"Өндөржүүлсэн бэлэн байдалд шилжихэд сандрах хэрэггүй" | News.MN

"Өндөржүүлсэн бэлэн байдалд шилжихэд сандрах хэрэггүй"

"Өндөржүүлсэн бэлэн байдалд шилжихэд сандрах хэрэггүй"

"Өндөржүүлсэн бэлэн байдалд шилжихэд сандрах хэрэггүй"

Нийслэлийн онцгой комиссоос /НОК/ өнөөдөр /2020.02.13/ цаг үеийн асуудлаар мэдээлэл хийлээ. НОБГ-ын Гамшгаас урьдчилан сэргийлэх хэлтсийн дарга Г.Нэргүй “Хоногийн хугацаанд яаралтай түргэн тусламжийн утсанд угаарын хийнд хөнгөн хэлбэрээр хордсон нийт найман дуудлага ирсэн. Зургаан хүүхэд, таван том хүн зөвлөгөө аваад гэртээ буцсан. Өнөөдрийн байдлаар нэг том хүн, нэг хүүхэд эмнэлэгт хэвтэн эмчлүүлж байна. Дуудлагын шалтгаан нөхцөл нь яндан намхан, шахмал түлшийг дүүртэл хийсэн гэсэн шалтгаанаар хордлогод орж, дуудлага өгчээ.

Өчигдөр олон нийтийн сүлжээгээр нэгэн эмэгтэй худал мэдээлэл цацсан. Уг мэдээлэлд “манай найзын дүү Нийслэлийн онцгой комисст ажилладаг. Дайны байдалд шилжиж байна. Хүнсээ базаагаач ээ. Хөвсгөл аймагт гарсан халдвар авсан нь тогтоогдсон” гэсэн ноцтой мэдээлэл цацсан. Дайн бүхий бэлэн байдалд шилжлээ гэдэг нь худал мэдээлэл. Худал мэдээлэл цацсан этгээдийг Тагнуул, цагдаа тодруулаад газар орны байршлыг амархан тогтоочихно.

Цагаан сарыг тэмдэглэхгүй байх Монгол Улсын Ерөнхийлөгчийн зарлиг гарсан. Үүнтэй холбоотой Засгийн газрын тогтоол гарч байгаа. Энэ дагуу НОК нээлттэй хуралдаж, ямар төлөвлөгөөгөөр ажиллах талаар нээлттэй хуралдсан.

Цагаан сарыг өргөнөөр тэмдэглэхгүй, зах худалдааны төв хаагдахгүй. Дээрээс нь онц байдал зарлаагүй. Гамшгаас хамгаалах өндөржүүлсэн бэлэн байдлын зэрэгт өнөөдрөөс эхэлж тодорхойгүй хугацаагаар шилжиж байна. Айж сандраад байх юм байхгүй.

Гамшгаас хамгаалах өндөржүүлсэн бэлэн байдалд шилжинэ гэдэг нь улс орны хэмжээнд болон хэсэгчилсэн байдлаар шилжиж байна. Зарим аймгууд хоёрдугаар сарын 13-наас өмнө шилжсэн. Тухайлбал, Өмнөговь, Хөвсгөл, Баян-Өлгий гэх мэт.

Өндөржүүлсэн бэлэн байдалд шилжинэ гэдэг айж сандрах зүйл биш. Болзошгүй халдварт өвчнөөс урьдчилан сэргийлэх мэдээллийг иргэдэд түргэн шуурхай хүргэх, аж ахуй нэгж байгууллагууд хэвийн ажилладаг түвшнээс арай өөр бэлэн байдалд буюу тусгай горимд шилжиж ажиллах зэргийг хэлж байгаа юм.

Тухайн улс орон гамшиг, халдварт өвчинтэй тэмцэх нөөц хүч, техник хэрэгслээ бэлэн байдалд оруулахыг хэлж байгаа юм. Тиймээс сандралдах хэрэг байхгүй. Манай улсад халдвар бүртгэгдээгүй. Төр засгийн болон тухайн нийслэл, аймаг сум дүүргээс гарч буй шийдвэрийг хэрэгжүүлэн амны хаалт, бээлийгээ өмсөх хэрэгтэй.

Мөн 120 мянган угаарын хийн мэдрэгч энэ сард ирэх боломжгүй. БНХАУ тодорхойгүй хугацаагаар хөл хорио тогтоосон байгаа учраас хоёр сардаа ирэх боломжгүй юм.

