"ХӨСҮТ-ийн эмч нар 14 хоног гэрээс битгий гар гэсэн" | News.MN

"ХӨСҮТ-ийн эмч нар 14 хоног гэрээс битгий гар гэсэн"

"ХӨСҮТ-ийн эмч нар 14 хоног гэрээс битгий гар гэсэн"

Шинэ төрлийн коронавирус илэрсэн БНХАУ-ын Ухань хотод суралцаж байсан Монголын 31 оюутан, нэг хүүхдийг хоёрдугаар сарын 1-нд Улаанбаатар хотод агаарын тээврээр авчирч, дараа нь ХӨСҮТ-д 14 хоног тусгаарлан, хяналтад авсан. Тэднийг хоёр удаагийн лабораторийн шинжилгээнд хамруулахад сөрөг хариу гарч, өнгөрөгч Бямба гаригт /2020.02.15/ тус эмнэлгээс гаргасан билээ. Ингээд Ухань хотоос ирсэн оюутны төлөөлөл болох Л.Дэлгэрсайхантай ярилцсанаа хүргэж байна.


-Танд энэ өдрийн мэнд хүргэе. Бидэнд өөрийгөө танилцуулна уу. Ухань хотод хэд дэх жилдээ ямар мэргэжлээр суралцаж байна вэ?

-Намайг Лхагважавын Дэлгэрсайхан гэдэг. МУИС-ийн Олон улсын харилцааны сургуульд суралцаж байгаад 2017 онд БНХАУ-ын Засгийн газрын тэтгэлэгт хөтөлбөрт хамрагдан шалгалт өгч тэнцээд, Ухань хотын Их сургуульд суралцах болсон. Эдүгээ тус сургуульд бизнесийн мэргэжлээр гуравдугаар курст суралцаж байна. Ирэх жил их сургуулиа төгсөнө.

-БНХАУ-д шинэ коронавирусийн халдвар гарч, хөл хорио тогтоогоод байна. Монгол Улсын Засгийн газраас оюутнуудаа эх оронд нь авч ирж, эмнэлгийн хяналтад байлаа. Сэтгэгдлээсээ хуваалцахгүй юу?

-Ийм аюулт өвчин дэгдэж дэлгэрнэ гэж хэн урьдчилж мэдэх билээ. Зарим оюутан, ялангуяа төгсөх ангийнхан дипломын ажил дээрээ сууж, шалгалтандаа бэлтгээд зав муутайхан байсан юм. Энэ жил Монгол, Хятадын цагаан сар бүтэн сараар зөрсөн. Ихэнх оюутан нутаг буцсан ч гол төлөв төгсөх ангийн оюутнууд үлдсэн. Шинэ коронавирусийн аюулыг бид эхлээд мэдэхгүй байлаа. БНХАУ-д гэнэтхэн хөл хорио тогтоох болоод явчихсан. Тиймээс бид дотуур байрнаасаа гарахгүй өрөө өрөөндөө хөл хорионд орсон.

Хоол унд авах гэж л хааяа гардаг байлаа. Монгол оюутнууд хоорондоо үргэлж холбоотой байсан. Элчин сайдын яамныхантайгаа, гэр бүлийнхэнтэйгээ ч байнга холбоотой байлаа. Монгол Улсын Онцгой комисс, Засгийн газар хуралдаж, Ухань хотод суралцаж байгаад хөл хорионд орсон 32 оюутнаа онгоц илгээж авах болсон мэдээг дуулаад маш их баярласан. “Эх оронтой хүн ямар сайхан юм бэ” гэж бодогдсон. Монгол Улсынхаа Засгийн газар, Монголын ард түмэндээ үнэн зүрхнээсээ баярласан. Сайн суралцаж, эх орныхоо хөгжил цэцэглэлтийн төлөө зүтгэх үүрэгтэйгээ улам гүн ухаарсан. Монголын ард түмэн, Монгол Улсын Засгийн газар иргэдээ гэсэн энэ хүнлэг энэрэнгүй алхмыг би хэзээ ч мартахгүй, зүрх сэтгэлдээ тээж явах болно. Эх орондоо баярлалаа гэж хэлье.

