ОБЕГ: Шаардлагатай бол орон нутгийн замыг хаана | News.MN

ОБЕГ: Шаардлагатай бол орон нутгийн замыг хаана

ОБЕГ: Шаардлагатай бол орон нутгийн замыг хаана

ОБЕГ: Шаардлагатай бол орон нутгийн замыг хаана

Шинэ төрлийн коронавирусийн цаг үеийн асуудлаар Эрүүл мэндийн яам өнөөдөр /2020.02.17/ мэдээлэл хийлээ.


2020 оны хоёрдугаар сарын 17-ны 10.00 цагийн байдлаар шинэ төрлийн коронавирусийн халдварын тохиолдлын тоо 71 мянга 269, эдгэрсэн 10 мянга 773, нас баралт 1773 байна. Өнөөдрийн байдлаар Монгол Улсад халдварын тохиолдол бүртгэгдээгүй байна.

ДЭМБ-ын мэргэжилтэн О.Ариунтуяа “Хоёрдугаар сарын 13-наас эхлэн эмнэлзүйн шинж тэмдгээр батлагдсан тохиолдлыг давхар бүртгэж эхэлсэн. Ингэснээр өвчтөнүүд лабораторийн шинжилгээний хариуг хүлээлгүйгээр томограф ба эмнэлзүйн шинж тэмдгээсээ хамааран эмчилгээг түргэн эхлүүлэх боломжтой болоод байна. Агаар дуслын зам нь эмнэлгийн ажилтнууд болон өвчтөний ар гэрийнхэнд шинэ коронавирус халдварлах гол зам хэвээр байгаа. Найман судлаачийн хийсэн судалгаагаар Covid-19-ийн нууц үе нь 1-12.5 хоног буюу дунджаар 5-6 өдөр гэж тогтоогдсон” гэлээ.

ЭМЯ-ны Олон нийттэй харилцах, тандалт шуурхай удирдлагын газрын дарга Д.Нарангэрэл “ЭМЯ-наас нэгдүгээр сарын 6-наас эхлэн маш олон зөвлөмжийг хүргэсэн.

Гэтэл өнөөдрийн байдлаар Замын-Үүдэд тусгаарлагдсан иргэд дээрх зөвлөмж зөвлөмжийг мөрдөөгүй, хүнсний захуудаар явах, далайн гаралтай бүтээгдэхүүн хэрэглэх, түүхий загас авч хэрэглэх зэрэг халдвар судлалын өндөр эрсдэл үүсгэж байгааг анхаармаар байна.

Хоёрдугаарт, цагаан сарыг тэмдэглэхтэй холбоотойгоор хүнсний захуудаар явах, бага насны хүүхдийг дагуулж явахгүй байхыг анхааруулж байна. Халдвараас сэргийлэхэд иргэдийн оролцоо маш чухал” гэлээ.

ОБЕГ-ын дарга Т.Бадрал “Эхний ээлжид 21 аймаг, нийслэл, албан байгууллагуудад шуурхай штаб байгуулагдсан. Бүх аймаг орон нутгийн засаг захиргаа тусгай горимд шилжин ажиллаж байна.

Орон нутагт цагаан сарын мэндчилгээ, сурталчилгааг бүрэн зогсоосон. Улсын хэмжээнд нийтдээ 321 шашны байгууллагад, олон нийтийг хамарсан цуглаан зохион байгуулахгүй байх шаардлагыг албан ёсоор хүргүүлсэн. Малчин иргэд цагаан сараа тэмдэглэнэ гэж ярьж байна. Тиймээс аймаг, орон нутгийн комисс хяналтаа чангаруулж байна.

Замын-Үүдэд тусгаарлагдсан байгаа 104  иргэнийг авчирсан. Уржигдар гурван зочид буудалд байршуулсан. Нэг хүн эмнэлгийн хяналтад байгаа. Бүгдийг нь бүртгэж авсан. Тусгаарлах үйл ажиллагаа үргэлжилж байна. Засгийн газрын тогтоолын дагуу хоёрдугаар сарын 15-наас хойш орж ирэх хүсэлтээ тавьсан хүмүүс зардлаа өөрсдөө хариуцна. Харамсалтай нь орж ирж байгаа хүмүүс төлбөрийн чадваргүй, зарим тусгаарласан хүмүүс 14 хоногийн дараа очих газаргүй гэсэн байдалтай байна. Одоо бид өндөржүүлсэн бэлэн байдалд ажиллаж байна. Яг шаардлагатай бол орон нутгийн замыг хаана. Ер нь баярын өдрүүдээр хаахаас өөр аргагүй байдалд хүрэх байх. Гэхдээ шийдвэр гараагүй байгаа. Аймгийн түвшинд шийдвэрүүд гарсан" гэв.

