Ц.Цолмон сайд АНУ-ын элчин сайдыг хүлээн авч уулзлаа | News.MN - Мэдээллийн эх сурвалж

Ц.Цолмон сайд АНУ-ын элчин сайдыг хүлээн авч уулзлаа

Хуучирсан мэдээ: 2015.10.30-нд нийтлэгдсэн

Ц.Цолмон сайд АНУ-ын элчин сайдыг хүлээн авч уулзлаа

Батлан хамгаалахын сайд Ц.Цолмон өнөөдөр Америкийн Нэгдсэн Улсаас Монгол Улсад суугаа Онц бөгөөд Бүрэн Эрхт Элчин Сайд Женифер Зимдал Галтыг Батлан хамгаалах яаманд хүлээн авч уулзлаа. Уулзалтаар сайд Ц.Цолмон батлан хамгаалах салбарт өргөн хүрээний хамтын ажиллагаатай АНУ-ын Элчин сайдтай уулзаж байгаадаа сэтгэл хангалуун байгаагаа илэрхийлэн, цаашдын харилцаа, хамтын ажиллагааны төлөв, чиглэлүүдэээр хэлэлцэн, харилцан ярилцаж, санал солилцов.Хоёр орны батлан хамгаалах салбарын харилцааны хөгжлийн 25 жилийн хугацаанд салбарын харилцаа, хамтын ажиллагаа өндөр төвшинд гарсныг талууд уулзалтын эхэнд цохон тэмдэглэж байв.

Газар зүйн болон стратегийн байршил нь Монгол Улсыг хоёр хөрштэйгээ эн тэнцүү харилцахыг шаардахаас гадна АНУ болон бусад гуравдагч хөршүүдтэй харилцааг хөгжүүлэх шаардлагыг бий болгож байгааг сайд Ц.Цолмон онцлоод АНУ-ын зүгээс үзүүлж буй харилцаа, дэмжлэг, тусламж нь Монгол Улсын хувьд бүс нутгийн харилцаанд өргөн хүрээнд оролцох, бусад улс орнуудтай хамтран ажиллах боломж олгож байгааг тэмдэглэн хэлсэн. 

Батлан хамгаалах хамтын ажиллагааны чиглэлээр хоёр тал олон арга хэмжээг зохион байгуулж байгаагийн зэрэгцээ Афганистан Улсад явагдаж буй НАТО-гийн "Шийдвэртэй дэмжлэг" ажиллагаанд АНУ-ын цэргийн бүрэлдэхүүнтэй хамтран үүрэг гүйцэтгэж байгаа нь хоёр орны цэргийн харилцааны өндөр төвшинг илтгэн харуулж байна гэж Сайд Ц.Цолмон онцлон тэмдэглэсэн.

Энхийг дэмжих ажиллагааны чадавхыг нэмэгдүүлэх, харилцан айлчлал, солилцоог өргөжүүлэх, энхийг дэмжих ажиллагаанд ашиглах техник хэрэгслийн тусламж, худалдан авалтын талаар цаашид хамтын ажиллагааг өргөжүүлэх тухай Элчин сайдын саналыг Сайд Ц.Цолмон дэмжиж байгаагаа илэрхийлсэн.   

Элчин сайд Галт Монгол Улс төвийг сахих бодлоготой орон болох гэж байгаа талаар сайд Ц.Цолмонгийн байр суурь, санал бодлыг нь сонирхож, харилцан санал солилцов.

Монгол Улсаас хэрэгжүүлэх гэж буй төвийг сахих бодлогын талаар АНУ анхааралтай харж, судалж байгаа талаар элчин сайд Женифер Галт тэмдэглээд төвийг сахих бодлого нь Монгол Улсын гадаад бодлогод эерэг нөлөө авчирна гэдэгт итгэлтэй байгаагаа илэрхийлсэн юм.  Уулзалтад БХЯ-ны Гадаад хамтын ажиллагааны газрын даргын үүрэг гүйцэтгэгч, бригадын генерал Ч.Сосорбарам, Стратегийн бодлого, төлөвлөлтийн газрын дарга, хурандаа Г.Сайханбаяр нар оролцлоо.

Өдгөө хоёр орны батлан хамгаалах хамтын ажиллагаа бүх төвшний харилцан айлчлал, зөвлөлдөх уулзалт хийх, цэргийн боловсон хүчний сургалт, энхийг дэмжих ажиллагааны чиглэлээр хамтран ажиллах, хамтарсан хээрийн дадлага зохион байгуулах зэрэг хэлбэрүүдээр улам өргөжиж байгаа юм.

ЭХ СУРВАЛЖ: WWW.MMINFO.MN

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

ИРГЭН 2015-10-30 150.129.142.183

Энэ ЛAЛAРЫН тухай дараах линкээс уншаад гутарч билээ, уншаарай: https://www.facebook.com/Dorgiomn/photos/a.390156481076138.90730.385299708228482/905572949534486/

ИРГЭН 2015-10-30 150.129.142.183

Энэ ***** тухай дараах линкээс уншаад гутарч билээ, уншаарай: https://www.facebook.com/Dorgiomn/photos/a.390156481076138.90730.385299708228482/905572949534486/

Зочин 2015-10-30 202.9.43.53

БХЯ ны үe үe ийн сайдаас Дорлигжав сайд сайн ажиллсан

Зочин 2015-10-30 202.9.43.53

Баахан нам дамжсан хөгийн амьтан батлан хамгаалахын сайд байхдаа яахав дээ Дорлигжав сайд байхдаа их юм хийсэн үлдэцтэй зангарагтай ажилладаг мунлаг бсан энэ цолмон болио дэндлээ

Зочин 2015-10-30 150.129.140.54

Hend ch hereggui orosyn bolovsrol

Зочин 2015-10-30 202.179.20.113

сайд хийгээд л байгаам даа

88671597 2015-10-30 112.72.12.215

ОХУ, ЗХУ болон СНГ-д 5 жил суралцаж төгссөн хүмүүс оху-ын магистрийн гэрчилгээ нөхөн олгож байна. Международная комиссия по признанию и эквивалентности учебных курсов, документов об образовании оформляет и выдаёт выпускникам высших учебных заведений бывшего СССР incorvuz@mail.ru Утас:88671597