Цэцийн гишүүд шалтаг заав уу, шалтгаантай байв уу? | News.MN

Цэцийн гишүүд шалтаг заав уу, шалтгаантай байв уу?

Цэцийн гишүүд шалтаг заав уу, шалтгаантай байв уу?

Цэцийн гишүүд шалтаг заав уу, шалтгаантай байв уу?

Шинэ төрлийн коронавирусийн эрсдэлээс урьдчилан сэргийлэх чиглэлээр гуравдугаар сарын 02-ны өдрийг хүртэл олон нийтийг хамарсан аливаа үйл ажиллагаа зохион байгуулахыг хориглосон. Засгийн газрын уг шийдвэрийн дагуу Үндсэн хуулийн Цэцийн хуралдаанууд ч мөн хойшлогдож байгаа нь анхаарал татаж байна.

Уг нь олон нийтийн арга хэмжээ гэдэгт Үндсэн хуулийн Цэцийн хуралдаан хамаарахгүй байтал цаг үеийн нөхцөл байдлыг далимдуулж, ҮХЦ дунд суудлын хуралдаануудаа хойшлуулж байгаа нь Цэцийн гишүүд шалтаг заав уу, шалтгаантай байв уу.

Цэцийн бага суудлын хуралдааныг гурав, дунд суудлынхыг тав, их суудлынх бол 7-9 гишүүний бүрэлдэхүүнтэй хийдэг. Сүүлийн нэг сар ҮХЦ-д ирсэн 25 өргөдөл, мэдээлэл дотор УИХ-аас сүүлд баталсан хэд хэдэн хуулийн зөрчилтэй холбоотой өргөдлүүд зонхилж буй. Тухайлбал, Тэтгэврийн зээлийг нэг удаа төрөөс тэглэх тухай хууль, Сонгуулийн тухай хууль, Үндсэн хуульд нэмэлт, өөрчлөлттэй холбоотой өргөдлүүд хуримтлагдсан гэдгийг эх сурвалж хэлж байна.

Тэтгэврийн зээлийг төрөөс нэг удаа тэглэх тухай хууль нь Үндсэн хуулийг зөрчсөн гэж хэд хэдэн ахмад Үндсэн хуулийн Цэцэд ханджээ. Харамсалтай нь тэдгээр өргөдлийн ихэнх нь шаардлага хангаагүй, хуулийн үндэслэл нь дутуу гэсэн байдлаар буцаагджээ.

Мөн УИХ-ын сонгуулийн тухай хуультай холбоотой есөн өргөдөл Цэцэд иржээ. УИХ-ын Сонгуулийн тухай хуульд авлига, албан тушаалын гэмт хэрэгт холбогдож, ял эдэлж байсан иргэнийг нэр дэвшүүлэхгүй байх заалтыг тусгасан. Ингэснээр МАХН-ын дарга Н.Энхбаяр 2020 оны УИХ-ын ээлжит сонгуульд нэр дэвших эрхгүй болсон. Уг заалт нь Үндсэн хууль зөрчсөн гэж үзэн, МАХН-ын дарга Н.Энхбаяр гавьяат хуульч Ц.Шаравдоржоороо дамжуулж, Үндсэн хуулийн Цэцэд нэгдүгээр сарын 15-ны өдөр хандсан. Мөн гадаадад байгаа иргэдийн санал өгөх эрхийг хангаж, зохицуулаагүй орхигдуулсан гэснээс гадна нэр дэвшүүлэх ажиллагаа эхлэхээс өмнө УИХ-ын гишүүн хийсэн ажлын тайлангаа танилцуулахаар уулзалт хийх нь сонгогчдын санал татах зорилгоор явуулж байгаа үйл ажиллагаанд хамаарахгүй гэх агуулгатай заалт Үндсэн хууль зөрчиж байна гэж үзсэн иргэдийн өргөдөл бий гэдгийг Үндсэн хуулийн Цэцийн Хэвлэл мэдээлэл, олон нийттэй харилцах албаны дарга Ж.Нэргүй хэвлэлд өгсөн ярилцлагадаа тодотгосон.

Түүнчлэн саналын хуудсыг ямар тохиолдолд хүчингүйд тооцох тухай заалтыг хөндсөн өргөдөл ч ирсэн аж. 

Үндсэн хуульд нэмэлт, өөрчлөлт оруулах журмын тухай хууль нь Үндсэн хууль зөрчсөнтэй холбоотой 4-5 өргөдөл Үндсэн хуулийн Цэцэд иржээ. Уг өргөдлийн дагуу Үндсэн хуулийн Цэц УИХ-аас тайлбар мэдээлэл авах учиртай. Тэгвэл одоогоор УИХ-аас тайлбар мэдээллээ гаргаж өгөхгүй сар гаруй өнгөрч байна гэдгийг Үндсэн хуулийн Цэцийн Тамгын газраас хэлж байна.