-БНХАУ-ын Ухань хотоос Монгол оюутнуудаа эх оронд нь авч ирэхэд холбогдох албаныхан шуурхай, ухаалаг ажилласан гэдгээ хэлж байсан. Монгол оюутнуудаа Ухань хотоос хэрхэн цуглуулсан бэ?

-Элчин сайдын яамнаас биднийг автобусаар зургаан өөр газраас хар үүрээр цуглуулан авч, Ухань хотын онгоцны буудалд авчирсан. Тэнд бусад улс орны олон хүн байсан. Монгол Улс иргэдээ эхэлж авсан цөөхөн улс орны нэг болсонд бахархах сэтгэл өөрийн эрхгүй төрж байсан. “Зүчи хаан” нэртэй үндэсний агаарын тээврийн “МИАТ” компанийнхаа онгоцонд орж суухад эх орондоо ирчихсэн юм шиг сэтгэл амарсан даа. Биднийг нэг нэгээр суулгасан, сандал дээр нэрс бичээстэй байсан. Онгоцны экипажийнхан, үйлчлэгчид, хамт очсон эмч нар сайхан сэтгэлтэй хүмүүс байсан шүү. Энэ бүхнийг хэлэлгүй өнгөрч боломгүй байна. Монгол эх орондоо Монгол хүн болж төрсөндөө омгорхох сэтгэл төрж байлаа.

Олон улсын "Чингис хаан" нисэх онгоцны буудалд газардахад ямар сайхан байсан гэж санана. Сэтгэл нэг мөсөн амарчихсан байсан. Гэр бүлийнхэн маань онгоцны буудалд ирчихсэн алсаас биднийг дурандаж харж байсан гэж сүүлд ярьсан.

-Эмнэлэгт 14 хоног хяналтад байсан. Та бүхэнд эмнэлгээс гарсны дараа 14 хоног олон хүнтэй газраар явахгүй байхыг зөвлөсөн гэсэн үү?

-Бид Халдварт өвчин судлалын үндэсний төвд 14 хоног эмч нарын хяналтад байж, өнгөрөгч Бямба гаригт гэртээ гарлаа. Эмч нар маань өндөр мэдлэгтэй, үйлчлэгч сувилагч нар нь сайхан ааштай ажилсаг хамт олон байв. Бүх зүйл нь дүрэм журмын дагуу хийгдэж байсан. Эмээгийнхээ гарын цай, хоолыг их санаж байсан болохоор утсаар хэлээд эмч, сувилагч нарыг гуйсан чинь эргэлт оруулсан. Сүүтэй цайгаа уугаад, буузаа цадатлаа идээд нэг сайн хөлөрч аваад бие сэтгэл  бүр мөсөн тавирсан даа. Тэгэхдээ эмнэлгийн хоол унд сайн байсан шүү. Үүнийг бас хэлэх ёстой.

Миний хувьд 14 хоног гол төлөв ном уншиж өнгөрөөлөө. Биеэ дархлаажуулах, ариун цэврийг сахих, амны хаалтаа байнга хэрэглэх, гараа угаах зэргийг тогтмол хийж байсан. Эмнэлгээс гарч гэртээ ирээд ч яс мөрдөж байна. Сурчихдаг юм билээ. Ухань хотод өнгөрүүлсэн түгшүүрт 20 орчим хоног нэгэнт ард үлдэж, Монгол эх орондоо ирээд бас хоёр долоо хоног өнгөрчихлөө. Одоогоор гэрээсээ гарахгүй байна. ХӨСҮТ-ийн эмч нар 14 хоног гэрээс битгий гар гэсэн, зааврыг дагаж мөрдөж байна.

-БНХАУ-д шинэ коронавирусийн халдвар гарч, дэлхий дахинаа зарлаж, онц байдал зарлах үед Уханьд нөхцөл байдал ямар байсан бэ?

