Шинэ коронавирус буюу covid-19-ийн халдвартай холбоотойгоор “МИАТ” ТӨХК нь Японы Токио болон Тайландын Вант улсын Бангкок чиглэлийн нислэгээ гуравдугаар сарын 28-ныг хүртэл цуцалж буйгаа өнөөдөр /2020.2.19/ мэдэгдлээ.

Ингэснээр Улаанбаатар-Бангкок-Улаанбаатар чиглэлийн хоёрдугаар сарын 22, 29-нд үйлдэгдэх нислэгүүд цуцлагдаж байгаа юм. Мөн Улаанбаатар–Токио-Улаанбаатар чиглэлийн хоёрдугаар сарын 23, гуравдугаар сарын 1, 8, 15, 22-ны өдрүүдийн нислэг ч цуцлагдаж байна.

Засгийн газраас гаргасан шийдвэрийн дагуу өмнө нь өмнөд хөршийг чиглэсэн нислэг эхэлж цуцлагдсан юм.