         ҮНДСЭН ХУУЛИЙН ЦЭЦ ИРГЭНИЙ ӨРГӨДӨЛ, МЭДЭЭЛЛИЙГ НЬ ХЭДИЙ ХУГАЦААНД ХЯНАН ХЭЛЭЛЦДЭГ ВЭ?

Өргөдөл, мэдээллийг хүлээн авсан Цэцийн гишүүн 14 хоногийн дотор урьдчилан хянан шалгаж, маргаан үүсгэх, эсэхийг санаачилгаараа шийдвэрлэдэг. Харин Цэцэд хандах эрх бүхий байгууллага, албан тушаалтнаас гаргасан хүсэлтийг хүлээн авсан гишүүн шууд маргаан үүсгэн шалгах хуулийн заалттай. Маргаан хянан шийдвэрлэх ажиллагаа үүсгэснээс хойш 30 хоногийн дотор хуралдаанд бэлтгэдэг. Харин маргаан нь ээдрээ, түвэгтэй бол уг хугацааг сунгаж болох хуулийн зохицуулалттай юм байна.

Үндсэн хуулийн манаач болсон Цэц иргэдийн өргөдөл мэдээллийг хэлэлцэхгүй  “хав дарж” байгаа нь Үндсэн хуулийн Цэц өөрөө Үндсэн хуулиа зөрчиж байгаа хэрэг биш гэж үү. Хоёрдугаарт, Үндсэн хуулийн Цэц Үндсэн хууль зөрчсөн эсэх асуудлаар эцсийн шийдвэр гаргадаг учир  “Үндсэн хуулийн Цэцийн дээр зөвхөн хөх тэнгэр байдаг” гэх ч хөх тэнгэр бус улстөрчдийн бүлэглэл байна гэдгийг улстөрчид нь өөрсдөө хэлдэг.

Гуравдугаарт, Үндсэн хуулийн шүүх бол бүх засаглалаасаа хараат бус байх энэ зарчим өнөөдөр алдагдав уу. Засгийн газрын шийдвэр, тогтоолыг ҮХЦ дагаж мөрдөх ёстой юу зэрэг олон асуулт урган гарч байгаа юм.

Дахин хэлэхэд, Цэцийн бага суудлын хуралдааныг гурав, дунд суудлынхыг тав, их суудлынх бол 7-9 гишүүний бүрэлдэхүүнтэй хийдэг атлаа энэ нь олон нийтийн арга хэмжээ мөн эсэхэд Үндсэн хуулийн Цэц хариулт өгнө биз ээ.

Энэ мэдээнд өгөх таны сэтгэгдэл?
4
БурууБуруу
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-13 103.111.68.3

ЭНЭ УЛСАД БОЛЖ БАЙГАА ЮМ БАЙНА УУ?
ДИПЛОМАТ АЛБА, ТАГНУУЛ, ЦЭЦ, ШҮҮХ, ПРОКУРОР, ЦАГДАА ГЭЭД Л ТӨРИЙН ХАМГИЙН ТОМ АЛБАД ХАХУУЛ, ХАР ТАМХИТАЙ ХУТГАЛДСАН ТАХАЛНЫ ҮҮР УУРХАЙ БОЛСОН. ӨМНӨ СОНГОГДОЖ БАЙСАН БҮХ ЕРӨНХИЙЛӨГЧ, ЕРӨНХИЙ САЙД, УИХ ДАРГА, ГИШҮҮД НАР БҮГД ХУЛГАЙЧ ХУДАЛЧ. ЭНЭ ЗАСАГЛАЛЫН ХЭЛБЭР БУРУУ БАЙГААГ БИД 30 ЖИЛ БОЛСОН Ч ОЙЛГОХГҮЙ ЮМ УУ? МОНГОЛД ЯПОН, АНГЛИ ШИГ ХААН ХЭРЭГТЭЙ. ЭСВЭЛ ЯДАЖ ХӨРШ УЛСУУД ШИГ ХҮЧТЭЙ ЕРӨНХИЙЛӨГЧ ХЭРЭГТЭЙ. 4х4 ЖИЛЭЭР 200 ХУЛГАЙЧЫГ ТЭЖЭЭСЭЭР БАЙТАЛ МОНГОЛ СӨХӨРЛӨ

Avatar

Зочин 2020-02-13 103.57.95.75

Ажил хийх хүн, байгууллага боломж хайна. Ажил хийхгүй хүн, байгууллага шалтаг хайна. Голомт нь болсон Хятад улс бүх хурлаа таслалгүй теле байдлаар явуулж байна. Монголд таг. Харин цалин авна
Айгаад байвал өөрсдөө тусгай өрөөнд суугаад Үндэсний телевиз ашиглан теле хурал зохион байгуулж болох байна.
Ажлаа хийхгүй гэж байгаа бол цэц байх хэрэггүй. Ийм онцгой нөхцөл байдалд ажиллах чадваргүй цэц гэж хөрөнгө үрсэн байгууллага ер нь байх хэрэг байгаа юм уу? Гишүүд нь ч гэж ёс суртахуунгүй.