-БНХАУ-д нөхцөл байдал хүндхэн байгаа. Ялангуяа өвчний голомт болсон Ухань хотод бүр ч эвгүй. БНХАУ дэлхийд хамгийн олон хүн амтай улс орон шүү дээ. Ухань хот 10 сая гаруй хүн амтай. Гэвч онц байдал зарламагц бүх зүйл дорхноо эмх цэгцэнд орсон. Шоргоолж шиг бужигналдаж байсан газарт хөл хөдөлгөөн гэв гэнэтхэн л зогсчихдог юм билээ. Гудамж талбай хов хоосон болчихсон. Хятадын ард түмний сахилга бат, зохион байгуулалт эмх цэгц ухамсарт байдал, нэг нь нийтийнхээ төлөө нийт нь нэгнийхээ төлөө гэсэн хамтач үзэл санаа гайхшрал төрүүлсэн шүү. Үнэхээр бахархсан. Тэднээс сурах юм монголчууд бидэнд их бий.

БНХАУ-ын эмч мэргэжилтнүүд энэ гайт өвчнийг богино хугацаанд дийлж гарна гэдэгт би огтхон ч эргэлзэхгүй байна. Хүн ардынхаа төлөө өдөр шөнөгүй, нойр хоолгүй ажиллаж байгаа эмч, сувилагчдыг хараад бахархахгүй байхын аргагүй юм билээ. Би хятад найз руугаа эндээс утасдаж байгаа. Тэднийхээ төлөө би сэтгэл зовж л сууна. “Айл хүний амь нэг, саахалт хүний санаа нэг” гэдэг дээ.

-Уханьд хотод байхдаа гэр бүлийнхэнтэйгээ холбоотой байсан уу. “Биднийг эндээс авахгүй бол яана” гэсэн айдас төрж байв уу?

-Мэдээлэл технологийн эрин үед ар гэрийнхэнтэйгээ холбоо барих ямар ч зовлон байхгүй нь ойлгомжтой юм. Монголд болж байгаа дэлхий дахинд болж буй үйл явдлыг тэр дорхно л олж мэддэг. Монголын сошиал медиагаар “Монгол 30 гаруй оюутан яах вэ, гурван сая хүн амаа бодьё. Тэднийг тэнд нь үлдээчих, авчирбал аюултай” гэсэн утгатай санал сэтгэгдлийг уншаад сэтгэл жаахан тиймэрхүү л байсан.

Гэхдээ гомдоод байх ч юу байх вэ. Айдас хүйдэст бас үндэслэл байгаа шүү дээ, ойлгох л хэрэгтэй. Биднийг авч чадахгүй энд нь үлдээчихвэл нүхнээсээ гардаггүй тарвага шиг л гэртээ суугаад байна даа гэж бодогдсон. Харин өвөө, эмээ хоёр минь тийм мэдээллийг сонсоод их  эмзэглэж гомдсон байна лээ. Тэд маань “Монголд хүн чанар алдагдаж дээ” гэж ярьж суусан гэсэн. Уханьд байхдаа гурав, дөрөв хоноод гарч хүнгүй шахам болчихсон хүнсний дэлгүүрээс хоол хүнс худалдан авч байсан. Тэгээд л байрнаасаа гаралгүй сууж байсан.

-Оюутнууд маань эмнэлгээс гарахдаа сэтгэлийн бэлэг эмч мэргэжилтнүүддээ бэлэглэсэн. Та бүхний талархсан сэтгэлийн илэрхийлэл болов уу?

-Ахин дахин шинжилгээ авч, хорио цээрийн хугацаа дуусч, эмнэлгээс гарахдаа хүн бүр л эмч, сувилагч нартаа үнэн сэтгэлээсээ баярлаж талархсанаа үгээр илэрхийлцгээсэн. Тэд бидэнд ээж аав, эгч дүүс шиг л дотно сайхан санагдаж байлаа. Гайхалтай, буянтай, сайхан мэргэжил эзэмшсэн хүмүүс юм байна гэж бодогдож байсан. Одоо биеийн байдал маш сайн байна. Гэхдээ анхаарал болгоомжлол хэрэгтэй гэдгийг ойлгож байгаа. Бид дахин 14 хоног гэрээсээ гарахгүй.

