&#34Хөсөгтөн&#34 хамтлагийн Алтайн магтаал | News.MN

&#34Хөсөгтөн&#34 хамтлагийн Алтайн магтаал

Хуучирсан мэдээ: 2015.11.01-нд нийтлэгдсэн

&#34Хөсөгтөн&#34 хамтлагийн Алтайн магтаал

Ням гаригийн амралтын энэ өдөр "Хөсөгтөн" хамтлаг Алтайн магтаалыг хүргэж байна.

Увай хээ…

Суурал сулбар сундарийгий голтой гэвэл лоо

Таван /ээ/ хумст, тал /уу/ тав /уу/ сээрүү дээр ээ

Чингэл хайрхан чийр болортож л байдаг

Арван /ээ/ гурван Алтай

Гучин гурван оргилтой юу

Далан долоон үеүтэй юү

Суунаг улаан ам /уу/ тай гэвэл

Ийм л /ээ/ учир түүх нь бүрдэгсэн

Ачит хан буурал нутаг

Арван гурван Алтай нутаг минь миний билээ дээ.

Өглөө жингээр униартаж л байдаг

Өдөр дундаа суунаглаж л байдаг гэвэл ло

Үеийн үед өн тарган байдаг

Өргөн өндөр хүдэр баяхан буурал

Алтай хангай хоёр минь билээ дээ…

Ийм л эзэн баяхан буурал

Алтай хангай хоёр

Дүүрэн дүнхийн цэнхэртээд л

Дүрхэрч мануурч униартаж л байдаг гэвэл ло

Настан /ээ/ залуу ялгалгүй

Найрнээ наадамдаа ташуураад

Өнчин хүний өрийг өвтгөж

Өвгөн хүний нойрыг хулжааж

Өдөр шөнөгүй өглөө орой

Дөрвөн цагийн цэнгэл болон шуугилдав дов дов гэв гэв гэнээ лоо

Арвин /ээ/ уужим их тал дурайж л байдаг

Аршаан булгийн ус нь булгилж байдаг гэвэл ло

 

Ангирын галуу шувуу ганганалдаж л байдаг

Арц л сайхан мод нь сагсайлдаж байдаг

Арын харгай мод нь хүрийж л байдаг гэвэл /ээ/

Агь /аа/ гийн шарилж өвс нь шарлаж цэнхэртэж байдаг

Арвин /ээ/ уужим баяхан буурал

Алтай Хангай хоёр минь билээ.

Шилийн цасан хайлан шимээ тэтгэн урсаж л байдаг

Шингэн дуутай хөхөө шувуу шилээ даган донгодож л байдаг

Шимтэйхэн тэжээлтэйхэн баяхан буурал

Алтай Хангай хоёр минь билээ.

Арав /нээ/ гурван Алтай уулын орой дээр нь

Аргал янгир дүүхэлдэж л байдаг гэвэл лоо

Өвөр талын ууланд

Үнэг хярс нь хөөцөлдөж л байдаг

Болжимын сайхан тохойнуудад нь

Булган суусар солбилдож явдаг

Үнэхээрийн сонин сайхан гоёхон буурал

Алтай Хангай хоёр минь билээ.

Суунайн өндөр нуруу дүнхийж л байдаг

Шөрөвгөр улаан ямаа шилээ дамжин

Шөргөөлдөж л явдаг гэвэл ээ

Хаадайн өндөр Тоомойн Торзол нуруу дүнхийж л байдаг

Халиун харлаг тэх нь

Хадаа дамжин харгилдаж л явдаг гэвэл ээ

Хайрын тэжээлтэйхэн үнэхээр сонихон баяхан буурал

Алтай хангай хоёр минь билээ.

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-01 182.160.36.139

Ene husugtun hamtlagaas uur zunduul hamtlaguud baigaa shuu dee busad ni yagaad daragdaad baina ene hamtlag chin undesnii duu bujgiin chuulgiin hugjimched biz dee busad hamtlaguuddaa bolomj olgooch henii eveeld bagtaad baigaag ard tumen medej baigaa shuu!!!! Urid umnu n! Haildag l baisan magtaal shuu dee!

Зочин 2015-11-01 172.101.82.153

hamtlag bish gantshan hun l bn dag.

Ариун 2015-11-01 202.70.37.222

баярлалаав Ямар гоё юм бэ? Амжилт

NewsMN Гар утасны хувилбар Татах
NEWS.mn

Мэдээллийн эх сурвалж