Ерөнхийлөгч Х.Баттулга хамгийн чухал албаа Ө.Шижирт даатгалаа.

“Төрийн ордны тайган” нэр зүүх болтлоо Ерөнхийлөгчийн Тамгын газрын даргаар ажилласан З.Энхболд УИХ-ын сонгуулийн бэлтгэлээ базаахаар болж, явж байна. Ерөнхийлөгч Ө.Шижирт төрийн тамгыг атгуулахын тулд өнгөрсөн оноос орон тооны бус зөвлөхөөрөө ажиллуулж, бэлтгэл хангаж эхэлсэн гэж яригддаг.

Гэхдээ үе, үеийн Ерөнхийлөгч нар энэхүү чухал албанд төрийн ажилд нухлагдсан, хамгийн итгэлтэй хүнээ томилж ирсэн жишигтэй бол энэ удаад Монголын хөлбөмбөгийн холбооны ерөнхий нарийн бичгийн даргаар ажилладаг залууд даатгасан нь олны анхаарлыг илүүтэй татаад буй юм. Түүнийг З.Энхболд даргын дайтай ажиллаж чадах уу гэдэгт олон хүн эргэлзэж буй юм. 

Ө.Шижир нь Ерөнхийлөгч Х.Баттулгыг Зам тээвэр, барилга хот байгуулалтын сайдаар ажиллах үед сайдынх нь ажлын албанд ажиллаж байсан бол дүү Х.Баттуулынх нь туслахаар мөн ажиллаж байсан гэх мэдээлэл байна.

Г.ХОРОЛ