-Эх орондоо эсэн мэнд ирж, гэр бүлийнхэнтэй уулзсан сэтгэгдлээсээ хуваалцаач?

-Төрүүлсэн аав ээж, төрөлх эх орон хоёр салшгүй нэг цул ойлголт юм байна гэдгийг улам гүнзгий ойлголоо. Эх гэдэг үгнээс эх орон эхэлдэг гэдэг үнэн ажээ. Бөөн баяр хөөр болсон хүмүүс л намайг угтаж авлаа. Үгээр ил хэлэхгүй байгаа ч үнэндээ тэд нар маань надаас илүү сэтгэл санаа нь зовинож байсныг би дөнгөж сая л ухаарсан.

Энэ аюулт өвчний гэнэтийн дэгдэлт, хөл хорио, эх орондоо эргэж ирсэн, ХӨСҮТ-д 14 хоносон, ээж аав, эмээ өвөөтэйгөө уулзсан баярт мөч яг кино зураг шиг л нүдний өмнүүр жирэлзэн хөвөрч байна. Ухаарал суусан, ухаан нэмсэн өдрүүд байлаа.  Унтаад босоход ухаан суугаад хэрсүүжчихсэн ч юм шиг. Маш сонин сэтгэгдэл төрж байна.

-Цаашдаа эх орондоо сурч мэдсэнээ хэрхэн хэрэгжүүлж, ажиллахыг хүсч байна вэ?

-Би ээж аав, өвөө эмээгийнхээ ач буянаар бага наснаасаа орос, англи хэлийг сурч гадаад хэл сурах сонирхолтой болсон юм. Надад ОХУ, Англи улсад суралцах боломж надад байсан. Миний хувьд хөрш зэргэлдээх БНХАУ-ын түүх соёлтой танилцаж хятад хэл сурья гэж бодсон. Хятад ханзууд нь сурахад хэцүү ч хятад хэлийг сурч байна. Монгол, Хятадын харилцаа, хамтын ажиллагаа улам баялаг, олон талтай болж байна. Хятад хэлтэй хүн Монголд улам л хэрэгтэй болно гэдэгт итгэлтэй байгаа. Тиймээс би сурч мэдсэн бүхнээ эх орныхоо хөгжил цэцэглэлтийн төлөө зориулна.

А.СҮРЭН

Гэрэл зургийг Н.БАТМӨНХ

 

Энэ мэдээнд өгөх таны сэтгэгдэл?
43
ЗөвЗөв
3
ТэнэглэлТэнэглэл
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-17 202.21.108.145

Тийм э****з байхаа,х***а найздаа санаан нь зовоод байна гэнэ үү ???

Avatar

Zochin 2020-02-17 202.21.108.145

e****z ym bishu ene zaluu ?

Avatar

Зочин 2020-02-17 202.126.89.157

Heden hun avah gej hichneen tom ongots ilgeesiim dee. Ard tumendee bayarlaj baival ongktsniihoo zardliig tolchoorei

Avatar

Зочин 2020-02-17 66.181.178.87

Эх орон гэж даан ч сайхан

Avatar

Зочин 2020-02-17 202.9.40.126

балиар шимэгчид онгоцны зардлаа толооч

Avatar

zochin 2020-02-17 59.153.84.210

** da mne yune shimgchid bgan ulsiin hedhen togrogoor 30 oyutnaa awchirhad mongol uls dampuurhuu gishuudiin idsen mongnoos gaigui bh shuu jahn zow bodoltoi bmaar bn shuu

Avatar

Зочин 2020-02-17 192.82.75.182

Чи одоо ямар хөгийн бодолтой юм вэ. Хүнд хэцүү үед нутаг нэгтнээ авчиралгүй яадагийн. Өөрөө байсан бол яах байсан бол чи хөгийн н**ш вэ

Avatar

SAIKHAN YARILTSLAGA BNA 2020-02-17 202.21.108.196

TA BUHNII TALAAR NIITLEL, YARILTSLAGA UNSHIHAAR NULIMS TSIILEGNEJ, SETGEL HODLOOD BAIHIIN,, YAMAR UCHIRTAI YM BOL.kkk

Avatar

Irgedeer uursduus ni zardliig ni garguul 2020-02-17 192.82.68.64

Bugdeeree tetgelegtei surtsgaaj baisiim bol avchirsnii zardliig garguulah heregtei