Нийслэлийн эрүүл мэндийн газрын дарга Л.Төмөрбаатар “Covid-19 халдвараас урьдчилан сэргийлэх, бэлэн байдлыг хангах чиглэлээр харьяа дүүргийн эрүүл мэндийн төвүүд хувийн хамгаалах хэрэгсэл, ариутгал, халдваргүйжүүлэх бодисыг нөөцлөх, ард иргэдэд зөвлөгөө, мэдээлэл хүргэх, нийтийн тээврийн хэрэгслүүдэд мөн шинэ коронавирусийн халдвараас урьдчилан сэргийлэх зөвлөгөөг байрлуулж, ариутгал хийж байна.

Болзошгүй эрсдэлийн үед БЗД, ЧД, ХУД, СХД, Төв салбаруудад Covid-19 халдварын үед сэжигтэй тохиолдолд үйлчлэх тус бүр хоёр түргэн тусламжийн автомашиныг шаардлагатай зүйлсээр тоноглон бэлэн байдалд байлгаж байгаа.

Халдвар гарсан тохиолдолд хамгийн эрсдэлтэй байгууллага нь бүх шатны эрүүл мэндийн байгууллага учир өрх, сумын эрүүл мэндийн төвүүдэд нийт үйлчилгээний 60-аас доошгүй хувийг гэрийн эргэлтээр зохион байгуулах чиглэлийг үүрэг болгож байна. Мөн иргэдэд аль болох утсаар зөвлөгөөг авах, олон нийтийн газар, эмнэлгээр аль болох явахгүй байхыг зөвлөе.

Нийслэлийн Засаг даргын захирамжийн дагуу Улаанбаатар руу нэвтрэх найман пост дээр хяналтын баг ажиллаж байгаа. Үүний зорилго нь иргэдэд мэдээлэл, шаардлагатай зөвлөмж хүргэх бөгөөд сэжигтэй тохиолдлыг илрүүлэх юм.

Хоёрдугаар сарын 7-16-нд нийслэл рүү 39 мянга 170 тээврийн хэрэгслээр 119 мянга 665 зорчигч хяналтад хамрагдсан. Зам, тээврийн хөгжлийн яамнаас өгсөн мэдээллээр энэ хугацаанд 115 галт тэргээр 32 мянга 532 зорчигч, 178 онгоцоор 15 мянга 243 зорчигч Улаанбаатар хотод нэвтэрсэн. Сэжигтэй тохиолдлуудыг цаг тухайд нь тусгаарлан, шинжилгээнд хамруулсан. Одоогоор ноцтой тохиолдол илрээгүй бөгөөд шинэ коронавирусийн халдвар Монгол Улсад бүртгэгдээгүй”.

ХӨСҮТ-ийн ерөнхий захирал  Д.Нямхүү “Хоёрдугаар сарын 15-нд тусгаарлагдсан дөрвөн тохиолдлын хариу сөрөг гарсан. Мөн тус өдөр ХӨСҮТ-д нэг хүн тусгаарлагдсан, үзлэг хийгдэж байна. Иргэдэд сануулахад анхаарлаа сулруулж болохгүй. Өөрийгөө хамгаална гэдэг гэр бүлээ хамгаална гэсэн үг” гэлээ.

Энэ мэдээнд өгөх таны сэтгэгдэл?
5
ЗөвЗөв
3
ТэнэглэлТэнэглэл
2
ХахаХаха
1
ГайхмаарГайхмаар
1
БурууБуруу
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-17 146.115.163.21

Heden biyeneeree ail hesej arhidahgui bol bur uhlee yu.

Avatar

Зочин 2020-02-17 192.82.74.204

Hariutslagagui medegdel hiideg dargantsaruudaa hyanaj chadahguinuu. Garaagui shiidveriig alban yosbii hevkeliin baga hural deer yarina gedeg yu gesen ug ve. Uunees bolj yamar ersdel hundrel garch bolohiig medehuu

Avatar

яах гээд 2020-02-17 202.21.107.80

зам хаана хаахгүй хичээл орно орохгүй гээ эртхэн бөөрөнхий л гүй түс тас зарлана уу

Avatar

bold 2020-02-17 202.131.243.190

HODOONOOS HUUHDUUDEE AVCHIRMAAR BNA YAHUU HICHEEL NI OROH GEED BDG ERDENETEES BULGAN DARIAAD HOVSGOl IKH UUL SUM OROH YOSTOI AJIL CHOLOO OGOHGUI BOL YAHUU TSAGAAN SARAAR L YAVJ TAARAH GEED BDG

Avatar

Иргэн 2020-02-17 122.201.22.158

"Харамсалтай нь орж ирж байгаа хүмүүс төлбөрийн чадваргүй, зарим тусгаарласан хүмүүс 14 хоногийн дараа очих газаргүй гэсэн байдалтай байна" гэсэн нь юу гэсэн үг вэ ???. Эдгээр хүмүүс монгол биш байх, Гадны хүмүүс бол яах гэж оруулж байгаа юм бэ ?????????

