Дорноговь аймгийн Онцгой комиссын өнөөдөр /2020.02.12/  хуралдаж  шинэ коронавирусийн дэгдэлтээс сэргийлэхийн тулд өндөржүүлсэн бэлэн байдлын зэрэгт шилжүүлэхээр шийдвэрлэсэн байна.  Мөн:

• Ариутгал халдваргүйжүүтгэлийн бодисыг нэмэгдүүлэх,
• Сар шинийн баярыг өргөн дэлгэр тэмдэглэхгүй байх,
• Аймгийн нутаг дэвсгэрээр дайран өнгөрч байгаа зорчигч тээврийн хэрэгсэлд ариутгал халдваргүйжүүлэлтийг хийх,
• Бар, цэнгээний газар, шашны байгууллагын үйл ажиллагааг түр зогсоох,
• Олон улсын гал тэрэгний хуваарь, чиглэлд өөрчлөлт оруулах саналыг Улсын Онцгой комисст хүргүүлэх зэрэг шийдвэрийг гаргажээ.

Эргэн сануулахад, өнгөрсөн нэгдүгээр сарын 23-нд тус  аймгийн Замын-Үүдийн боомтоор Эрээн-Улаанбаатар чиглэлийн автобусаар зорчиж, хил нэвтэрсэн ээж охин хоёроос сэжигтэй тохиолдол илэрсэн юм. Тодруулбал, зургаан настай хүүхэд халуунтай байсан тул шинжилгээ, үнэлгээ хийж тэднийг Замын-Үүдийн эмнэлэгт түр тусгаарлан шалгахад шинжилгээний хариу сөрөг буюу шинэ коронавирусийн халдвар илрээгүй. Улмаар ээж, охин хоёр Өвөр Монголын иргэн учраас хил хаахаас өмнө буцаасан билээ.

Э.БУРАМ