Avatar

zochin 2020-02-17 202.179.24.228

Миний эх орон мөнх орших болтугай сайхан залуучуудаараа барахаж байна. Та бүгдэд амшжилт хүсэе. ЭХ ОРНОО МЭДРЭНЭ ТОМ УХААН СОЁЛ хүн ёсны эрхэм чанар шүү.

Avatar

zochin 2020-02-17 202.179.24.228

Сайн байна манай залуучууд бүгд эх гэдэг ухамсартай болчих юм бол ул орны хөгжил нэг алхам ургаш хөдлөнө шүү. Үнэхээр эх орон гэдгийг гадаадад л очиж байж мэдэрдэг юм байна лэй. Миний эх орон сайхан СИЙМХИЙ Ч ГЭСЭН ГЭР МИНЬ СЭГСГЭР Ч ГЭСЭН ЭЭЖ МИНЬ гэсэн үг байдаг ямар их юм бодогдуулдаг гээч ЭХ ОРОНДОО ХАЙРТАЙ ШҮҮ. Бидний үед нэг чулуу нэг мод ч хөдөлгөх нь ёс зүйтэй байсан цаг тэр л эх оронч үзэл байж. Тухайн үедээ хүүхэд юу ч ойлгохгүй л байж тэр л хайр байсан байна.

Avatar

gg 2020-02-17 124.158.109.232

mundag sain huu baina iim uhaalag zaluuchuud tsaashdaa mongol ulsaa hugjuulne dee .Harin ene zurag deer mask zuugeegui humuus baihin bodohod ene ni emnelegiin emch nar ni l bailguide

Avatar

Зочин 2020-02-17 59.153.114.195

Hyatad naizdaa sanaa zovj bna gene shuu, nerteigeer n er.asan Elbegdorj shig hyataduud bid neg ger bul geed helchiheech, tuhain orny heliig sursan hun ahuig soyolyg n dagaad adil setgehuitei boldog-hyatad setgehui, yaaltai ch yum

Avatar

Z 2020-02-17 98.169.35.210

Saihan zov bodoltoi zaluus bgaa um bna. Amjilt husie. Iim bolovsroltoi zaluu ue bna gej bodohoor Mongoliin ireedui gereltei haragdah um. Huuhduudee saihan humuujuulsen etseg eh, emee ovoogoor ni baharhaj baina. Bas emch, ontsgoi baidliinhan, huuliinhan, nislegiinhen, zasgiin gazar sain ajillajee.

Avatar

45 2020-02-17 103.9.90.98

ENE hvvhdvvdin tuhai unshhaaar l nulimc garaad bgin. Ta nartaa amjilt hvsey, tur zasag maani sain ajillasan, ajillaj ch bn aaa. Hvn bvr uursduu hicheeh heregtei baina.

Avatar

Зочин 2020-02-17 202.126.89.159

Одоо шууд Женко Хүүкийн оронд тавихад болох залуу байна.Орос англи хэлтэй хятад хэл сурч байгаа.Дүрэм журмыг сайн биелүүлсэн,одоо биелүүлж байгаа гэсэн байна.

Avatar

Зочин 2020-02-17 202.131.248.198

ta nariig oirhon bolhoor l ochij avsan zardal baga! hol gazar baisan bol avch chadahgui bsan

Avatar

Зочин 2020-02-17 146.115.163.21

Ail hurshiin and neg. Saahalatiin sanaa neg gedeg ch unen ug shuu. Bid hyatad muuhai puu pai geed yah bilee. Baglaad yavchihaj chadahguigees hoish

Avatar

Хүннү 2020-02-17 202.179.26.193

Сайн байна. Та нарт амжил хүсэе. Одоо гайгүй байлгүй дээ. Дор бүрнээ ариун цэврээ сахиад байхад вирус холуур өнгөрөх биз. Та 32 жинхэн голомтонд нь байсан. ОК маш хурдан шуурхай ажиллаж та хэдийг минь татаж авсан. Нөгөө “Сиймхийч гэсэн гэр минь, Сэгсгэрч гэсэн ижий минь” гэдэг шиг ядуу эх оронтой ч гэсэн түүгээрээ насан турш бахархах ёстой. Энэ хүнд нөхцөлд иргэнээ хаясагүй…үүнээс илүү агуу хүнэлэг зүйл гэж хаана байхав дээ.