Avatar

Иргэн 2020-02-17 202.126.89.42

МАНгарууд сүржигнэхээ болиочээ.Мэргэжлийн бус сайд дарга нар мөн ч их шоудах юмаа

Avatar

zochin 2020-02-17 43.242.243.61

AJIL KHARYUTSSAN BAYGUULLAGUUD MASH SAYN AJILLAJ BAYNA DAA , TSAGAAN SARYN KHESELT KHIIDEG BUKH ZAMYG KHAAKH KHEREGTEY ,,ESERGUUTSEN UL TOOSON ORKUUDAD SHUUD EKH OROND AYUL UCHRUULSAN GEED ERUU UUSGEED KHOID SOLONGOS SHIG BUUDCHIKH KHEREGTEY

Avatar

Зочин 2020-02-17 202.9.46.128

Зөв бүх аймагруу машин орохгүй байх нь зөв. Аймаг тус бүр ззамаа хааж олон нийтэд зарлах хэрэгтэй. Сар шинээр хотоос гараад машинтайгаа тэнээд эхлэнэ харж л байгаарай. Монголчууд хэнэггүй шүү.

Avatar

Зочин 2020-02-17 122.201.19.99

Zuv uu zamiig haah heregtei

Avatar

зочин 2020-02-17 66.181.168.81

сөрөг хүчнийхэн сайн ажиллаж байна улам их амжилт хүсэе

Avatar

Иргэн 2020-02-17 202.179.4.242

Худлаа том том юм яриад байх гэж жижүүрт гарч байгаа сувилагч нараа маскаар хангаж чадахгүй, гуйлгаж байж л 1ш маск өгс байна лээ ш тэ

Avatar

Зочин 2020-02-17 202.126.89.195

1.орон нутгийн хөдөлгөөнийг урьдчилан хэд хоногийн хугацаа заагаад тодорхой хугацаагаар хаах хэрэгтэй.
2. Эх орондоо ирчихээд буудалд тухлаж байх санаатай этгээдүүдийг хөөж гарга. Яасан цайчихсан хулгайчууд вэ??ёстой дургүй хүргэчихлаа

Avatar

Иргэн 2020-02-17 203.217.139.225

Хаасан нь дээрээ. Хөдөөнийхэн нэг баяр тэмдэглээд эхлэчихвэл 1 аягаар айраг, шимийн юмаа тойруулан ууж шүлсээ тараан баахан заваарч халдварт өвчин тараана шүү.

Avatar

зочин 2020-02-17 202.179.25.47

Баярын үеэр бишээ аль дээр хаах байсан юм. Имартад маск зүүгээгүй х***а нар яваад л байна шт. Тэр МУ-д орж ирээд хяналтанд байж байгаа тэгээд гарах болсон чинь "очих газаргүй" гэж ямар хүн бэ? Хятадуудыг 10 саяраар оруулаад байгаа тэр хэсгээс ийм хүмүүс гарч байна уу?

Avatar

Зочин 2020-02-17 202.179.24.31

Хот руу орж ирэх гарах замуудаа Баярыг үеэр хааж хориглож чангатгасан нь дээрээ, Дэмжиж байна, Эрүүл байхаа бодьё,

Avatar

Зочин 2020-02-17 202.126.89.9

Ийм хариуцлагатай мэдээллийг чанартай болго. Тооны анхны мэдэгдэхүүнтэй, ялихгүй жаахан боловсролтой хүн олоод наад мэдээллээ бичүүлнэ үү?

Avatar

Зочин 2020-02-17 202.126.89.111

Сайн ажллаж бнаа,одоо наад хятадаас ирж бгаа хүмүүст л гол аюул бндаа

Avatar

Зочин 2020-02-17 202.179.26.193

Нөгөө 14-24 хоног гээд байсан маань 6 хоног болов уу? Тэр орж ирсэн хүмүүс төлбөрийн чөдваргүй, очих газаргүй гэж юу яриад байгаа юм. Ар гэрээс нь төлбөрийг нь ав. Очих газаргүй хүмүүсийг нь Загдаад хүлээлгэж өг.

Avatar

Зочин 2020-02-17 192.82.71.219

Болж байна. Сайн байна шүү. Мэдээллийг цаг тухайд сайн хийхгүй бол Оркууд их ой санамж багатай гэдгийг мартаж болохгүй.

Avatar

Зочин 2020-02-17 66.181.185.144

тоо мэддэггүй сэтгүүлч байна. 71269 гэдэг тоо байдын

NewsMN Гар утасны хувилбар Татах
NEWS.mn

Мэдээллийн эх сурвалж