Ирак нийслэл Багдадын дахь АНУ-ын элчин сайдын яамны “Ногоон бүс”-рүү өнөөдөр өглөө /2020.02.16/ хэд хэдэн пуужин харважээ. Халдлагын улмаас хүний амь нас хохирсон эсэх нь одоогоор тодорхойгүй байна. Мөн хэдэн пуужин, хэн харвасан нь ч тодорхой бус байгаа аж. Эх сурвалжуудын мэдээлж буйгаар “ногоон бүс”-ийн дээгүүр үл мэдэгдэх онгоц нисч өнгөрсний дараахан хэд хэдэн дэлбэрэлтүүд болжээ.

Гэхдээ энэхүү халдлага нь Ирак дахь Ираны Хашедын бүлэглэлүүдийн нэг “Харакат аль-Нужаба” Америкийг Иракаас цэргээ гаргахыг шаардсанаас хэдхэн цагийн дараа болсон байна.  Тус бүлэглэл твиттертээ АНУ-ын цэргийн машины зургийг “Бид та нарын бодсоноос илүү ойрхон байгаа” гэсэн утгатай тайлбартайгаар нийтэлсэн байна. Энэ нь өнгөрсөн оны аравдугаар сараас хойш тус бүс рүү халдаж буй 19 дэх халдлага болж байгааг АНУ-ын тал мэдэгдлээ. Тус бүсэд АНУ-ын 5,200 орчим цэрэг байрладаг.

Эх сурвалж: RT