“УДЭТ, УДБЭТ, Төв номын санг шинээр хамгаалалтад авах уу? | News.MN

“УДЭТ, УДБЭТ, Төв номын санг шинээр хамгаалалтад авах уу?

“УДЭТ, УДБЭТ, Төв номын санг шинээр хамгаалалтад авах уу?

“УДЭТ, УДБЭТ, Төв номын санг шинээр хамгаалалтад авах уу?

Өнгөрөгч 2019 онд Байгалийн түүхийн музейн барилгыг нураасны дараагаар Улсын драмын эрдмийн театр, Дуурь бүжгийн эрдмийн театр, Төв номын сангийн барилгыг шинэчлэх, буулгах асуудал олны анхааралд өртөөд буй.

Харин салбарын сайд Ё.Баатарбилэг “Драм, Дуурийн театр, Төв номын сангийн барилгыг энэ жил буулгахгүй, харин засварлана гэдгээ мэдэгдсэн юм. Тиймээс эдгээр түүхэн барилгыг хэрхэн засварлахаар болсон талаар энэ удаагийн сурвалжлагаа бэлтгэхийг зорилоо.


 “ТЕАТРУУД ЗАСВАР ХИЙХ САНАЛАА НЭГТГЭЖ ГАРГААГҮЙ”

Энэ ондоо багтан Улсын драмын эрдмийн театр, Улсын дуурь, бүжгийн эрдмийн театр, Үндэсний номын сангийн барилгыг засварлахаар улсын төсвийн хөрөнгө оруулалтаар тус бүр хоёр тэрбум төгрөгийг төсөвлөсөн. Эдгээр түүхэн барилгын нүүрэн хэсгийг үлдээж, дахин шинээр барих талаар яригдаж байсан тухай салбар яамны мэргэжилтэн хэлж байв.

Түүхэн гурван барилгыг засварлах ажлын талаар тус яамны Хэвлэл мэдээлэл, олон нийттэй харилцах албаны мэргэжилтнээс тодруулахад “Одоогоос нэг сар орчмын өмнө салбарын сайд Ё.Баатарбилэг эдгээр гурван барилгын нөхцөл байдалтай газар дээр нь очиж танилцсан. Засвар шинэчлэлтэй холбоотойгоор театрын удирдлагуудад ямар засвар үйлчилгээ хийх шаардлагатай саналуудаа ойрын хугацаанд нэгтгэж, мэргэжлийн байгууллагаар зураг төслөө гаргуулах зэрэг тодорхой үүрэг чиглэлийг өгсөн” гэдгийг хэлсэн юм. Энэ асуудлыг хариуцсан яамны мэргэжилтэн орон нутагт томилолтоор явсан гэв.

Театрын барилгуудад засвар хэрхэн хийх талаар театрын удирдлага болон уран бүтээлчдийн төлөөлөлтэй уулзах гэсэн боловч Улсын дуурь, бүжгийн эрдмийн театрын уран бүтээлчид ирэх гуравдугаар сарын 2-ныг хүртэл амарсан байлаа. Харин Улсын драмын эрдмийн театрын зүгээс “Театрын удирдлагаас засвар шинэчлэлтэй холбоотойгоор саналаа нэгтгэж гаргаагүй байна” гэдэг хариултыг өгсөн юм.

ШИНЭЭР ХАМГААЛАЛТАД АВАХ САНАЛТАЙ БАРИЛГЫН ТООНД ОРУУЛЖЭЭ

Нийслэлийн Соёл урлагийн газар, Соёлын өвийн төвтэй хамтран нийслэл хотын түүх, соёлын үл хөдлөх дурсгалын зүйлийн хадгалалт, хамгаалалтын байдалтай танилцах ажлын хэсгийг хоёрдугаар сарын 3-нд баталжээ.

Уг ажлын хэсгийн хуваарьт дээрх гурван түүхэн барилгаас гадна, Улаанбаатар хотын нутаг дэвсгэр дэх түүх, соёлын үл хөдлөх дурсгалын жагсаалтад орсон болон шинээр хамгаалалтад авах саналтай барилга байгууламжуудын жагсаалтад орсон нийт 38 объект хамрагдах гэнэ.

