Өмнөд Солонгос: Нэг сүмд явдаг 10 хүн халдвар авчээ | News.MN

Өмнөд Солонгос: Нэг сүмд явдаг 10 хүн халдвар авчээ

Хуучирсан мэдээ: 2020.02.19-нд нийтлэгдсэн

Өмнөд Солонгос: Нэг сүмд явдаг 10 хүн халдвар авчээ

Өмнөд Солонгос: Нэг сүмд явдаг 10 хүн халдвар авчээ

Шинэ төрлийн коронавирусийн халдвар авсан хүний тоо дэлхий даяар 24 цагийн дотор 1751-ээр нэмэгдэж 75,199 болж, нас барагсдын тоо 136-аар нэмэгдэж 2,009 болсон байна. Харин эдгэсэн хүний тоо 14,517 болж нэмэгджээ. Өмнөх өдөр нь 1,807 шинэ халдвар бүртгэгдэж, 93 өвчтөн нас барсан юм.

Хятадын эх газраас бусад улс орнуудад халдвар авсан хүний тоо өнөөдрийн /2020.02.19/ байдлаар 920 байгаа ба Өмнөд Солонгост нэг шөнийн дотор халдвар авсан хүний тоо 15-аар нэмэгдэж, тус улсад нийт халдвар авсан хүний тоо 46 болжээ.

БНСУ-ын Өвчнийг хянах, урьдчилан сэргийлэх төвийн (KCDC) мэдээлснээр 10 тохиолдол нь Сөүлээс зүүн өмнө зүгт 300 км-ийн зайд байдаг Дэгү хотод бүртгэгдсэн байна. Эдгээр хүмүүс нь мягмар гаригт /2020.02.18/ халдвартай гэж тогтоогдсон 61 настай эмэгтэйтэй харьцсан  буюу хамт сүмийн цуглаанд явж байсан хүмүүс гэнэ.

Тус улсад халдварын сэжигтэй тохиолдол хэмээн бүртгэгдэж тусгаарлагдсан хүний тоо 1,030 байгаа ба нэгдүгээр сарын 3-наас хойш 10,411 хүнийг шинжилгээнд хамруулсан байна.

Мөн Японы Ёкохама хотын боомт дээр хөл хорионд байгаа “Diamond Princess” аяллын хөлөг дээр тогтоосон 14 хоногийн хөл хорионы дэглэм өнөөдөр дуусч байгаа ба одоо хөлөг дээр байгаа 3,000 орчим хүнийг хамгийн багадаа гурван өдрийн хугацаанд хөлгөөс буулгахаар төлөвлөсөн байна.

Эхний ээлжинд Covid-19 вирусийн шинжилгээний хариу нь сөрөг гарсан 500 өндөр настныг түрүүлж хөлгөөс буулгах аж. Одоогийн байдлаар тус хөлгөөс 542 хүн шинэ коронавирусийн халдвартай нь тогтоогдоод байгаа билээ. Үүнтэй нийлээд Японд нийт 610 коронавирусийн халдвар бүртгэгдээд байна.

Эх сурвалж: BBC, SCMP

Энэ мэдээнд өгөх таны сэтгэгдэл?
8
ХарамсалтайХарамсалтай
2
ГайхмаарГайхмаар
2
БурууБуруу
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
Баярлалаа!

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-19 66.181.161.23

Манай ГАНДАН-д ном хуна л гээд байх юм. Хаах хэрэгтэй.

Avatar

Б 2020-02-19 139.5.216.12

TV9 2 сарын 18 ны гадаад Мэдээгээр ГАНТУЛГА гуай Монголын засгийн газар өвчнийг нуун дарагдуулж байна. Японоос ирсэн оношлуур хуурамч Монгол эмч нар өвчнийг оношлож чадахгүй учир Монголд чөтгөр шулмын мэдэх аюултай байдал үүслээ гэж мэдээллээ. Олон нийтийн TV шүү дээ хэнд итгэх вэ.

Avatar

KKK 2020-02-19 202.179.31.83

Jesus Chris maani tegeed ovchin haldaagaad ha ha ha. Huuchin Gereegee unshaad gertee suu FUCK

Avatar

Зочин 2020-02-19 64.119.27.103

Ертөнцийн ЭЗЭН Аврагч Есүс Христийн эсрэг том дуугарсан Хятадын коммунист нам болон удирдагч нь шүүлт шийтгэлээ хүртэж тун удахгүй түүхээс арчигдана. ЭЗЭН бас маш Ариун шударга бөгөөд Өөрийн Чуулганыг ч цэвэр ариун итгэл сүсэгтэй, зөв шударга явдал суудалтай байж чадсан эсэхийг ч нягтлан шалгана. Бас нөгөөтээгүүр Христчин гэхлээр л элдэв зовлонд өртөхгүй, дардан замаар амьдрана гэж Есүс амлаагүй. Харин зовлон бэрхшээл дундаа ч ЭЗЭН Бурхандаа үнэнч итгэлтэй, ариун сүсэгтэй алхах тухай заадаг.

Avatar

Зочин 2020-02-19 103.229.122.226

Ийм хачин юм бичүүлээд байхаа болиоч ээ

Avatar

Баттөмөр 2020-02-19 202.126.88.230

Бүх шашны нийтийг хамарсан хурал цуглааны ажиллагааг зогсоогооч. Орон гэртээ уншлага. залбиралаа хийх хэрэгтэй. Халдвар тарах бүх эрсдэлээс иргэдээ хамгаалья. Амны маска, хамгаалах хэрэгслэлийн үйлдвэрлэлийг нэмэгдүүлье. Маска чинь хандиваар ирсэнийг нь дээгүүрээ юм уу зорилтот гээд хуваагаад авчихдаг бололтой. Ажил хийж байгаа жирийн иргэдэд олдохгүй. Эмийн санд ч олдохгүй. Олдоц, хүрэлцээг нь нэмэгдүүлж эмийн сангуудаар худалдаалмаар байна.

NewsMN Гар утасны хувилбар Татах
NEWS.mn

Мэдээллийн эх сурвалж