Ууц, өвчүүний үнэ эрс буурчээ | News.MN

Ууц, өвчүүний үнэ эрс буурчээ

Ууц, өвчүүний үнэ эрс буурчээ

Ууц, өвчүүний үнэ эрс буурчээ

Шинэ төрлийн коронавирусийн халдвар Монгол Улсад орж ирэх эрсдэл өндөр байгаа тул хилээ бүрэн хааж, хагас өндөржүүлсэн байдалд шилжээд буй. Үүнтэй холбоотойгоор иргэд хүнсний бүтээгдэхүүнээ нөөцөлж, бараа бүтээгдэхүүний үнэ нэмэгдэж, зарим бараа хомсдолд ороод байна хэмээн дээр дооргүй шуугилдаж байна. Тиймээс махны үнэ болон өргөн хэрэглээний бараа бүтээгдэхүүний үнэ үнэхээр нэмэгдсэн эсэхийг сурвалжлахаар “Хүчит шонхор” худалдааны төвийг зорилоо. Биднийг ажлын өдөр буюу Баасан гаригийн 14.00 цагийн үед очиход хөл хөдөлгөөн ихтэй, дор бүрнээ ууттай зүйл барьсан иргэд холхилдож байлаа.

Хамгийн түрүүнд махны үнэ ханштай танилцсан юм. Махны үнэ сарын өмнө сурвалжлага бэлтгэхээр очиход байсан үнээс даруй 1000-1500 төгрөгөөр нэмэгдсэн байлаа. Харин тэмээ болон адууны махны үнэ л нэмэгдээгүй байсан юм.

“Хүчит шонхор” захад адууны мах 7500, үрийн мах 11,000-11,500, тэмээ 7200, хонь 8800, ямаа 8200 төгрөгийн үнэтэй байсан юм.

ЗАХЫГ ХААНА ГЭСЭН ЦУУРХАЛТАЙ ХОЛБООТОЙГООР БОРЛУУЛАЛТ НЭМЭГДСЭН

Махны үнэ яагаад нэмэгдсэнийг худалдагчаас лавлахад “Ойрын өдрүүдэд ихэнх нутгаар цас шуурч, цаг агаар тавгүй байсан болохоор нийлүүлэлт муу байна. Үүнтэй холбоотойгоор махны үнэ бага зэрэг нэмэгдсэн. Түүнээс биш шинэ коронавирусийн халдвартай холбоотойгоор махны үнэ өөрчлөгдсөн зүйл байхгүй. Цаашид нийлүүлэлт сайн байвал үнэ нэмэгдэхгүй. Нийлүүлэлтээс махны үнэ шалтгаална. Энэ жилийн хувьд Цагаан сар тэмдэглэхгүй гэсэн ч ойрын өдрүүдэд борлуулалт сайн байна. Энэ нь зах худалдааны төвийг хаана гэсэн цуурхал дэгдсэнтэй холбоотой байх” гэлээ.

“Хүчит шонхор” худалдааны төв нь нийт түрээслэгчдэдээ ариутгагч уусмалыг өглөө болгон тарааж байгаа аж. Үүнтэй холбоотойгоор худалдагч нар нь хоёр цаг тутамд гараа ариутгаж, лангуугаа, цэвэрлэж байгаа гэдгийг онцолж байлаа.

ГЭРТЭЭ БУУЗАА ХИЙГЭЭД ЦОМХОН ТЭМДЭГЛЭНЭ

Д.Одонцэцэг

Ингээд иргэдээс үнэхээр  мах, хүнсний бүтээгдэхүүнийг нөөцөлж байгаа эсэх, болон үнэ нь бодитоор нэмэгдсэн байгаа эсэхийг лавлалаа.