Энэ талаар нийслэлийн Соёл урлагийн газрын Соёлын хэлтсийн мэргэжилтэн Ш.Гомбосүрэн мэдээлэл өгөхдөө “Нийслэлийн Соёл урлагийн газрын даргын тушаал хоёрдугаар сарын 3-нд гарч, ажлын хэсэг байгуулсан. Энэ ажлын хэсэгт Соёл урлагийн газар, Соёлын өвийн төв, нийслэлийн Хот төлөвлөлт, хөгжлийн газар, нийслэлийн Аялал жуулчлалын газар, дүүргүүдийн нийгмийн хөгжлийн хэлтэс, Улаанбаатар хотын музейн мэргэжилтнүүд хамтран ажиллаж байна. Нийслэл хотын түүх, соёлын үл хөдлөх дурсгалын зүйлийн хадгалалт, хамгаалалтын байдалтай танилцах ажлын хэсэг хоёрдугаар сарын 5-наас эхлэн барилга байгууламжийн ашиглалт Соёлын өвийг хамгаалах тухай хуульд нийцэж буй эсэх, хадгалалт хамгаалалтын өнөөгийн байдал, сэргээн засварлах шаардлагатай эсэх, орчны нөлөөлөл, өмчлөл, эзэмшлийн маргаантай асуудал байгаа эсэх гэх мэт асуудлыг тодорхойлж, дүгнэлт гаргана” гэдгийг хэлж байв.

Улсын драмын эрдмийн театр, Улсын дуурь, бүжгийн эрдмийн театр, Үндэсний номын сангийн барилгыг уг жагсаалтад түүх, соёлын үл хөдлөх дурсгалын 2015 оны Улсын үзлэг тооллогоор бүртгэл мэдээллийн санд бүртгэсэн. Шинээр хамгаалалтад авах саналтай барилга байшингийн тоонд оруулжээ.

Уг ажлын хэсгийн бүрэлдэхүүнд ажиллаж буй Улаанбаатар хотын музейн эрдэм шинжилгээний ажилтан Г.Очбаяр хэлэхдээ “Энэ удаагийн ажлын хэсэг Соёлын өвд шинээр бүртгэн авсан болон хамгаалалтад байгаа дурсгалын хадгалалтын байдалтай танилцах гол зорилготой. Жагсаалтад байгаа барилгууд бүгд соёлын өвд бүртгэлтэй барилгууд юм. Одоо соёлын өвд бүртгэсэн барилгуудаа хамгаалалтад авах ажил хийгдэнэ. Ингэхийн тулд Засгийн газар, Сайд, Иргэдийн хурал гэсэн гурван түвшинд жагсаалтыг гаргана. “Бид одоо барилга бүрийнхээ талаар дүгнэлт бичиж байгаа бөгөөд дүгнэлтээ нэгтгэж, нийслэлийн Засаг даргад танилцуулна” гэсэн юм.

"ТҮҮХЭН ГУРВАН БАРИЛГЫГ НУРААХГҮЙ ГЭСЭН АЛБАН ЁСНЫ ШИЙДВЭР ГАРААГҮЙ"

“Монгол туургатан төв холбоо”-ны удирдах зөвлөлийн гишүүн Э.Одбаяр

“Засгийн газар 2019 онд Улаанбаатар хотын хэд хэдэн соёлын өвд хамаарах түүхэн үл хөдлөх дурсгалуудыг нүдэн дээр устгаж үгүй хийлээ. Буулгаж нураах жагсаалтад дээр дурдсан архитектурын дурсгалууд бүгд хамаарч байгааг Ерөнхий сайд У.Хүрэлсүх өөрөө олон нийтэд мэдэгдсэн. Үүнтэй холбогдох Засгийн газрын шийдвэр, 2020 оны төсвийн тухай хуулийг УИХ баталж, буулгаж шинээр барихтай холбогдох зураг төсөл, макетууд хэдий нь хийгдээд төсөв мөнгө зарцуулагдаад явж байгаа.