Avatar

123 2020-02-17 119.40.98.177

Эрүүл энх эх орондоо ирсэн та бүхэнд амжилт хүсье. Ихийг сурч, эх орныхоо хөгжилд үнэтэй хувь нэмэр оруулцгаагаарай. Эх орон, төр засаг, эрүүл мэндийн салбарынхан, хөлөг онгоцны экипажийнхан, эцэг хэ, эмээ, өвөө, элгэн садан бүгдэд нь баяр хүргэе.

Avatar

Зочин 2020-02-17 66.181.187.155

а

Avatar

Mundag 2020-02-17 66.181.161.6

Ihiig surch ulsaa sain hugjuuleh uhaalag mongol zaluu. Amjilt husie.

Avatar

gg 2020-02-17 103.229.123.138

uchigdor neg zaluutai tuuh iin talaar yaria ornuuleed setgel ih gomdoj bsan yum, harin duugiinhee yariltslaga iig unshaad setgel jaahan taivshirlaa.
bayarlalaa chamd. bas uvoo emee d n.
ireeduinhee tuloo HAMTDAA

Avatar

зочин 2020-02-17 66.181.186.146

Дүү нартаа баяр хүргэж сурлагын амжилт хүсье.Хятад гэдэг том улс тэгж эмх цэгцэнд орно гэдэг ч гайхамшиг.Олон зуун жилийн өмнөх явдлыг сайн мэдэхгүй мөртөө нэг л их үзэн ядсан сэтгэгдэл гаргаад байдаг хүмүүс нэгийг бодох ёстой.Хоёр том гүрний дунд байгаа жижиг улс шүү дээ бид чинь.Тэгсэн мөртөө цаад учрыг нь ойлгохгүй дөвчигнөх нь бүр онцгшй.Та бүхэн минь сургуулиа амжилттай төгсөөд эх орондоо ихийг бүтээгээрэй.Та нартаа тэнд үлдээд ээж аавтайгаа хамт ирээд гэртээ очсон тэр хүүд ч бас баяр хүрги

Avatar

Зочин 2020-02-17 66.181.185.197

Өвөө эмээ сайн хүү хүмүүжүүлжээ. Баяр хүргэе.

Avatar

Зочин 2020-02-17 202.126.88.138

Сахилга баттай байж эрүүл саруул ирсэнд нь баяр хүргэе, Хятад улсаас сурах зүйл их бий, техник технологи эдийн засаг нь илт хөгжиж байна, удахгүй дох.ыг ялсан эм, сансрыг эзэмшсэн иргэний тээвэрлэлт зэрэг нээлтүүд хятадаас гарахад гайхах зүйлгүй болсон. Мэдээж муу муухай юм ч их бий, бид авахыг нь авч хаяхыг нь хаяж хамтдаа хөгжих хэрэгтэй,

Avatar

Зочин 2020-02-17 59.153.113.209

Үхсэн баас. ДОХ байтугай ханиадаа ч барахгүй байгаа улс. Бүх улсаас тeхнологийн хулгай хийнэ. Муу хар үйл нь боловсроод ирэхийн цагт хичнээн олон шилэн барилга зам гүүр нь байгаад ч амийг нь хамгаалахгүй ээ.

Avatar

зочин 2020-02-17 122.201.23.84

Хөөрхөн ухаантай хүү байна. Сайн боловсон хүчин, Монголын ирээдүйд хэрэгтэй хүн болоорой гэж ерөөе

NewsMN Гар утасны хувилбар Татах
NEWS.mn

Мэдээллийн эх сурвалж