Өршөөл үзүүлэх тухай хуульд нэмэлт, өөрчлөлт оруулах тухай хуулийг баталлаа | News.MN - Мэдээллийн эх сурвалж

Өршөөл үзүүлэх тухай хуульд нэмэлт, өөрчлөлт оруулах тухай хуулийг баталлаа

Хуучирсан мэдээ: 2015.10.29-нд нийтлэгдсэн

Өршөөл үзүүлэх тухай хуульд нэмэлт, өөрчлөлт оруулах тухай хуулийг баталлаа

Монгол Улсын Их Хурлын 2015 оны намрын ээлжит чуулганы өнөөдрийн /2015.10.29.Пүрэв гараг/ үдээс хойших нэгдсэн хуралдаанаар Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Хуулийн төслийг хэлэлцэж эхлэхийн өмнө Транспэрэнси Интернэшнл байгууллага Өршөөлийн хууль хэлэлцэж буйтай холбогдуулан Монгол Улсын Их Хурал, Засгийн газарт хандаж захидал ирүүлсэн талаар хуралдаан даргалагч танилцуулж, уг захидлыг гишүүдэд тараасан гэдгийг дуулгав.

Улсын Их Хурал Ерөнхийлөгчийн хоригийг хүлээж авсантай холбогдуулан Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай хуулийн төслийг боловсруулсан талаарх Хууль зүйн байнгын хорооны танилцуулгатай холбогдуулан Улсын Их Хурлын гишүүн Н.Батбаяр, Х.Тэмүүжин, Ё.Отгонбаяр, Л.Энх-Амгалан, О.Содбилэг, С.Дэмбэрэл, С.Бямбацогт нар байр сууриа илэрхийлж санал хэлсэн бол Ё.Отгонбаяр, Ж.Энхбаяр, Ц.Нямдорж, Н.Энхболд нар асуулт асуув.

Гишүүд асуулт асууж, санал хэлж дууссаны дараа Өршөөл үзүүлэх тухай хуульд нэмэлт, өөрчлөлт оруулах тухай хуулийн төслийн талаарх Хууль зүйн байнгын хорооны хуралдаанаас гаргасан зарчмын зөрүүтэй саналын томьёоллоор нэгбүрчлэн санал хураалт явуулсан юм. Санал хураалтын явцад гишүүд өөрсдийн байр сууриа илэрхийлсэн юм.

Хууль зүйн байнгын хорооны хуралдаанаар дэмжээгүй “Бусдын эд хөрөнгийг залилан мэхэлж авах”, “Төрийн албан тушаалтан албаны эрх мэдэл буюу албан тушаалын байдлаа урвуулах”, “”Төрийн албан тушаалтан эрх мэдлээ хэтрүүлэх”, “Хууль бусаар хөрөнгөжих”, “Төсвийн хөрөнгийг зориулалтын бусаар зарцуулах” зарчмын зөрүүтэй саналуудыг чуулганы нэгдсэн хуралдаанд оролцсон гишүүдийн дийлэнх олонх нь дэмжсэнгүй. Ингэснээр дээрх хэргүүд өршөөлд хамрагдахгүй болж байгаа юм. Харин байнгын хорооны хуралдаанаар дэмжээгүй “Бусдын эд хөрөнгийг завших, үрэгдүүлэх” зарчмын зөрүүтэй санал олонхийн дэмжлэг авсан тул өршөөлд хамрагдахаар болж байна.

Ингээд Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай хуульд нэмэлт, өөрчлөлт оруулах тухай 4 зүйл бүхий хуулийг бүхэлд нь батлах санал хураалт явуулахад нэгдсэн хуралдаанд оролцсон гишүүд 91,2 хувийн саналаар дэмжсэнээр хууль батлагдлаа. Уг хуулийг баталсан өдрөөс нь эхлэн дагаж мөрдөх юм байна.

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

тэнгэрийн бөө 2015-10-29 43.242.243.198

Нөгөө Гүндалай ... өөр бас бус хүмүүсийг эргэж шалгаад авилгын журмаар сэргээх нь буруугүй.

Зочин 2015-10-29 103.229.121.221

Энэ хуулиндаа Элбэгдорж өөрөө оймсоо гозолзуулна даа гозолзуулна хахаха

Зочин 2015-10-29 202.70.37.34

Бусдын хөрөнгийг завших үрэгдүүлэх хэргийг өршөөх нь буруу. Төрийн өмчит компанийн өмчийг завшихад болох юм байна. Ял байхгүй

Зочин 2015-10-29 202.70.37.34

Бусдын хөрөнгийг завших үрэгдүүлэх хэргийг өршөөх нь буруу. Төрийн өмчит компанийн өмчийг завшихад болох юм байна. Ял байхгүй

Irgen 2015-10-29 110.3.33.154

Ashguidee. Olnii sanaa bodliig urt hugatsaand uimuulsen huuli batlagdaj olon ardiin zoo ni teniijdee. Er ni bugdiig ni l orshooh hetegtei baisan umdaa.

зочин 2015-10-29 103.10.23.50

АН өөрсдийнхөө гараар өөрсдийнхөө ирээдүйг сүйрүүллээ. Эмэгнэл илэрхийлье

Зочин 2015-10-29 122.201.22.87

ЗӨВ ШҮҮ

Зочин 2015-10-29 103.229.123.205

Бусдын хөрөнгийг завшсан луйварчингууд өршөөгдаж байгаа нь харамсалтай байна. энэ эргүү амьтад энийг өршөөгөөд байх да яахав дэ.

адсага 2015-10-29 80.123.20.98

Ард түмэн ямартай ч нэг гүнзгий амьсгаа аваадтайвшрах тийшээ болох шиг боллоо Гэхдээ ИХ сайн гэж магтан дуулах хүрэтэл мѳн ч хол байна даа!

ghjhnbhg 2015-10-29 202.179.10.150

Ашгүйдээ,өршөөлийн хуульд ерөнхийлөгчийн тавьсан хориг ийнхүү биелэгдсэн нь сайн хэрэг,харамсалтай нь зарим нэг авгайн өмд нойтон харих болтой,маргаашнаас пампирастай явах биз