Драм, Дуурь, Төв номын санг буулгах асуудлыг зогсоож цуцалсан тухай албан ёсны ямар ч шийдвэр гараагүй. Холбогдох яам, газрууд нь эдгээр барилгыг соёлын өв биш гэдэг байр суурь илэрхийлсээр байгаа. Буулгах асуудлыг 2020 оны сонгууль ойртсонтой холбогдуулан олон нийтийн бухимдлаас эмээж, түр хугацаанд хойшлуулсан. Соёлын өвд бүртгэлтэй эдгээр барилгуудыг Засгийн газар хамгаалалтад авч, сэргээн засварлах ажил хийхгүй байгаа биз. Мэргэжлийнхэн, соёл урлаг, архитекторуудынхаа үгийг ч сонсохгүй байгаа шүү дээ. Байгалийн түүхийн музейг хэрхэн хүч түрэн буулгасныг бид бүгд харсан.

Соёлын сайдын яриад байгаа засвар бол ердөө л өнгөн төдий засвар. Өөрөө ч үүнийгээ тодорхой хэлсэн, түр хугацаанд косметик төдий засвар хийгээд, удалгүй нураана гэсэн. Сэргээн засварлах, хүчитгэх, бэхжүүлэх, насжилтыг уртасгах, хадгалж хамгаалах тухай сайд нь огт ярихгүй, зөвхөн буулгаж нураах асуудал ярьж байгаа. Цаашлаад сэргээн засварлахыг уриалж, соёлын өвөө хадгалахыг эрмэлзсэн хүмүүсийг Ё.Баатарбилэг сайд хэвлэлээр дамжуулан элдвээр хэлж, айлган сүрдүүлж, дарамталсан өнгө аястай зүйлүүд удаа дараа ярьж байгаа. Эхлээд эргэн тойрных нь газрыг зарсан, өргөтгөх тэлэх ямар ч боломжгүй болгосон. Одоо буулгаад яг адилханыг барина гэнэ. Шинэ театр, музейтэй болохыг хэн ч үгүйсгээгүй, шинээр өөр газар, шинэ бүтээн байгуулалт хийгээч, түүхэн дурсгал ой санамжаа хадгалж үлдээч гэдгийг л шаардаж байна” гэлээ.

А.СҮРЭН

 

Энэ мэдээнд өгөх таны сэтгэгдэл?
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-17 66.181.164.248

Энэ хотод эзэн байна уу? Миний бодоход сүүлийн 30 жил эзэнгүй мэт явж ирлээ. Энэбиш, Миеэ Энхболд гээд өнөөгийн удирдлага бүгд холбоотой.

Avatar

Даш 2020-02-17 66.181.164.248

Хуучны барилгууд одоо сайнгүй харагдаж байгаа нь барилгуудын буруу биш. Эзэмшигчдийн буруу. Гэлээ гээд устгаад байж болохгүй. Хойд урд хоёр хөршид ийм барилгуудыг улсынхаа түүх гэж нандигнан хадгалж хамгаалж байна. УБ хотод 100 жилийн түүхийн баримт байхгүй боллоо. Туйлын харамсалтай!!!

Avatar

Зочин 2020-02-17 94.214.181.162

UB-d gants ch monument haus baihgyi.Zugeer 50-60 jil bolson hamgiin muu materialaar barisan hugatsaa ni duussan balgasnuud baigaa.BUGD ONOO MODGUI HUN DARJ ALAHAD BELEN BOLSON BALGASUUD.UHSEN ATSNII TUUH DURSGAL.NURAAGAAD DOOR NI OLON ZUUN MASHIN BAGTAH TOM GRAGE BARIAD HUUCHIN HELBEREER NI SHINEER BARIH HEREGTEI TOMSGOOD

Avatar

zochin 2020-02-17 88.130.50.147

hodoonij ork amnyhaa hemjeegeer hutsahgui shuu. Hotyn bidnij baga nas, hotyn hogjil edgeer baishinguudtaj holbootoi. Muu materialaar gej haanaas ju medev. Harin ch sayn bolood 60-70 jil baij bgaa jum bish uu. Mal mallaj baishin gej medehgui osson orkuud hotyn tuhaj bol duugui baisan deer

