Жиоржиа мужид амьдардаг таван настай хүү шатаж буй гэрээсээ дүү, нохой хоёроо аварч баатар болсон байна. Хоёрдугаар сарын 9-нд Ноа Вүүдс хүү гэртээ унтаж байгаад утааны үнэрээр сэржээ. Гэтэл хүүгийн хоёр настай охин дүү Лилитэйгээ хамт унтдаг өрөөнд гал гарч байх нь тэр.

Хүү яаралтай босч дүүгээ тэврээд, өөр гарах гарц байгаагүй учир цонхоор үсэрчээ. Хамгийн гайхалтай нь түүний эрэлхэг зориг үүгээр дууссангүй. Дүүгээ галаас эсэн мэнд аварсны дараа Ноа нохойгоо аврахаар шатаж буй гэр лүүгээ гүйн оржээ. Нохойгоо аварчхаад хүү хөрш айлд суудаг хамаатандаа нөхцөл байдлыг хэлснээр гэр бүлийнхээ бусад гишүүдээ аварсан байна.

Гал Ноа, Лили хоёрын унтлагын өрөөн дэх залгуур хэт халснаас болж гарсан аж. Гал сөнөөгчид ирэхэд гэр бүлийн есөн гишүүн бүгд аврагдсан байсан бөгөөд Ноа болон өөр дөрвөн хүн бага зэрэг түлэгдэж, угаартсан байсанд анхны тусламж үзүүлжээ.

Бартоу хотын гал унтраах газар Ноа хүүг Бартоу хотын хүндэт гал сөнөөгч хэмээх болж, гал унтраах газрын дарга Дуэйн Жэймисон хоёрдугаар сарын 14-нд хүүд шагнал гардуулсан байна. Энэхүү хүндэт шагналыг ихэнхдээ мэргэжлийн, олон жилийн туршлагатай гал сөнөөгчид авдаг аж.

Харамсалтай нь, хүүгийн гэр бүлийнхний байшин авах юмгүй болтлоо шатсан бөгөөд тэд одоо буцаж хөл дээрээ босохын тулд хандив цуглуулж буй юм байна.

Эх сурвалж: UNILAD.CO.UK