-Мах, хүнсний бүтээгдэхүүнийг нөөцөлсөн зүйл бол байхгүй. Нөөцлөх шаардлагагүй гэдгийг албаныхан хэлсэн шүү дээ. Цагаан сарыг өргөн хүрээнд тэмдэглэхгүй  ч гэртээ буузаа хийгээд цомхон тэмдэглэнэ. Тиймээс гэр бүлийн хэрэглээнд зарцуулах нэг хонины гулууз мах, 15 кг үхрийн мах өнөөдөр эндээс худалдаж авлаа. Би 20 гаруй хоногийн өмнө эндээс мах авсан. Гэтэл өнөөдөр үхрийн цул махны үнэ 2000 орчим төгрөгөөр нэмэгдсэн байна.

УУЦ, ӨВЧҮҮНИЙ БОРЛУУЛАЛТ ЭРС БУУРАВ

Өндөржүүлсэн байдалд шилжихээс сарын өмнө 370 -170 мянган төгрөгөөр зарагдаж байсан ууж, өвчүү худалдаалж буй хэсэг харьцангуй хүн багатай байсан юм. Ууц, өвчүүний үнэ нь ч хямдарч, 170-120 мянган төгрөг болсон байлаа. Худалдагч нар нь “Цагаан сарыг тэмдэглэхгүй байх шийдвэр гарсантай холбоотойгоор ууц, өвчүүний үнийг хямдруулсан. Нэгэнт худалдаад авчихсан болохоор хямд үнээр ч хамаагүй өгчихмөөр байна. Худалдан авалт эрс багассан. Зарим нэгэн настай хүмүүс ууц, өвчүү авч байна. Бас ууц, өвчүү нь тарга тэвээрэг сайтай малынх байдаг болохоор хямдарсныг нь далимдуулаад хүмүүс хүнсэндээ хэрэглэх гэж мэр сэр авч байна” гэж байлаа.

НЭГ КИЛОГРАММ ГУРИЛ 80-100 ТӨГРӨГӨӨР НЭМЭГДСЭН

Ингээд өргөн хэрэглээний барааны үнэд өөрчлөлт орсон шалтгааныг худалдагчаас лавласан юм. Худалдагч “Үйлдвэрээсээ гурил, будаа, гоймонгийн үнэ нэмэгдээд ирж байхад бид ч үнээ нэмэхгүй яах юм бэ. Будаа бидэнд ч олдохоо болилоо. Ингээд хомсдоод ирэхээр үнэ нь улам нэмэгдэнэ. Нэг килограмм будаа өнөөдөртөө 2500 төгрөг гэж байгаа. 25 килограммаар савласан нэгдүгээр гурил 26 мянган төгрөгөөр зарагдаж байгаа ч удахгүй 28 мянган төгрөг болно. Дээд нь 30 мянган төгрөг байгаа ч үнэ нь нэмэгдэнэ. Өнөөдөр гэхэд “Алтан тариа”-ны гурил нэг килограмм нь 80-100 төгрөгөөр нэмэгдэж илрээ. “Лапшаа” зэрэг  монгол гоймон ч үнэ нь нэмэгдсэн. Өмнө нь нэг килограмм будаа/25 кг/45 мянган төгрөгөөр зарж байсан. Одоо бидэнд 50 мянган төгрөгөөр бөөндөөд авах будаа олдохгүй байна. Байгаа будаагаа хэдээр зарах вэ гээд бодоод сууж байна. Өнгөрсөн долоо хоногоос эхлээд л хүмүүсийн худалдан авалт нэмэгдсэн. Хүмүүс нөөцөлж байгаа болохоор л худалдан авалт ийм их болж байгаа. Нэг хүн дор хаяж хоёр шуудай гурил, нэг шуудай будаа авч байна” гэлээ.

Харин төмс, хүнсний ногооны үнэ харьцангуй тогтмол байна. Төмс 800, лууван 1500, сонгино 1500-3500, сармис 7000 төгрөгийн үнэтэй байлаа.

Үнэнийг хэлэхэд худалдагчийн хэлж буй шиг шуудай шуудайгаар нь гурил, будаа авч буй хүнтэй таараагүй юм. Харин иргэд өөрийн хэрэглээнд тохируулан таван килограммаар савласан будаа, гурил болон бага зэргийн мах л авч яваа харагдсан юм.