Avatar

зочин 2020-02-17 182.160.39.218

БҮГДИЙГ НЬ БУУЛГААД, НУРААГААД ХАЯЧИХ, ДАРАА НЬ ЖУУЛЧИД ИРЭХЭД Ч, ҮР ХОЙЧДОО ҮЗҮҮЛЭХ ТҮҮХ БАЙХГҮЙ ХЭДЭН ОРЧИН ҮЕИЙН ЦЕМЕНТНЫ ДУНД СУУГААД МОНГОЛ УЛС 1990 ОНООС ӨМНӨ БАЙГААГҮЙ ГЭЭД ХЭЛЭЭД СУУЖ БАЙЯ, АМАР ШДЭЭ, МАНАЙ МАЛНУУД ӨНӨӨДРӨӨР АМЬДРАДАГ УСАН ТЭНЭГҮҮД ЮМ ЧИНЬ, ӨНӨӨДРИЙН ҮЕТЭЙ ХӨЛ НИЙЛЭХГҮЙ Л БОЛ НУРААХ ХЭРЭГТЭЙ ХАХА, ЗА ТЭГЭЭД ДАРАА ҮЕ НЬ ГАРЧ ИРЭЭД ДАХИАД Л ХИЙСНЭЭ НУРААГААД Л ГОЁ ГОЁ

Avatar

Зочин 2020-02-17 66.181.177.179

Энэ барилгуудын нас дууссан, харин ч модон барилга энэ хурсэн нь их юм, засвар авахгуй ш дээ, энийг барилга гадарладаг ямар ч хун хэлнэ дээ

Avatar

Зочин 2020-02-17 124.158.107.35

чойжин ламын сүм музей, богд хааны ордон гээд бүүр хуучин барилгуудыг нурааж хаяад яг адилханыг шинээр барина гээд үздээ хар өмхий толгойнуудаа

Avatar

Зочин 2020-02-17 192.82.74.204

Ene hediig ertnii hyatad urchuudiin barisan baishinguudtai yaj zuirleh ve. Ted chin ue ulamjilsan arga tehnologior tugs yum hiideg yum. Harin ene hed ch dee. Boloh bolohgui shoroogoor toosgo shataasan bolood drak hadaad shar shavraar bosgoson ed shuudee. Ger horooliin tagznuudaas yalgaaguu.

Avatar

Зочин 2020-02-17 66.181.161.10

#SaveUb

Avatar

Зочин 2020-02-17 202.21.108.34

Чин ванХанддоржийн гэрийн урд талын 9давхар байрны дээр өмнө нь "Түүх соёлын дурсгалт зүйлсийг хайрлан хамгаалъя" гэсэн гэрлэн үг байсныг буулгаж хаясанаа сэргээх ухаан СБД дүүрэг, хорооныхонд байдаггүй нь харамсалтай!!!

Avatar

Зочин 2020-02-17 192.82.74.204

Bas soyolii uv uu kkk

Avatar

Зочин 2020-02-17 202.55.184.253

ЭНЭ БАРИЛГА БОЛ ЕВРОПТ ДАХЬ ЧУЛУУГААР БАРЬСАН ХЭДЭН ЗУУН ЖИЛ ХЭВЭЭРЭЭ БАЙЖ ЧАДАХ БАРИЛГА ООГТ БИШ.МОДООР БАРИАД ЗҮГЭЭР Л ШАВАРДЧИХСАН, МОДОН ШАЛТАЙ, МОДОН ДЭЭВЭРТЭЙ Л БАРИЛГА БАЙНА ЛЭЭ ШДЭЭ. ИТГЭХГҮЙ БОЛ ОЧООД ҮЗ. ХАНАНААС ШАВАР УНААД ЦААНААС МОД ЦУХУЙЖ БАЙГАА.БАС ХУНДААМНААС НЬ Ч МОД ЦУХАЙЖ Л БАЙДАГ ШДЭЭ. ЯДАЖ БАЙХАД БАЙХАД ХАНА НЬ ЦУУРЧИХСАН. ШАЛ НЬ ЁРДОЙЧИХСОН.НЭЭХ СҮҮРТЭЙ ЕВРОПЫН ЧУЛУУГААР БАРЬСАН, УРАН ТАНСАГ ХИЙЦТЭЙ БАРИЛГУУДТАЙ ЗҮЙРЛЭЖ ЭРГҮҮТЭХЭЭ БОЛЬЧИХ ТЭХ ҮҮ?ТУЙЛШРАМТГАЙ ҮМБҮҮНҮҮД ЭЭ.