Барьцалдуулагч бодисын тухайд “Тавантолгой” түлш компаниас мэдээлэл авсан. Одоогоор арав хоногийн нөөц байгаа. БНХАУ-ын үйлдвэрүүд зогссонтой холбоотойгоор тээвэр хийгдэж байсан нөөцийг Эрээн хотод татаад авчихсан. Одоо наашаа вагоноор нэвтрүүлэх гэж байна. Өчигдрийн байдлаар 50 тонн барьцалдуулагч бодис хилээр ороод ирсэн. Өнөөдрийн байдлаар 3-4 машин оруулж ирэх гэж байна. Бид эрсдэлээ тооцож ОХУ-аас барьцалдуулагч бодис татан авах боломжтой юм байна гэдгийг тооцсон" гэлээ.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
6
ЗөвЗөв
2
ХөөрхөнХөөрхөн
2
ГайхмаарГайхмаар
1
ТэнэглэлТэнэглэл
1
БурууБуруу
0
ХахаХаха
0
ХарамсалтайХарамсалтай
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-02-13 66.181.161.1

Гандангийн Чойжамцын идэт үрэлийг ихээр хийж урд хөршдөө хүмүүнлэгийн тусламж үзүүлэхсэн. Цаашлаад анагаах ухааны салбарт Нобель авахад дэвшүүлэх саналтай байна.

Avatar

Зочин 2020-02-13 66.181.161.1

Гандангийн том толгой лам нар чинь олон түмний толгой эргүүлсэн, ашиг харсан өвчин зовлон цагын байдлыг далимдуулсан луйврыг шалгаач холбогдох байгууллагууд. Цагаан сарын ашиг орлогоо алдах гээд юу ч хийхээс буцахаа болисон Чойжамц тэргүүтэй лам нар олон нийтийг цуглуулж ном хурах, сүсэг бишрэл далимдуулан үрэл энэ тэр тараах гэх шиг улсаас тавьж буй бүх арга хэмжээний чинь эсрэг зүйлс тарааж байна.

Avatar

иргэн 2020-02-13 202.179.24.54

энэ Орон сууцны конторын Слесарууд дуудлагаар Айлуудаар орох доо ямарч Маск амны хаалтгүй шууд л орж ирж байна ш дээ,

Avatar

Зочин 2020-02-13 122.201.31.193

Маск өгчихөөч дээ

Avatar

Зочин 2020-02-13 202.21.127.161

Онцгой байдлынхандаа баярлалаа. Үлээдэг нөхдүүд амнаасаа болж ачигдана шүү. Одоо гэрийн чинь гадаа цагдаагийн машинтай очиж явна. Дулаан хувцасаа бэлдээрэй. Хөдөө хэд хоног төл дээр ажиллуулж, нийгэмд тустай хөдөлмөр хийлгэж шийтгэнэ. Амаа хамхиж явах чинь яав.

Avatar

Зочин 2020-02-13 66.181.169.116

Цуурхал тарааж хүн, амьтныг үймүүлэгчид олон гарч мэдэх тул хууль хяналтынхан шуурхай ажиллаж тухай бүр нь таслан зогсоох хэрэгтэй. Цуурхал тараагчдыг баривчилж, худлаа ярьсан гэдгийг нь өөрсдөөр нь хэлүүлж олон нийтэд ил тод мэдээлэх хэрэгтэй байна.

Avatar

Зочин 2020-02-13 202.131.227.82

далимдуулагчидыг яах вэ

Avatar

Зочин 2020-02-13 66.181.161.105

Сүх далайтал үхэр амар гэж. Болоогүй юманд шууд автаад байдаг тэнэг юм. Үхэр нь унтаад сайхан байнаа гэж.

Avatar

Зочин 2020-02-13 202.179.25.119

Өндөржүүлсэн бэлэн байдалтай холбоотой Орон сууцны конторууд хүртэл сүрдүүлсэн худал шаардлага тавьж байгааг болиулах ёстой. ОСК-ын мэдэгдлийн агуулга нь тоолуурын заалтаа онц байдал зарласантай холбоотой яаралтай өг. Өгөхгүй бол 3 сар хүртэл хугацаагаар торгоно гэсэн. Энэ асуудлыг зохицуулдаг төрийн байгууллага байна уу

Avatar

Зочин 2020-02-13 66.181.161.90

хэ хэ

NewsMN Гар утасны хувилбар Татах
NEWS.mn

Мэдээллийн эх сурвалж