НӨӨЦЛӨХ ШААРДЛАГАГҮЙ Ч ҮНЭ НЬ НЭМЭГДСЭН БАЙНА

Иргэдийн төлөөлөл ийн ярьсан юм.

-Цагаан сарыг өргөн хүрээнд тэмдэглэхгүй ч гэрийнхэнтэйгээ бууз хийж идээд, сүртэй биш ч таваг засна. Өнөөдрийн хувьд буузаа хийх бага зэргийн мах, таван килограмм гурил авлаа. Хүнсний бүтээгдэхүүн нөөцөлсөн зүйл бол байхгүй. Угаасаа нөөцлөх шаардлагагүй гэдгийг албаны хүмүүс хэлж байсан шүү дээ. Гэхдээ хүнсний бүтээгдэхүүний үнэ бол нэмэгдсэн байна.

 

Энэ мэдээнд өгөх таны сэтгэгдэл?
12
ТэнэглэлТэнэглэл
5
ЗөвЗөв
5
ГайхмаарГайхмаар
3
ХахаХаха
3
БурууБуруу
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Bvrnee 2020-02-17 202.126.88.149

Mahnii vne ih osoj bna

Avatar

Bataa 2020-02-17 64.119.21.127

Benzinii unees bolj nemegdseen geech

Avatar

Зочин 2020-02-17 117.111.15.125

Хүн ирэхгүй юм чинь ууц өвчүүний хэрэг юу байх вэ дээ тавгаа сайхан засаад бууз салатаа хийгээд болоод явчихна

Avatar

Цээгий 2020-02-17 202.126.88.154

Захийг хаана гэж худал цуурхал тарааж байгаа нь махны үнийг барьж байгаа хүмүүстэй холбоотой шүү экспортонд гаргах гэж байсан махаа төр одоо гаргах хэрэгтэй

Avatar

б 2020-02-17 103.229.121.12

Худлаа цуурхал тараан, үнэ нэмж байгаа энэ муу гурил будааны ченжүүдийг шалгаад хариуцлага ногдуулаачээ. Шударга өрсөлдөөн, хэрэглэгчийн төлөө газар гэж ямар ч ажил хийдэггүйй малнууд байна. Магнайгийн үед овоо юм хийгээд байсан чинь одоо бүүр алга боллоо.

Avatar

Хүннү 2020-02-17 202.179.26.193

Цагаан сараар айл болгон ууц өвчүү тавих албагүй. Энэ баярыг өвөг дээдэс маань өвлийн хахир хүйтэнг онд тарган орсныг бэлэгдэж тэмдэглэн иржээ. Зөвөхн монголчууд тэмдэглэдэггүй азийн бүх орон тэмдэглэж байна. Монгол хүн атаархуу нэрэлхүү. Нэгнээсээ илүү харагдах гэж өрсөлдөж энэ баярын утгыг алдагдуулсан. Түүнээс биш цагаан сараар торгон дээл өмсөж том том чулуу барьж үнэтэй машин уна гэсэн ёс жаяг байхгүй. Өөрснөө атаархуудаа ёс жаягаа эвдчихээд бүх бурууг “цагаан сар”-д чихэх хэрэггүй л дээ.

Avatar

Зочин 2020-02-17 207.6.112.23

Harin tiim

Avatar

Sanah tun 2020-02-17 116.84.110.6

Yag yas yumandaa bol ert uied tahilgun shuus gej tsus dusaahgui argaar honi tuhuurch uuts tavidag baisan bilee. Tsagiin yavtsad uuts n taij, noyod, hamba lam naryn shireen deerh bayar eslolyn zoog bolson tuuhtei. Harin odoo bugd l yazguurtan boloh gesen hiirheldee avtan uuts tavidag boljee.
Ugtaa bol jiriin humuus zugeer l saihan mah chanaad l tsar deer tavidag baisan gedeg. Odoo baruun aimguudiin zarin nutgaar ene zuv yos zanshil hadgalagdan uldejee.