Avatar

Ха ха ха 2020-02-17 202.9.46.177

Чи өөрөө үмбүү

Avatar

zochin 2020-02-17 88.130.50.147

hodoonij ork amnyhaa hemjeegeer hutsahgui shuu. Hotyn bidnij baga nas, hotyn hogjil edgeer baishinguudtaj holbootoi. Muu materialaar gej haanaas ju medev. Harin ch sayn bolood 60-70 jil baij bgaa jum bish uu. Mal mallaj baishin gej medehgui osson orkuud hotyn tuhaj bol duugui baisan deer

Avatar

Зочин 2020-02-17 103.14.38.134

Би МАН-ыг дэмжиж ирсэн, гэхдээ одоо ингээд биднийг түүхгүй болгож байгаа оркуудаас болоод МАН-г ирэх сонгуульд дэмжихгүй

Avatar

Зочин 2020-02-17 139.5.219.158

Нураагаад шинээр баривал таарна.харин загварыг нь ерөнхийд нь яг хадгалах хэрэгтэй.Япон Германи гэх мэт гадны театрын барилгаар мэргэшсэн компаниар зураг төслийг нь хийлгээд (бариулсан ч яадгийн) богино хугацаанд ашиглалтанд оруулах хэрэгтэй.

Avatar

баги 2020-02-17 122.201.23.44

баатарбилэг сайд чинь эхэндээ засварлана дараа нь нураана гэж ам алдсан шүү дэ хэхээ

Avatar

Зочин 2020-02-17 66.181.170.73

с** нар барьж байгуулж чадахгүй байж нурааж газрыг зархаа урьтал болгох юм. тэгэж их улсын мөнгө багтаж ядаад байгаа бол шинэ театраа яармагт барчих л даа. итал европын уран барилгын хийцээр. тэгээд зуны дэлгэр сайхан цагт дуурь балет үзье гэхээр амраад архидаад явчдаг наад ажилдыг нь ажилтай байлга. жуулчид ч үзэх юмтай наадуул чинь нь архидаж амьдралаа үрэхгүй ажилтай байх бус уу.ер нь заавал өвөл хавар дуурь үзнэ зун үзэхгүй гэсэн юм байна уу.

Avatar

Зочин 2020-02-17 66.181.170.73

Тэгээд бас их сонин үзэгдэл байна. Залуусыг баасан гаригт та нар архиа гударч, архи тамхины үнэр шингэсэн баар саваар явж мансууруулах бодис хэрэглэ гэж байгаа мэт. зөвхөн бямба ням гарагт үзвэртэй байдаг. энэ буруу юм. ядаж баасан гарагт ажлаа тараад алжаалаад тайлаад нэг сайхан дуурь балет үзчээд харимаар байна шүү дээ. наад үзвэрүүд ядаж 5 хагас бүтэн сайнд гурван өдөр тавьдаг болж болохгүй юу.

Avatar

Иргэн 2020-02-17 203.169.49.104

Монгол 21-р зуунд ч түүхээ устгадаг бүдүүлэг хэвээрээ үлдэх үү.

Avatar

Зочин 2020-02-17 64.119.18.164

Ой санамж, Туухийг устгаж байгаа том гэмт хэрэг!!! Енеедер байшин нураах нь тэргуун зэргийг ажил мен уу!

NewsMN Гар утасны хувилбар Татах
NEWS.mn

Мэдээллийн эх сурвалж