрэглэхгүй ч анх авах үнэ нь бараг 3 дахин үнэтэй. Тиймээс эдийн засгийн хэмнэлт гарахгүй харин ч хөрөнгө оруулалтын зардал нэмэгдэж төсвийн дарамт ихэснэ. Билетийн үнэ бараг нэмэгдэж таарах байх. Гэхдээ цахилгаан автобус нэвтрүүлснээр хотын иргэд угаартаж үхчилгүйгээр гудамжаар тайван алхдаг болно. Эрүүл мэнд, байгаль орчны давуу талтай. Тэрийг нь таниулж нэвтрүүлэх хэрэгтэй.

Avatar

teneg mongol ni bainaa 2020-02-20 202.126.89.112

Ug ni shahaa, tsavchaa baidaggui uls shig ulsad bol ter german amerikiin tehnologiig ni toriin mongoor urt hugatsaanii zeeleer oruulj ireed dotoodiin biznesee demjdeg yumaldaa. Tavan tolgoin nogdol ashig 200 terbumiig salhind hiisgehiin orond iim iim yumand zartsuuldag bol mongol tun turgen hogjihson, nadaas uhaantai l humuus darga hiideg baihdaa bodvol. Esvel nadaas yaduu ni tsavchaa hiigeed suuj baina uu??

Avatar

Баагий 2020-02-20 66.181.161.41

Цаг хугацааны шалгуураа дааж чадвал энэ дажгүй автобус байнлээ шүү

Avatar

Хр 2020-02-20 203.91.115.56

МАШ МУУ ЮМ БНА ЛЭЭ 3 ЖИЛЭЭС ХЭТРЭХГҮЙ НААД ШАХААГАА БОЛЬ АМАРСАЙХАН БИЛҮҮ НОВШОО ЮУ Ч ХИЙХГҮЙ БАЙЖ МӨНГӨ ШАХААНЫ ЮМАНД ХАМГИЙН ТҮРҮҮН ш*** ЮМ ӨЛӨН НҮДТЭЙ н**ш ВЭ. ЗАЙСАН БУРГАСАА ГАЗРАА АВЬЯ

Avatar

Зочин 2020-02-20 202.21.107.115

Таалагдсан таалагдсан. Тун аятайхан дулаан цонх нь цантдаггүй унаа байна лээ.

Avatar

Зочин 2020-02-20 202.21.103.210

Москвад өнгөрсөн зун ийм автобус явуулах гээд эвдрээд зай нь суугаад болохгүй байсаар больсон

Avatar

БИ 2020-02-20 103.229.123.181

Автобусны зогсох нэрсийг цуваагаар томоор бичиж :ДОТОР талд нь харагдахуйц газар байрлуулмаар байх юм Жишээ нь УЛИАСТАЙ хайлаастын чиглэл шиг тэхээс тэр цахилгааны схем шиг юмыг чинь яаарч яваа улс гүйцэт ойлгох боломжгүй .

Avatar

БИ 2020-02-20 103.229.123.181

Би насаараа автобусаар явлаа.нэг үеэ бодвол овоо л болоод байгаа юм 6О 7О аад оны үед лав хойд чиглэл явдаг Баясган ахлагчтай жолоочид ямар сүрхий цаг баримдладаг байсан гэж Автобусны тохижилд цэвэрлээ нь харин ч гаагүй болсон шүү муутгахыг иргэд бид их нөлөөлөж байгаа нэг санал хэлэхэд чиглэлийнзогсох нэрсийг товч том үсгээр цуваа хэлбэрээр бичээд дотор талд нь харагдахуйц газар байралуулмаар байх юм жишээ авах хэрэгтэй бол : Улиастай: чиглэлийн автобусанд байгаа .Тэхээс тэр цахилгааны

Avatar

шудрага ёс 2020-02-20 43.242.243.46

их хэмнэлттэй гэнэ.билетны үнэ хямдарах уу.эсвэл их хэмнэлттэй гэдэг нь гадаадаас автобус авах мѳнгѳ угаах арга уу

Avatar

Zochin 2020-02-20 202.126.89.108

Ene muu hujaa avtobusaar haaya Mongol d solongos avtobusaar zugeer shuu

Avatar

Зочин 2020-02-20 202.126.88.231

Нэгдүгээр эгнээгэн бүрэн чѳлѳѳлѳѳд 100% цахилгаан автобус явуулвал хэн машин унаж гацахыг бодох вэ?

Avatar

Зочин 2020-02-20 202.126.88.231

Жаргасайхан Увс,Сонгинохайрхан хоерын нэгээс дѳвшинэ хазгай хэлтэй юм билээ

Avatar

Зочин 2020-02-20 202.131.244.6

Ховдын Булганых

Avatar

Зочин 2020-02-20 202.126.88.231

Тэр тролейбус Жаргалсайхан гэж нѳхѳр бүтэхгүй 5 дахин ѳндѳр үнтэй автобус шиг юм хийчихээд нэг их улс тѳрждѳг нѳхѳр билээ.Жихэнэ хийх гэсэн многол хүн андашгүйгүй дээ хийхээсээнорилох нь их юмнуждаас болгоомжлох ёстой.Одоо энэ нѳхѳр нѳгѳѳШинэ нам гэдэгт л харагдаад байна лээ.

Avatar

Зочин 2020-02-20 66.181.185.197

Цэвэрхэн эдлээрэй. Суудлын бүрээст нь хир шээс үмхий шингэчихээд л явдаг шүү.

Avatar

Дотоодын үйлдвэрлэл одоохондоо өндөр технологи шингээгүй болохоор хэцүү дээ 2020-02-20 202.131.239.166

Иргэдээ бодоод аль сайн, чанартай, эдэлгээ даахыг нь л авах хэрэгтэй дээ. Тэр Жаргалсайханы автобус ч энд угсарсан л болохоос гадаадын өндөр технологитой бүтээгдхүүн нь биш л байх даа. Бидэнд одоогоор тийм бүтээгдхүүн, технологио өгөхгүй лд ээ. БНХАУ-д бол үйлдвэрлэлд нь шингээд л явж байгаа. Сайн л эргэцүүлж шийдээ гаргаарай. Дараа нь буруутан хайгаад, хэдэн хүн хэрэг түвэгт орох вий дээ.

Avatar

Зочин 2020-02-20 66.181.179.138

Хулхи Жаргалсайханы автобус юу болсон бэ?

Avatar

Зочин 2020-02-20 202.21.96.212

Бүх автобус энэ автобус шиг дулаан тхилог цэвэр байгаасай

NewsMN Гар утасны хувилбар Татах
NEWS.mn

Мэдээллийн эх сурвалж