Avatar

ard 2020-02-17 202.9.46.85

muusain maxnii chenjvvvd odooo hymd zardan deeer shulaaachidddd

Avatar

zochin 2020-02-17 202.21.100.210

ха ха шуум гэнээ ,ямар сургууль нь ийм сэтгүүлч төгсгөөд байна аа ,эмгэнэлтэй юм

Avatar

Зочин 2020-02-17 66.181.185.144

чоно борооноор, муу хүн сиймхийгээр гэж. хэдэн ченжүүд л үнээ нэмж байгаа л даа

Avatar

Зочин 2020-02-17 192.82.73.134

Цагаан сар ч гэх шиг,энэ баярыг больвол яасан юм бэ?Социализмын үед бол яах вэ,оросын эзлэн түрэмгийлэл,дарангуйллыг эсэргүүцэж тэмдэглэж байсан гэсэн,одоо бид оросын бүрэлдэхүүнээс гарч бие даасан юм чинь талархлын баяр,зул сарын баяр гээд дэвшилтэт хүмүүсийн баярыг тэмдэглэдэг болвол яасан юм бэ.

Avatar

Хүннү 2020-02-17 202.179.26.193

Ёс заншлаа мэдэж олон юм ярь. Талархалын баяр гэж юу байсан юм. Хоёрын хооронд мэдэгч биш мэддэгүйч биш толгойтой юмнууд ингэж хоосон хуцах хэрэггүй. Энэ удаад аюулт өвчнөөс болоод төр засгаас хол хорио тогтоогоод байна, түүнээс биш цагаан сарын баяр байдгаараа л байна. Чи дургүй бол больчхож болно, чамайг хэнч албадаагүй. Чадахгүй бол хүн бүү дуурай, нэрэлхүү атаархуу зангаа боль өөрийнхөөрөө бай за…

Avatar

Зочин 2020-02-17 66.181.161.33

Энэ нэг жүүдийн шавхруу долоогч христийн бутач л***р биз…талархалын зул сар мар гэж христийн бутачийн жүүд баярыг бас дэвшилтэт гэж шаааччээ…монгол уламжлалыг устгах ажилд энэ мэт зомби болсон тархиа угаалгасан итгэгч гэсэн л******д байдаг юм…хаа газар нь нам цохих хэрэгтэй.

Avatar

Зочин 2020-02-17 207.6.112.23

Amerikdaa l teriigee ter devshiltet humuusteigee temdegle! Shal teneg yum yarih um. Uls bolgon oorsdiin uuh tuuhtei es zanshilgtai ter daguugaa yu hiihee medne, Devshiltet humuusiin bayar genee Zul sar,thanksgiving geed.. ha ha estoi naad zahiin oilgoltgui dinhuu amitan be ch. Christiin sumeer humuujsen suns uu?

Avatar

Малчин 2020-02-17 202.21.127.161

Ууц, өвчүү гээд гээд үзэмжийн юмаа бүр халах хэрэгтэй. Манайхан ийм дэмий юманд мөнгөө үрэхээ боливол мөн ч хэрэгтэйсэн. Эх захгүй утга учиргүй морь, бөх гэхээ ч болих хэрэгтэй. Байлгавал хуучин уламжлалт хэлбэрээр нь үнэхээр л төрмөл бөх, төрмөл морь, уяач, дасгалжуулагчийн хөдөлмөр шингэсэн байдалтай байлгавал зохино. э****з адууг оруулж ирж, монгол морьны цусыг бохирдуулж, уламжлалт соёлыг өнгө мөнгөний уралдаан болгосон баячуудаас болгоомжлох хэрэгтэй

Avatar

Зочин 2020-02-17 64.119.23.224

За даа Цагаан сар, Улсын наадам, элдэв одон медаль, хурим, хөдөөд өнөө "босоо адуу", гэрийн бүрээсийн найраа бүр халчихгүй юм гэхэд тун хямгатай хийдэг болчихвол ч Монгол айл өрх бүрийн амьдрал сэв хийгээд босчихгүй ч өр зээлээс их л холдоод явчихна даа, уг нь. Туршаад үзээрэй, Баараггүй шүү.