Avatar

Зочин 2020-02-13 66.181.181.61

Цэцийн нэг гишүүн Эрдэнэтийн хэргээр ял авах гээд шоронгоос мултрах гээд хор найруулаад завгүй яваа

Avatar

болор 2020-02-13 88.125.80.192

Цэц гэснээс нөгөө муу Одбаяр маань сайн болуу хахха

Avatar

Зочин 2020-02-13 192.82.75.110

Ш.Адьяамаагийн ойлголтоор бол Онцгой байдоын хорооны хурал, Засгийн газрын хурал, коронавирусын талаар сэтгүүлчдэд мэдээлэл өгдөг хурал олон нийтийн цуглаан болох уу

Avatar

44444 2020-02-13 202.126.89.174

Ийм цэцтэй байснаас тараасан нь дээр цэц улс төрчдийн ясаа амраадаг оршуулга болжээ гэдэгтэй санаа нэг бна

Avatar

Зочин 2020-02-13 192.82.73.212

Цэц байх эрхзүйн болоод ёсзүйн чадамжгүй нөхөдүүд байна ш дээ.

Avatar

Зочин 2020-02-13 202.9.46.218

төрийг доромжилсон эдгээр амьтдыг даруй зайлуулж хариуцлага тооцооч.Дэлгүүр хоршоо,гуанз рестран,төрийн бүх л албууд ажиллаж байхад эд нар юу вэ???Даварсан тэнэг гарууд б.на.

Avatar

Зочин 2020-02-13 202.9.46.218

энэ хог болсон хөгийн амьтдыг цэцээс зайлуул.Эд нар ёстой юу юм бэ??? яршиг л б.на.Дэлгүүр хоршоо гуанз рестран төрийн бүх л албууд ажлаад л байхад. Төрийн албыг гацааж,элдэв үйлдлээр доромжилсон энэ амьтдад арга хэмжээ аваач.Хамгийн сайхан нэр хүндийг хэтэрхий доромжилж б.на шүү.

Avatar

Зочин 2020-02-13 64.119.19.162

Энэ цэц бол хуралдаж байх л хэрэгтэй шуу дээ эд нарт тэр ханиад ямар хамаа байна вэ хуралдааны уед хун бага оруулна биз дээ сайхан шалтаг хийх юм даа сонгуулийн хуулийг ундсэн хууль гээд юайхан хуульд хориг тавих хэрэгтэй шуу дээ

Avatar

Зочин 2020-02-13 59.153.85.134

шүүх хуралууд 20-30 хүнтэй болоод байдаг, 5 хүнтэй цэц болохоор хөл хорио тогтоочихдог

Avatar

Зочин 2020-02-13 202.126.89.214

Цэц юуч шийдэхгүй. Зүгээр сул цалин авагч маш сул дорой хүмүүсийн эцсийн хорогдох байр. Архи уух ажил байнаа байна

Avatar

Зочин 2020-02-13 103.111.68.3

ЭНЭ ЗАВХАРСАН ХУЛГАЙЧДЫН ОРОГНОХ БАЙРЫГ ДЭЛБЭЛВЭЛ ТААРНА.

Avatar

Зочин 2020-02-13 66.181.161.16

Иргэн: ҮХЦ-ийг ийм байдалд оруулсан хүмүүс бол .Жанцан, Бамбадорж нар. Эдгээр эрхэмүүд одоогийн эрхэлж буй албаа хэр хаших болоо.

Avatar

zochin 2020-02-13 192.82.73.138

udur tutmiin ajil ni biz dee, dandaa hugshchuul bdag bolohoor uxex ni geed aigaa bgaam uu, dusad huviin turiin ajil heviin l yavj bna sh d

Avatar

Зочин 2020-02-13 192.82.73.137

Татан буулгавал таарах газар. Улс төрчдийн нөлөөлөлөөр шийд гаргадаг ийм балай газрыг тэжээх хэрэггүй.

Avatar

Зочин 2020-02-13 66.181.171.34

9 гишүүнээс гадна цэцийн ажилтнууд, оролцогч, сонирхогч гээд олон хүн оролцдог юмаа

Avatar

Ганаа 2020-02-13 202.126.89.174

Засгийн газар үйлдвэр яам зах худ ны төвүүд ажилж бна 1о хүрэхгүй хүнтэй цэц одоо болио

NewsMN Гар утасны хувилбар Татах
NEWS.mn

Мэдээллийн эх сурвалж