Махны үнэ буурч, ногооны үнэ өсчээ | News.MN

Махны үнэ буурч, ногооны үнэ өсчээ

Махны үнэ буурч, ногооны үнэ өсчээ

Махны үнэ буурч, ногооны үнэ өсчээ

Сар шинийн баяртай холбоотой хүнсний бүтээгдэхүүн тэр дотроо мах, махан бүтээгдэхүүний үнэ өсдөг нь бичигдээгүй хуультай. Энэ жилийн хувьд цагаан сар хаяанд ирсэн энэ үед махны үнэ түүхэндээ анх удаа буурч байна.

Нийслэлийн статистикийн газраас долоо хоног бүр гаргадаг судалгаанаас ажиглахад махны үнэ нэгдүгээр сард 14 мянган төгрөгт хүрсэн бол өнгөрсөн долоо хоног 12 мянга болж буураад байна. Махны үнэ буурахад нөлөөлөх хүчин зүйлс нь дулааны аргаар боловсруулсан махны экспорт тодорхойгүй хугацаагаар зогссон мөн нэгдүгээр сард болсон БНХАУ-ын Хубэй мужийн Ухань хотод гарсан коронавирусийн, Хунань мужид гарсан H5N1 буюу шувууны томуу өвчин гарсан явдал юм.

Нийслэлийн статистикийн хорооноос долоо хоног бүр гаргадаг үнэ ханшийн мэдээллийг хүргэж байна. Өнгөрсөн долоо хоногт махны үнэ буурч, ногооны үнэ өсчээ.

МАХНЫ ҮНЭ:

Хоёрдугаар сарын II долоо хоногт хонины ястай мах нэг килограмм нь дунджаар 9633 төгрөг, үхрийн ястай мах нэг килограмм нь дунджаар 11399 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 53 төгрөгөөр (0.5%), үхрийн цул махны үнэ 239 төгрөгөөр (1.8%) тус тус буурсан байна. Энэ долоо хоногийн ажиглалтаар үхрийн ястай мах “Хүчит шонхор” хүнсний захад хамгийн хямд буюу 10000 төгрөг, Харин “Меркури” хүнсний захад хамгийн өндөр үнэтэй буюу 14000 төгрөг байна. Өмнөх долоо хоногтой харьцуулахад хонины ястай махны үнэ 44 төгрөгөөр (0.5%), хонины цул махны үнэ 412 төгрөгөөр (4.5%) тус тус өссөн байна. Энэ долоо хоногийн ажиглалтаар хонины ястай мах “Хүчит шонхор” хүнсний захад хамгийн хямд буюу 8300 төгрөгөөр, харин “Меркури” хүнсний захад хамгийн өндөр үнэтэй буюу 13000 төгрөгөөр худалдаалж байна.

ГУРИЛЫН ҮНЭ:

Хоёрдугаар сарын II долоо хоногт нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1419-2000 төгрөг, 1-р зэргийнх 1179-1500 төгрөг, 2-р зэргийнх 800-1100 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1390-1500 төгрөгийн үнэ ханштай байна. Харин “Хүчит шонхор”, “Баянзүрх”, “Барс” хүнсний захуудад дээд зэргийн “Алтан тариа” гурил 1400 төгрөг, 1-р зэргийн гурил 1200 төгрөгөөр тус тус зарагдаж байна. “Атар” талх хүнсний зах, дэлгүүрт 1200-1399 төгрөгийн үнэтэй байна. “Хүчит Шонхор”, “Хархорин”  хүнсний захуудад “Атар” талхыг хамгийн хямд буюу 1200 төгрөгөөр, харин “Номин” супермаркетад хамгийн өндөр үнээр буюу 1399 төгрөгөөр худалдаалж байна.

ХҮНСНИЙ НОГООНЫ ҮНЭ:

Хоёрдугаар сарын II долоо хоногт өмнөх долоо хоногтой харьцуулахад монгол төмс 1.0 хувиар буурч 814 төгрөг, байцай 0.5 хувиар өсч 1684 төгрөгөөр тус тус худалдаалагдаж байна. Харин бусад хүнсний ногооны үнэ тогтвортой байлаа.

Б.ЦЭЦЭГ

Энэ мэдээнд өгөх таны сэтгэгдэл?
4
ХарамсалтайХарамсалтай
2
ХөөрхөнХөөрхөн
2
ТэнэглэлТэнэглэл
2
БурууБуруу
1
ХахаХаха
0
ЗөвЗөв
0
ГайхмаарГайхмаар
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2020-02-16 66.181.161.45

haanaas ch haraad yne togtoogood bdagiin

Avatar

Туяа 2020-02-16 202.9.40.84

Худлаа 14,500 гэж байна. Захаас гадна хороололууд дунд байдаг махны дэлгүүрүүдийн үнийг судлаад статистик судалгаа хийж баймаар байна.

Avatar

Зочин 2020-02-16 202.126.89.172

Ih idsenii daraa unj

Avatar

Зочин 2020-02-16 182.160.37.230

Байцаа 2500 төгрөг болсон.

NewsMN Гар утасны хувилбар Татах
NEWS.mn

Мэдээллийн эх сурвалж