Avatar

Зочин 2020-02-17 203.217.139.225

Зуд болохоор нохой, баяр болохоор ченж, лангууныхан баярладаг муухай юм.
Ингэж түмний х****л идэж үнэ өсгөж олсон хэдэн төгрөг юм болдог юм болов уу, чааваас

Avatar

Зочин 2020-02-17 66.181.161.24

Цагаан сарыг хотод тэмдэглэх нь утгагүй. Тэгээд бүтэн сараар хойшилж худлаа өдөр хийх гэж тэнэгтэнэ. Ёстой бүтэхгүй.

Avatar

Зочин 2020-02-17 202.9.47.20

Цас бороо орлоо гээд л барааны үнэ нэмэгддэг орон манайхаас өөр байдаг болов уу. Үхэрүүд

Avatar

Зочин 2020-02-17 103.229.122.75

Муу малаа "шуум" гэж юуг хэлээд байнаа эргүй чинь! Оросоор нэг үг ч мэдэхгүй байж маягладаг тэнэг вэ?? Оросоор шума гэдэг гээд бичиж чадаж байж шуум гэж тэнэгтээ…

Avatar

Зочин 2020-02-17 66.181.167.239

Харин тийм ээ. Энэ сэтгүүлч нар үнэхээр бичгийн чадвар алга. "… анхны хүн нас барлаа" гэж бичсэн мэдээ ч байх юм

Avatar

Зочин 2020-02-17 66.181.185.144

ккк. харин ч оросоор шум гэж бичнэ шүү. юун шума

Avatar

Зочин 2020-02-17 66.181.170.73

зөв зөв энэ мэт хойшдоо ч наад цагаан сар гэж балай юмаа хийхээ боль хийсэн ч ууц өвчүү тавихаа больсон дээр.ямар хоёр өдөр найрлаад үхэх гэж байгаа биш өр зээл тавин барин хэдэн өлөн ченжүүдийг цатгах албатай юу. хоносон идэх муу гээд байхад халуун газар өчнөөн хоносон хонины өөх идэх тэнэг орчин үед үгүй болсон.

Avatar

Зочин 2020-02-17 207.6.112.23

Yag unen. Ter hodoo mal ni ond targan orson gej bayarlazgaana biz. Bid nar hotod orond orsnii bayar gej hiij baigaa um shig jinhene yadargaa, er ni shal utgagui teneg bayar. Tegj hamaatan sadantai zaaval uulzah geed bgaa humuus jiriin odor h** shig nuur nuuree haraad uulzaj yarih 365 honog baina. Durtaa odroo uulzana biz, Ter uuz gesen boon har ooh, idezgeegeed zagaan sariin daraa hogshchuul bugd bie ni muudna, zurkhnii shigdees , zos ni otgoroh hodood gedes ni tugjreh geed boon gai

Avatar

Зочин 2020-02-17 64.119.24.169

Тэр шуудай гэдгээ .уут л байлгүй дээ

Avatar

Зочин 2020-02-17 64.119.24.169

Ууц өвчүү тавьдаг заншлыг л орчин цагт нийцүүлж цаашдаа хүмүүс .зохицуулмаар санагддаг .орлуулөх цөөхөн мах закуск маягаар ч юм уу.махыг дахин дахин гараар бариад л нэг л эвгүй дээ.тэгээд л уддаг эрүүл мэндэд хор л болно доо.

Avatar

Зочин 2020-02-17 203.169.49.104

Цагаан сарын үнэ огцом унана.

Avatar

Доко 2020-02-17 202.21.108.176

Энэ новшийн худалдаачид худлаа үнэ нэмээд байх юм хэн шуудай гурил авман юм

Avatar

Зочин 2020-02-17 207.6.112.23

Hudlaa hoorch ochij ondor uneer avch baigaa shunhai teneg humuus oorsdoo l hohirch baigaa hohi ni sh dee. Boon shunal dandaa avna idne uuna huraana gej yavsaar amidralaa urj bgaa maanag humuus tegeed yavj l baig.

NewsMN Гар утасны хувилбар Татах
NEWS.mn

Мэдээллийн эх сурвалж