Санхүүгийн зохицуулах хорооны дэд дарга Н.Хүдэрчулуун, Т.Цэрэнбадрал нар Монголын даатгалын холбоо, Монголын даатгалын зуучлагчдын холбоо, Монголын хөрөнгө, хохирол үнэлэгчдийн холбоодын удирдлагуудыг хүлээн авч уулзав.

Уулзалтын үеэр даатгалын салбарын мэргэжлийн холбоодын хийж буй гол ажлууд, цаашид хэрэгжүүлбэл зохих үйл ажиллагаа, санал санаачилгыг сонсож, Хорооны үйл ажиллагаатай холбоотой мэдээлэл өглөө.

Холбоодын зүгээс хийж буй ажлаа танилцуулж, даатгалын зах зээлийг тэлэх, даатгалын хууль, тогтоомжид нэмэлт өөрчлөлт оруулах, шинэ техник, технологийг хөгжүүлэх, иргэдийн санхүүгийн боловсролыг дээшлүүлэх зэрэг асуудлыг хамтран шийдвэрлэх талаар саналаа илэрхийлэв.

ЭХ СУРВАЛЖ: СЗХ