Японы Ерөнхий сайд Абэ Шинзо АНУ-ын Ерөнхийлөгч Дональд Трампад энэ зун болох Токио 2020 олимпийн наадам үзэхийг санал болгон, урьжээ.

Харин Дональд Трамп хариуд нь “Японы нийслэл Токио хотноо болох олимпийн наадмыг үзэж сонирхох урилгыг хүлээн авах эсэхээ тунгаан бодож байна. Боломж гарвал олимпийн наадмыг үзэх болно" хэмээн өчигдөр /2020.02.18/ мэдэгджээ.

Тэрбээр өнгөрсөн онд Япон улсад хоёр удаа айлчилсан юм. Эхнийх нь өнгөрсөн оны тавдугаар сард эзэн хаан Нарүхитог хаан ширээнд заларсны дараа гэргийн хамтаар айлчилсан бол хоёр дахь нь мөн оны зургадугаар сард Осака хотноо болсон “Их 20”-ийн уулзалтад оролцжээ.

Эх сурвалж: Japantimes